Qafqaz Universiteti Naxçıvan Dövlət
Universitetilə birgə
"Arşın mal alan"ı təqdim
edib
Mayın 17-də Səməd
Vurğun adına
Rus Dram Teatrının
səhnəsində Qafqaz
Universiteti və Naxçıvan Dövlət
Universitetinin (NDU) incəsənət
fakültəsi dahi bəstəkar Üzeyir Hacıbəyovun "Arşın
mal alan" əsərinin
tamaşasını nümayiş
etdirib. Səhnə əsərinin quruluşçu
rejissoru NDU-nun müəllimi,
Naxçıvanın əməkdar
artisti Mübariz Əsgərovdur. Tamaşanı NDU-nun orkestri müşayiət edib.
Musiqilər
sözügedən ali təhsil müəssisəsinin müəllimi
Vahid Məmmədov dirijorluğu ilə səsləndirilib. Tamaşanın
rəssamı NDU-nun birinci kurs tələbəsi Cəlal
Rzayevdir.
Əsas rolları M.Əsgərov
(Əsgər) və Gülyanaq Fərzəliyeva
(Gülçöhrə) ifa ediblər. Soltan bəy və
Telli rolunu isə NDU-nun müəllimləri Sərdar Qurbanovla
Leyla Abbasova canlandırıb. Universitetin müəllimləri
ilə yanaşı hər iki təhsil ocağının tələbələri
də operettada rol alıblar. Tələbələrdən Zeynəb
Yusifova (Cahan), Şəhriyar Zeynalov (Süleyman), Əfsanə
Mirzəyeva (Asya) və Ramin İmamquliyevin (Vəli) ifaları
maraqla qarşılanıb.
Tamaşaya Qafqaz
Universitetinin rəhbəri professor Ahmed Sanic, NDU-nun rektoru
akademik İsa Həbibbəyli, fakültə dekanı
İsmayıl Mürsəlov, prorektor Araz Zalovla yanaşı,
teatrsevərlər və ictimaiyyət nümayəndələri
də tamaşa ediblər.
Sevinc QARAYEVA