Nəriman Həsənzadənin poeması
Ankarada dərc olunub
Xalq şairi Nəriman Həsənzadənin
"Nuru Paşa" poeması Ankarada nəşr olunan "Edebiyyat, kültür ve sanat" jurnalının iyul nömrəsində işıq
üzü görüb.
Poemanı türkcəyə
tanınmış türk
şairi İsmet Bora Binatlı çevirib. Xalq şairinin verdiyi
məlumata görə,
poemada məşhur türk sərkərdəsi
Nuru Paşanın
1918-ci ilin yayında Azərbaycanı bolşevik-daşnak
birləşmələrinin təcavüzündən qorumaq
üçün Gəncədə,
Bakıda və digər qəzalarımızdakı
döyüşlərdə göstərdiyi şücaət və qəhrəmanlığı əks
olunub. Şair poemanı yazarkən tarixi sənədlərə,
arxiv materiallarına əsaslanıb.
Türkiyədə
böyük maraqla qarşılanmış poemanın
yaxın günlərdə ölkənin digər
jurnallarında da dərci planlaşdırılır. Bunu
İsmet Bora N.Həsənzadəyə yazdığı məktubunda
bildirib.
Xatırladaq ki, poemadan
parçalar ilk dəfə bu ilin may-iyun aylarında "Azərbaycan"
qəzeti və "525-ci qəzet"də dərc edilib.
S.MÜRVƏTQIZI