Yeniyetmə idmançının ilk
uğurları
Son illər
dünyanın bir çox mötəbər turnir və
yarışlarında ölkəmizi təmsil edən
idmançılarımız vətənə
alnıaçıq, üzüağ qayıdırlar. Respublika
səviyyəsində keçirilən turnir və
yarışlarda isə gənc
idmançılarımızın əldə etdikləri
uğurlar gələcəkdə bu
idmançılarımızın daha böyük uğurlara,
nailiyyətlərə imza atacaqlarını deməyə əsas
verir. Belə idmançılardan biri də Yusifov Üzeyir
Qalib oğludur. O, 1997-ci il may ayının 21-də Tovuz
rayonunun Qovlar qəsəbəsindəki Məharət Məmmədov
adına orta məktəbin 1-ci sinfinə daxil olub. 2008-ci ildə
valideynlərinin işi ilə əlaqədar Bakıya
köçüb və hazırda Nəsimi rayon Fəxrəddin
Nəcəfov adına 266 nömrəli məktəbin 6-cı
sinif şagirdidir. O, 2008-ci ilin sentyabrın 16-dan Bakı Şəhəri
üzrə Təhsil İdarəsinin 6 nömrəli Uşaq Gənclər
Güləş İdman Məktəbinin şagirdidir.
Yeniyetmə güləşçi
2009-cu ilin mart ayının 14-15-də Bakıda Novruz
bayramına həsr olunmuş sərbəst güləş
üzrə 1995-97-ci il təvəllüdlü yeniyetmələr
arasında keçirilən 6 nömrəli UGGİM-nin birinciliyində
53 kq çəki dərəcəsində 3-cü yerə
layiq görüldü.
Yeniyetmə
idmançının uğurları bununla kifayətlənmir.
Ü.Yusifov 2009-cu ilin aprel ayında UGGİM-nin Qubada
keçirilən zona birinciliyində 1-ci yeri tutub və
UGGİM-nin mayın 1-2-də Gəncədə keçirilən
Azərbaycan birinciliyinə vəsiqə qazanıb. Həmin
yarışda da göstərdiyi əsl idmançı
şücaətlərinin nəticəsi olaraq bütün rəqiblərini
üstələdi və 57 kq çəki dərəcəsi
üzrə 1-ci yerə layiq görüldü.
Ü.Yusifovun tez bir
zamanda bu uğurları qazanmasında müəllimi Zakir
İbrahimovun rolu əvəzsizdir.
Vüsal MƏMMƏDLİ