QAX RAYONU İNKİŞAFIN YENİ MƏRHƏLƏSİNDƏ

(əvvəli ötən saylarımızda)

Rayonun yerli xərcləri 3 milyon 142 min manata qarşı 3 milyon 123 manat və ya 99 fazi icra olunmuşdur. 1012-ci ilin birinci rübündə vergi və tədiyyələrin büdcəyə daxil olması rayon üzrə 724.2 min manat proqnoza qarşı büdcəyə 518.1 min manat vəsait daxil olmuşdur ki, bu da proqnozun 71.5 faizini təşkil etməklə 206 min manat azdır. Büdcəyə yığılmış vəsaitin həcmi 2011-ci ilin birinci rübünə nisbətən 34.9 min manat və ya 7.2 faiz artıqdır. Büdcəyə daxil olmalarıda dövlət müəssisələrinin xüsusi çəkisi 5.4 faiz və ya 28.2 min manat, qeyri dövlət müəssisələrinin xüsusi çəkisi 83.1 faiz və ya 430.5 min manat, fiziki şəxslərin xüsusi çəkisi 11.5 faiz və ya 59.4 min manat təşkil etmişdir.

2012-ci ilin birinci rübündə məcburi dövlət sosial sığorta haqları üzrə 680.4 min manat proqnoza qarşı ümumilikdə 721.6 min manat daxil olmaqla proqnoz 106.1 faiz yerinə yetirilmişdir. Proqnoz büdcə sektoru üzrə 110.4%, qeyri büdcə sektoru üzrə isə 91.1 % yerinə yetirilmişdir.

Rayon Əhalinin Sosial Müdafiəsi Mərkəzinə ünvanlı sosial yardım almaq üçün 236 ailə müraciət etmiş, bundan 235 ailəyə ünvanlı sosial yardım təyin edilmişdir. Təyin olunanlardan 10 ailə məcburi qaçqın və köçkün ailəsi, 44 ailə ümumi səbəblərdən əlil şəxslərin ailəsi, 39 ailə isə çoxuşaqlı ailə olmuşdur. Qanunla müəyyən olunaraq 49 nəfər vətəndaşa sosial müavinət təyin olunmuşdur.

Tikinti quruculuq işləri davam edir

Hazırda rayon Qaz İstismar Sahəsi tərəfində şəhərin və Qaxbaş kəndinin yeni yaşayış massivlərinin qazlaşdırılması işi aparılır. Şəhərdə 551 ədəd qaz sayğacı mənzil və həyətlərdən çıxarılmaqla küçə xətlərinə yenisi ilə əvəz olunmuşdur. Almalı kəndinə yeni qaz xəttinin çəkilişi isə davam etdirilir.

Qax şəhərinin su və kanalizasiya sisteminin yenidən qurulması işlərinə başlanılmış, İlisu kəndindən 8 km uzunluğunda Qaxbaş, Qax İngiloy və Qax şəhər əhalisini içməli su ilə təmin edəcək yeni su xəttinin çəkilişi davam etdirilir. Marsan kəndində yeni artezian quyusu qazılıb istifadəyə verilmişdir. Qaşqaçay kəndinə gələn içməli su xəttində baş vermiş qəza nəticəsində sıradan çıxmış 50 metr uzunluğunda 100 mm-lik polad boru yenisi ilə əvəz olunmuşdur.

Rayon Elektrik Şəbəkəsi tərəfindən 12 ədəd transformator yarımstansiyalarında cari və əsaslı təmir işləri aparılmış, 213 ədəd sayğac quraşdırılmış, 9 km 10 kv-luq, 6 km 0.4 kv-luq hava xətti əsaslı və cari təmir olunmuşdur.

Rayon Telekommunikasiya Qovşağı tərəfindən 2012-ci ilin birinci rübündə rayonun bütün kənd ərazilərində sürətli internet yayımını təmin etmək üçün uzunluğu 135 km olan kabel xəttinin 51 km-nin çəkilişi başa çatdırılmışdır. Sürətli internet abunəçilərinin sayı 367 nəfər artaraq 1260 nəfər olmuşdur.

Suvarma kanallarında 60 min m3 həcmində lildən təmizlənmə işləri aparılmış, sahilbərkitmə işlərinin aparılması məqsədilə 285 m3 beton bənd, 125 m3 daş beton bənd, 208 m3 beton kanal əsaslı təmir olunmuş, 202 m3 daşqın və selə qarşı çay məcralarının təmizlənməsi işi aparılmışdır. İlisu kəndinin mühafizəsi üçün tikilmiş suqəbuledici qurğuda 5 min manatlıq əsaslı təmir işləri aparılmışdır.

Malaxçayı üzərində 3 aşırımlı, 54 p/m uzunluğunda və Kürmükçayı üzərində 700 p/m uzunluğunda olan körpülərin tikintisi davam etdirilir.

360 şagird yerlik Zəyəm kənd tam orta məktəb binasında, Əlibəyli kənd xəstəxanasında, Güllük kənd həkim məntəqəsində, İdman kompleksində, Dövlət Sosial Müdafiə Fondunun Qax rayon şöbəsinin inzibati binasında, Qarabaldır kəndi ərazisindəki süd məhsulları emalı müəssisəsində, "El Resort" hotel kompileksinin 2 mərtəbəli konfrans zalında, Heydər Əliyev mərkəzində, Ağçay kəndi ərazisindəki yeni istirahət mərkəzində, 40 mənzilli 9 mərtəbəli və 18 mənzilli 4 mərtəbəli yaşayış binalarında, "Səngər Qala" istirahət kompleksində tikinti işləri davam etdirilir. Vergilər Nazirliyinin 13 saylı ərazi vergilər idarəsinin vergi ödəyicilərinə xidmət göstərəcək vergi xidmət mərkəzi tikilib istifadəyə verilmişdir.

Azərbaycan Respublikasının Prezidenti İlham Əliyevin Nazirlər Kabinetində 2012-ci ilin birinci rübünün sosial-iqtisadi inkişafının yekunlarına həsr olunmuş iclasındakı proqram xarakterli çıxışından irəli gələn vəzifələrin yerinə yetirilməsi istiqamətində royonda aparılan işlər yeni vüsət almaqdadır. əvvəlcədən nəzərdə tutulan tədbirlərin məqsədyönlü icrası gələcək işlərin də uğurlu davamına yaxşı stimuldur.

2012-ci ilin keçən dövrü ərzində rayonda taxılçılığın, tütünçülüyün, heyvandarlıq məhsullarının və emalının inkişaf etdirilməsi, toxumçuluq, tingçilik sahələrində, barama istehsalının artırılması, suvarılan torpaqların su təminatının yaxşılaşdırılması sahəsində işlər davam etdirilmişdir. Tütün emalı, Aqrotexservis xidməti, bitki mühafizə, baytarlıq xidməti sahəsində məqsədyönlü iş aparılması təmin olunmuşdur. Bu ilin ötən dövrü ərzində 423 hektar sahədə yonca, 87,5 hektar sahədə tərəvəz, 278,9 hektar sahədə vələmir, 25,5 hektar sahədə bostan əkini aparılmış, 350 hektar sahədə tütün əkini üçün hazırlıq işləri başa çatdırılmış, 360 hektar sahəni təmin edəcək həcmdə tütün ştillikləri salınmışdır. Məhsul istehsalçılarına güzəştli qiymətlərlə satılmaq üçün Aqrolizinq tərəfindən 184 ton, toxumçuluq təsərrüfatları tərəfindən mərkəzləşdirilmiş qaydada 170 ton azot gübrəsi gətirilmiş, suvarma kanalları və hidrotexniki qurğular işlək vəziyyətə salınmışdır. Cari ildə 400 hektar sahədə kartof, 500 hektar sahədə tərəvəz, 240 hektar sahədə bostan, 2500 hektar sahədə dən qarğıdalı əkilməsi proqnozlaşdırılmışdır. Hal-hazırda səpin aparılması üçün qarğıdalı sahələrində hazırlıq işləri başa çatmaq üzrədir. Taxıl sahələrində 4000 hektara yaxın sahəyə yemləmə gübrəsi verilmiş, 6000 hektardan çox sahədə gəmiricilərə qarşı mübarizə işi aparılmış, 1000 hektar sahəyə yaşıl mala çəkilmişdir.

Beləliklə, Qax rayonunda son illər, ayrıca olaraq 2011-ci ildə və 2012-ci ilin 1-ci rübündə görülən işlərə nəzər saldıqda bütün istiqamətlər üzrə mükəmməl inkişafın şahidi olursan. Belə bir əhval-ruhiyyə daha ciddi uğurlardan xəbər verir.

MƏZAHİR ƏHMƏDOĞLU

Azərbaycan Respublikasının Prezidenti yanında kütləvi informasiya vasitələrinin inkişafına dövlət dəstəyi fondunun maliyyə yardımı ilə

Ədalət.-2012.-8 may.-S.7.