“Kitabla dost ol!..” müsabiqəsi başa çatıb

M.Qorki adına Səyyar Kitabxana Fondunda Bakı Şəhər Mədəniyyət və Turizm İdarəsinin (BŞMTİ) dəstəyi ilə tədbir keçirilib. BŞMTİ-dən verilən məlumata görə, kitabxananın direktoru Nüşabə Ələkbərova, İdarənin rəisi Əlikram Əliyev 2009-cu ilin Azərbaycanda “Uşaq ili” elan edilməsi ilə əlaqədar şəhər kitabxanalarında ilin əvvəlindən bəri keçirilən “Kitabla dost ol, ən fəal oxucu ol!” müsabiqəsinə yekun vurulduğunu, qaliblərin müəyyənləşdirildiyini elan ediblər.

Tədbirdə yazıçı Natiq Rəsulzadə, şair İlyas Tapdıq, filologiya elmləri doktoru, professor Gülrux Əlibəyli, jurnalist Şəmistan Nəzirli müsabiqənin keçirilməsində başlıca məqsədin kitaba, mütaliəyə, kitabxanalara marağın artırılması olduğunu vurğulayıblar: “Uşaqların şəxsiyyət kimi formalaşmasında kitablar, kitabxanalar hər zaman əhəmiyyətli rol oynayıb”.

Sonda müsabiqənin 20 nəfər qalibinə mükafatlar təqdim edilib, onlara BŞMTİ-nin fəxri fərmanları və xatirə hədiyyələri verilib.

SARA

525-ci qəzet.- 2009.- 29 oktyabr.- S.7.