İçimdə bayramımsan, ...Çölümdə
yasım...
Xəyyamın təqvimində
Beş min ildə bir dəfə
Olan xətamsan mənim...
Göylərdən
endirilən
Qərib ətamsan mənim.
İçimdə
bayramımsan,
...Çölümdə
yasım.
Yayda,
Dağda qarımsan
Qarı bağrıma
basdım...
Suyum, Nurum, şəffafım
–
İlacımsan - zəhərli
–
İşıqda
görünməyən,
Kölgədə
zümrüd rənglim...
Dənizsən, bir andaca
Yerə gömülə
bilən.
Səhramsan -
"Yahu" - desəm
Göy dənizə
çevrilən...
İçimdə
bayramımsan,
...Çölümdə yasım...
28 mart 2009-cu il
Üç min ildir
Sevgilisinin qatilinə təslim
olmamaq və onun qələbə
şadyanalığını görməmək
üçün Kleopatra səbətdə zəhərli
ilanların gətirilməsini əmr etdi.
Onun eşq yolunda
intiharı da bənzərsiziydi...
Sən mənim
Kleopatram! –
İlanlara yem olan.
Mən sənin ürəyinəm
–
Dünya boyda
qəm dolan...
Üç min ildi sevirəm
Nur qoxuyan ağlını.
Üç min ildi sevirəm
O lalənin bağrını.
Üç min ildi
Qulac-qulac saçıntək,
Şabalıd çiçəyindən
Əqidən ətir saçır...
Üç min ildi bir gözəl
Ölümə qənşər qaçır...
(Şəlalələr yellənir
Alçalar çiçək açır...)
13 mart 2008-ci il
İlhamla Fərizədən əvvəl
Kleopatra olub, Antoniy olub,
Leyli, Məcnun, Beatriça, Cülyetta...
Dünya eşq ətriylə dolub –
Havalanıb,
sonra key olub...
Keyiyib dünyanın əli-ayağı
Keyiyib dünyanın dili-dodağı.
Və bu keyin-küyün içində
Paşa Qəlbinur doğulub –
Sürgün olub,
Eşq adlı dünyaya...
Dünya başdan-başa ətir gölündə
Mən də ki, fələyin ağ yel atında,
Əlimdə ulduzdan qələm-bıçağım
Yaza da bilirəm İşıq dilində,
Poza da bilirəm zülmət gecəni.
Ulduzlu göylərim and-aman yerim,
Ulduzlar köməyim, göylər köməyim.
23 mart 2009-cu il
***
Nə vaxtsa süd əmirdin,
İndi dərman sorursan,
Qolundakı saata bax,
Sındır əqrəblərini,
Boş özünü yorursan...
14 oktyabr 2008-ci il
Əlinə pul dəyən uşaq
Əlinə pul dəyən uşaq –
Nə belə ətin ürpəşdi.
Nə belə tükün çimçəşdi,
Nə belə gözün böyüdü...
Bir az adam iyi gələn,
Bir az badam iyi gələn.
Bu "kağız"a elə baxdın –
Dostların yadından çıxdı...
Allahın yadından çıxdı...
Əlinə pul dəyən
uşaq,
Pula nökərin kimi
bax.
5 oktyabr 2008-ci il
***
İməkdən yeriməyə
Verilən rüsxət
kimi,
İşıqdan
qaranlığa
Çəkilən
düz xətt kimi
Sən mənim taleyimsən.
Kainatı yaradan
"Böyük
partlayış" yalan
Pillə-pillə təkamül
Hamısı bom-boş
yalan,
Sən mənim taleyimsən.
Zülmətlərin
bağrına,
İldırımlar
calandı.
Dünya haqq
dünyasıdı,
Təsadüflər
yalandı.
Sən mənim taleyimsən.
Sinəmdəki ürəkdi,
Kilsə zəngi
döyül ha.
And içməyə
çörəkdi –
Günəş
çöhrən, Ay Allah!
Sən mənim taleyimsən.
Sən mənim
xilasımsan,
Nuhun gəmisi kimi.
Sən mənim müqəddəsim
Taxıl zəmisi kimi...
Ağlın gözlərindədi,
Dünyanın gözəlliyi.
Cəm olub gözlərinə...
Nur şəlaləm, su
pərim!
Ürəyim bir buz kimi
Əriyir gilə-gilə
Sənin qədəmlərinə...
Xoşbəxtlikdən o
yana,
İtirsəm ürəyimi.
Bircə Sizə gələrəm,
Nuhun gəmisi kimi.
Son ümidim bilərəm.
İməkdən yeriməyə
Verilən rüsxət
kimi,
İşıqdan
qaranlığa
Çəkilən
düz xətt kimi
Sən mənim taleyimsən,
Sən mənim taleyimsən...
20 may, 14 oktyabr 2008-ci il
***
Gözlərinin al rəngində
Sən məndən bir
gül istədin.
Başdan başa
düm-düz olan,
İlahi bir gün istədin.
Sən məndən
ürək istədin,
İçində bir sən
olasan.
Sən məndən yelpək
istədin,
Uçub, göylərdə
qalasan.
Nəğməyə,
"göy qurşağı"na,
Əllə toxunmaq istədin.
Dünəndə
qalıb, - indisiz,
Sabahda yaşayaq -
dedin...
Sən məndən
ömür istədin –
Lap əvvəldən
yaşanası.
Ömürdən
ömür-gün çəkən,
Şimşəyin tale
maşası...
"Dəryada cicim
gördüm,
Baxdıqca ucun
gördüm,
Mən səndən
ayrılmazdım,
Fələyin gücün
gördüm".
19 aprel 2008-ci il
Ana
İşıq olub, nur olub,
Damarımda axanım...
Kilim olum, döşənim,
Ayağında tapdanım...
Gözlərimin yağında
Yanır şamın piltəsi.
Bu qaranlıq gecədə,
Nurunu qəbul eylə!..
Dualarım görünmür,
Göz yaşlarım allanır.
Bir ömür xərclədiyin
Barını qəbul eylə!..
Borcum dünyalar qədər,
Qibləm, şax dur, əyilmə!
Pirim, ruhum, qurbanın –
Qurbanın qəbul eylə!..
İşıq olub
Damarımda axanım.
Kilim olum
Ayağında tapdanım,
Ay Ana...
6 aprel 2008-ci il
***
İşıqsan, göz qamaşmayan,
Rəngin bətnində gizlənib.
Fikirsən, söz yapışmayan,
Zaman axıb təmizlənib.
Söz deyərəm əzilməsin –
"Nur" deyirəm, bənzərsizim.
Səndə məntiq gəzilməsin
Yoxdur həqqin tərəzisi.
Nə divanə, nə müdrik var
Nə ağıl var bu dünyada,
Küləklər qovan buludlar –
Ömür denən, tale ya da...
Yerdən uca yüyürənim –
Susuz axan şəkkim-çayım.
Göydə, nurda göyərənim,
Nar olub, sıxılan ayım...
İşıqsan, göz qamaşmayan –
Rəngin bətnində gizlənib.
Fikirsən, söz yapışmayan,
Zaman axıb təmizlənib.
10 mart 2008-ci il
Novxanıda küləklər
Ağaclardan
Əl çəkməyən kimi,
Qayğıların əlindən
Yaxamı çəkəmmədim.
Virus kimi çoxaldılar,
Donuz kimi çoşqaladılar...
Sevincimi
Yer tapıb əkəmmədim.
Qayğıların əlindən
Yaxamı çəkəmmədim.
23 iyul 2008-ci il
***
Balıq nəfəs alır
Dibində gölün –
Suların üzündə qovuqlar qalır
Barama tor qurur, dəmirçi döyür –
İpəyi tor olur, poladı qarmaq...
Qarmağın ucunda
Can verən o qurd
Bir qızıl balığın alın yazısı.
Atəş!..
Sıldırımda ova şığıyır
Hacı Mirəslafın qızıl tazısı...
Sularda balığın göz yaşı qaldı,
Yağ damlası kimi dumduru ilıq.
Qayaya sıçradı təkənin qanı –
Lalə yanağında günəş qarışıq...
Atəş!.. Çe Qevara,
Müşfiq, Ziya, Nur,
İraq, Əfqanıstan, Nyu-York,
Xocalım!
Göyçayda nar, Təbrizdə dar
ağaclarım,
Biri də içimdə qurulur mənim...
21 iyul 2007-ci il
Mən onu görürəm
Haqqım tapdananda,
Haqq danılanda,
Uzaq, uzaq, uzaqlardan
Yaxınlaşır bir Aləm!..
Gözlərim böyüyür göy üzü qədər
Mən Onu görürəm!.. Dərd və kədər
Məni mismar kimi
Yerə çalanda!..
Allah mənə yaxın olur,
Ürəyim qədər!..
Mən Onu görürəm!..
İşıq ətəyiylə gözlərimi siləndə,
Qaranlıqlar yarılır...
Nur
Qanıma yayılır...
Mən Onu görürəm...
17 yanvar 2008-ci il
Paşa QƏLBİNUR
525-ci qəzet.- 2009.- 9 may.- S. 9.