UZAQ, YOXSA YAXIN BALAKƏN?

Uzaqlarda qalan boz xatirələr

Bilirsiniz, indi nələri xatırlayıram? 16-17 il bundan əvvəlləri. O vaxtları ki, gənc respublikamızın sərhəd rayonları sanki çox uzaq və ünyetməz görünürdü. Hansı ki, paytaxtdan bütün istiqamətlərə 4-5, uzaqbaşı 6-7 saatlıq bir məsafədir. Balakən də uzaqlarda qalmışdı elə bil. Gecələri qaranlıq, gündüzləri boz-bulanıq primitiv bir dağ rayonu.

İşıqlı, al-əlvan vətən torpağı...

Milli liderimiz Heydər Əliyevin ən çətin dövrlər üçün hesablanmış daxili və xarici siyasəti respublikanın iqtisadiyyatını bütün istiqamətlər üzrə yüksəltməyə başladı. Belədə Balakən kimi ucqar rayonların da bəxti güldü. Bu inkişaf, bu tərəqqi bütün respublikanı bürüdü, Azərbaycan kəndli-şəhərli yeni bir mərhələyə qədəm basdı.

Ulu öndərin layiqli davamçısı, Azərbaycan Respublikasının Prezidenti İlham Əliyev ümummilli strategiyanın ən mühüm uğurlarına imza atdı.

Qəbul edilmiş Dövlət Proqramları ölkəni arzulanan xoş bir gələcəyə daşıdı və daşımaqdadır. Müstəqilliyin, daxili və xarici siyasətdəki nailiyyətlərin qazandırdığı ən gözəl nümunələrdən biri də elə bu günün Balakənidir.

Daim inkişafda olan işıqlı, müasir və qarşı dağları kimi əzəmətli Balakən. Həm də ucqar olub da, çox yaxında görünən Balakən...

Yüksək etimadı doğrultmağın prinsipi

Bu gün rayon mərkəzində, rayonun hər bir qəsəbə və kəndində sıravi sakindən tutmuş rayon rəhbərliyinə kimi bir məqsəd uğrunda mübarizə gedir. İqtisadiyyatın bütün sahələrində uğurlar qazanmaq, sosial-mədəni həyatın yüksəlişini təmin etmək, Prezidentin etimadını doğrultmaq. Burada ötən hər günün öz uğuru, dəst-xətti görünür. Bu səbəbdəndir ki, rayon əhalisi icra hakimiyyətinin başçısı İslam Rzayevin bütün çağırışlarına canla-başla, böyük istəklə cavab verir. Çünki bir rayon rəhbəri kimi ona inanırlar...

Uğurlarla başlanan

Artıq may ayı da sona yaxınlaşır. Ancaq bir ay əvvəl Nazirlər Kabinetində keçirilən müşavirənin yaratdığı işgüzar əhval-ruhyiyyə daha da yüksəlməkdədir. Nazirlər Kabinetində cənab İlham Əliyevin sədrliyi ilə cari ilin birinci rübünün yekunlarına həsr olunmuş müşavirədə ölkə prezidenti həm görülən işlər və əldə olunan nəticələrdən danışmış, həm də qarşıda duran vəzifələrə və həllini gözləyən problemlərə toxunmuşdur.

Ölkə Prezidenti İlham Əliyev bütövlükdə iqtisadi sahədə verilən tapşırıqların yerinə yetirildiyini, sosial infrastrukturun yaradılması istiqamətində proqram üzrə işlər aparıldığını qeyd etmiş, birinci rübdə informasiya-kommunikasiya sektorunda və hərbi-sənaye potensialında artım müşahidə edildiyini, daxili investisiya imkanlarının, ixrac potensialının artdığını göstərmişdir. Prezident sosial-iqtisadi uğurlardan danışarkən mövcud problemlərə də toxunmuş, xüsusilə içməli su, kanalizasiya, qazlaşdırma, yolların təmirinin və digər problemlərin həllinin son illərdə ən çox diqqət yetirilən məsələ olduğunu bildirmişdir. Bu məqsədlə Dövlət İnvestisiya Proqramının tam şəkildə, vaxtında və ən önəmlisi yüksək keyfiyyətlə icrasının vacibliyini vurğulamışdır.

Başçı inamla danışır

Bu yaxınlarda rayonda keçirilən ümumrayon müşavirəsində Balakən Rayon İcra Hakimiyyətinin başçısı İslam Rzayevin çıxışında da bir sıra tezislər sosial-iqtisadi və mədəni həyatın bütün sferalarını əks etdirməklə diqqət mərkəzində olmuşdur. İ.Razayev demişdir:

- İlin I rübündə rayonda görülən işlərdən danışmazdan əvvəl qeyd etmək istəyirəm ki, 2012-ci ildə Balakən-Qazma-Darvazbinə yolunun yenidən tikilməsi nəzərdə tutulmuşdur. Ölkə Prezidenti cənab İlham Əliyev həmin tədbirin icrası məqsədilə 28 mart 2012-ci ildə "Balakən rayonunun sosial-iqtisadi inkişafının sürətləndirilməsinə dair əlavə tədbirlər haqqında" Sərəncam imzalamışdır. Həmin sərəncamı infrastrukturun inkişafına çox əhəmiyyətli bir töhfə, ilin əvvəli üçün rayonun sosial-iqtisadi həyatının ən mühüm hadisəsi adlandırmaq olar...

...Rayon iqtisadiyyatının əsasını kənd təsərrüfatı təşkil edir. Cari ilin məhsulu üçün 493 ha payızlıq taxıl, o cümlədən 242 ha buğda, 256 ha arpa əkilmişdir. Rüb ərzində rayonda heyvandarlığın inkişaf etdirilməsi üçün müvafiq işlər görülmüşdür. Rübün yekununa görə rayonda iribuynuzlu mal-qaranın sayı 38113 baş, qoyun-keçilərin sayı 36092 baş, quşların sayı 185866 baş, arı ailələrinin sayı 7439 ailə olmuşdur. Əvvəlki ilin müvafiq dövrünə nisbətən iri buynuzlu mal-qaranın sayı 338 baş, ana malın sayı 688 baş, qoyun-keçilərin sayı 307 baş, arı ailələrinin sayı 318 ailə artmışdır. 1229 ton ət, 4103 ton süd, 1686 min ədəd yumurta istehsal edilmişdir ki, bu da əvvəlki ilin müvafiq dövründən 5 ton ət, 25 ton süd, 22 min ədəd yumurta istehsalının artımı deməkdir. Heyvandarlıq məhsulları istehsalının artırılması ilə yanaşı, mal-qaranın cins tərkibinin yaxşılaşdırılması istiqamətində də zəruri tədbirlər həyata keçirilmişdir. Qeyd olunmalıdır ki, Azərbaycan Respublikası Prezidentinin 15 yanvar 2007-ci il tarixli "Kənd təsərrüfatı istehsalçılarına dövlət dəstəyi haqqında" sərəncamının icrası istiqamətində ardıcıl işlər aparılır. Görülmüş işlər istehsalçılara dövlət hesabına yardımların verilməsi, texnika ilə təminatın yaxşılaşdırılması, mineral gübrələrin güzəştlə satılmasına və digər sahələr üzrə dövlət dəstəyinin göstərilməsinə istiqamətlənmişdir. Buğda istehsalçılarına hesablanmış 5296 manat yardımın plastik kart hesablarına köçürülməsi təmin olunmuşdur.

Kənd təsərrüfatı istehsalçılarının mineral gübrələrlə təminatının yaxşılaşdırılması üçün 117 ton azot və 15 ton nitroamofoska gübrəsinin gətirilməsi təmin edilmişdir. "AzərYemSənaye" MMC-yə xaricdən idxal olunan 64 baş cins malın dövlət hesabına güzəştli qiymətlərlə satılması təşkil olunmuşdur ki, bu da gələcəkdə mal-qaranın cins tərkibinin yaxşılaşdırılmasına öz təsirini göstərəcəkdir...

(ardı gələn sayımızda)

Məzahir ƏHMƏDOĞLU

Azərbaycan Respublikasının Prezidenti yanında kütləvi informasiya vasitələrinin inkişafına dövlət dəstəyi fondunun maliyyə yardımı ilə

Ədalət.-2012.-23 may.-S.7.