Kartepedə Heydər Əliyev parkı

Dünən Kocaeli vilayətinin Kartepe Bələdiyyəsinin, Mərhum Azərbaycan Prezidenti Ulu Öndər Heydər Əliyevin xatirəsinə Beşevler Məhəlləsində inşa etdirdiyi Heydər Əliyev adına Uşaq Parkının açılışı oldu.

Türkiyə ilə Azərbaycan arasındakı davam edən dostluğun sloqanlaşan "Bir millət iki dövlət" sözü Kartepedəki açılışla daha da gücləndirildi. Qardaş iki ölkə arasındakı protokol çərçivəsində Kartepe Bələdiyyəsi tərəfindən Uzunçiftlik Beşevler Məhəlləsində inşa və dizaynı edilən Beşevler Heydər Əliyev Parkının açılışında Türkiyə və Azərbaycanlı qonaqlar iştirak ediblər. Kartepe Bələdiyyə Başçısı Şükrü Karabalıkın ev sahibliyi etdiyi açılışa Kocaeli Valisi (İcra başçısı) müavinləri Mustafa Ünlüsoy və Şükrü Çakır, Kocaeli Böyükşəhər Bələdiyyə Başçısı İbrahim Karaosmanoğlu və Başkan Vəkili İlyas Şəkər, AK Partiyası Kartepe sədri Həsən Kandaz, Kocaeli Mədəniyyət və Turizm müdiri Adnan Zamburkan, Türkiyə Azərbaycan Dərnəkləri Federasiyasının sədri Bilal Dündar, Türkiyə Azərbaycan Gənclər Təşkilatının sədri Anar Əsədov, Azərbaycan Respublikası İstanbul Başkonsulu Hasan Sultanoğlu, Azərbaycan Respublikası Diasporla İş Üzrə Dövlət Komitəsi Türkiyə bölməsinin baş direktoru Elnar Məmmədov, Derince Bələdiyyə Başçısı Dr.Əziz Ələmdar, Bekirpaşa Bələdiyyə Başçısı Abdullah Göktürk, Kocaeli dairə müdirləri, bələdiyyə məclis üzvləri, Kartepe Bələdiyyəsi başqan müavinləri, Kartepe Şəhər Şurası Məclis rəhbərləri, qeyri-hökumət təşkilatı nümayəndələri, siyasi partiya nümayəndələri və məhəllə sakinlərindən ibarət izdihamlı insanlar şahidlik etdi. Kartepe Bələdiyyəsi, "Uşaqlarımız gələcəyimizdir" şüarı ilə Kartepelilerin xidmətinə təqdim etdiyi Beşevler Heydər Əliyev Parkının açılışı rəngli görünüşlərə səhnə oldu. Mərasimdə iştirak etmiş Türkiyə Azərbaycan Gənclər Təşkilatının sədri Anar Əsədovun "Ədalət"ə bildirdiyinə görə, Kartepe Xalq Təhsil İdarəsi Qars və Azərbaycan qruplarının milli rəqsləri və Kartepe Bələdiyyəsi Uşaq Mehteran qrupunun nümayişlərinin ardınca Beşevler Məhəlləsi Muxtarı Mustafa Fidan və Kartepe Uşaq Məclisinin sədri Fatmanur Kılıçarslan etdikləri çıxışlarında parkın Kartepeye qazandırılmasında töhfəsi olan başqan Karabalığa təşəkkür edib.. 4950 kvm sahə üzərinə qurulan parkda futbol və basketbol sahəsi, stolüstü tennis masası, fitness qrupları, uşaq oyun qrupları, oturma qrupları, bulaq və peyzaj tənzimləmələri ilə sadə bir park yaradıldığını bildirən Kartepe Bələdiyyə Başçısı Karabalık, "Uşaq Məclisinin təkliflərini nəzərə alaraq parklarımızı daha funksional hala gətiririk. Bu parkımıza da Heydər Əliyev adını da verərək Türkiyə ilə Azərbaycan arasındakı dostluğun yaşadılmasını hədəflədik" dedi. Kocaeli Büyükşeher Bələdiyyə rəhbəri İbrahim Karaosmanoğlu da, zahiri gözəlləşdirmək, sağlam bir şəhər etmək üçün gecə-gündüz fasiləsiz çalışdıqlarını ifadə edərək, "Sizlərin xidmətinizdəyik. Siz nə qədər xoşbəxt olursunuzsa biz də sizlərlə birlikdə xoşbəxt oluruq" dedi.

Türkiyə Azərbaycan Dərnəkləri Federasiyasının prezidenti Bilal Dündar, Azərbaycan Diasporla iş üzrə Dövlət Komitəsi Türkiyə nümayəndəsi Elnar Məmmədov da, bütün soydaşlarımıza bayram yasatdınız deyərək təşəkkürünü bildirdi. Sonda qonaqlar ərazidə yaradılmış şəraitlə yaxından tanış oldular.

İntiqam VALEHOĞLU

Ədalət.- 2010.- 28 dekabr.- S. 6.