Azərbaycan Gənc İstedadların
VI Beynəlxalq Festivalında
təmsil olunub
Belarusun Mozır şəhərində "Zemlya
pod belımi krılyami" adlı Gənc İstedadların
VI Beynəlxalq Festivalı
keçirilib. Mədəniyyət
və Turizm Nazirliyinin mətbuat xidmətinin rəhbəri
Zöhrə Əliyevanın
verdiyi məlumata görə, 11 ölkənin
təmsil olunduğu festivala Azərbaycan ilk dəfə qatılıb. Beş yüz nəfərdən çox iştirakçısı
olan festivalda ölkəmizi Bakı şəhər 12 saylı
Uşaq Musiqi Məktəbinin və 1 nömrəli Uşaq İncəsənət Məktəbinin
şagirdləri təmsil
ediblər.
Festival çərçivəsində
keçirilən müsabiqənin nəticələrinə əsasən,
12 saylı Uşaq Musiqi Məktəbinin şagirdlərindən
Şamil Məmmədov solo-vokal (estrada) nominasiyası üzrə
birinci dərəcəli diploma, Vüqar Məmmədov
solo-vokal (xalq yaradıcılığı) nominasiyası
üzrə xüsusu diploma, 1 nömrəli Uşaq İncəsənət
Məktəbinin şagirdləri Cabbar Səttarov və
Vüsalə Babayeva isə milli rəqs nominasiyası üzrə
birinci dərəcəli diploma layiq görülüblər.
Qaliblərə qiymətli hədiyyələr təqdim olunub.
525-ci qəzet.- 2009.- 9 may.- S.23.