Azərbaycanın miniatür kitabları
Belarusda sərgilənib
Sentyabrın 22-də Minskdə "Azərbaycan,
Belarus və dünya klassikləri miniatür kitabda" beynəlxalq sərgisinin təntənəli açılışı
mərasimi keçirilib.
Bu barədə Azərbaycanın Belarusdakı
səfirliyindən Mədəniyyət
və Turizm Nazirliyinə məlumat verilib. Nazirliyin açıqlamasına görə,
sərgidə dünyanın
64 ölkəsindən 400-dən
çox miniatür kitab nümayiş olunub. Azərbaycan eksponatlarının əksəriyyəti
Bakıdakı Miniatür
Kitab Muzeyinin direktoru Zərifə Salahovanın kolleksiyasından
götürülüb.
Sərginin
açılış mərasimində Z.Salahova ilə
yanaşı, Belarus Milli Kitabxanası direktorunun müavini
Tatyana Kuzminiç, Azərbaycanın Belarusdakı səfiri Əli
Nağıyev, Belarusun Azərbaycandakı səfirliyinin ikinci
katibi Svetlana Karpuşina, Belarus Milli Rəssamlıq Muzeyinin
direktoru Vladimir Prokovtsov da çıxış ediblər. Mərasimdə
Azərbaycanın qədim çalğı aləti olan sazda
xalq havaları səsləndirilib, Belarus İncəsənət
Kollecinin tələbəsi Şamil Məmmədov Azərbaycan
dilində mahnı oxuyub.
SARA