AY
VƏTƏN
Ovcumda olanım sənin,
Olanım qalanım sənin.
Başına dolanım sənin,
Başın sağ olsun, ay Vətən.
Nə vermişdin, nə almısan,
Boyum üstə ucalmısan.
Kim deyir ki, qocalmısan,
Yaşın sağ olsun, ay Vətən.
Göz qoymuşuq gözümüzə,
Çoxmu döydük dizimizə.
Qaya düşdü izimizə,
Daşın sağ olsun, ay Vətən.
Könlüm yenə səni arar,
Qopsa tufan,
yağsa da qar.
Hələ
ki, yaz ümidim
var,
Qışın sağ olsun, ay Vətən.
YERİNDƏ DEYİL
Uzunu,
eni bilinmir,
Arxası, önü
bilinmir.
Bilinmir
yönü bilinmir,
Ürəyim yerində deyil.
Buzda
donub, qarı qalıb,
Xəzan
vurub,
Yarısı
yox, yarı qalıb,
Ürəyim yerində deyil.
Canımda
aşınan yerdi,
Harasa daşınan
yerdi.
Yaşayan,
yaşanan yerdi,
Ürəyim yerində deyil.
DAĞLARA-DAĞLARA
Göylərə
qərq olub gözüm,
Buludlar göydə
bir düzüm.
Yerə
dikilib göy üzüm,
Enim dağlara-dağlara.
Tənhalıq
boyuna düşüb,
Qar fəsli
yayına düşüb.
Hələ
ki, oyuna düşüb,
Dönüm dağlara-dağlara.
Gələn
gələr, gedən
ötər,
Ayrılıq ölümdən betər.
Tanrım
desin:haçan yetər,-
Ünüm:dağlara-dağlara.
Bu yerdə
izim var deyin,
Gəlməyə
üzüm var deyin.
Ay Dəmir
sözün var deyin,
Mənim: dağlara-dağlara.
Dəmir ÇEŞMƏLİ
Ədalət.-
2010.- 3 aprel.- S. 22.