“Mənimlə
gedə bilməyən
adamlar olub”
Vurğun Əyyub: “Dost anlayışını
hədsiz mücərrədləşdirməyə
də gərək yoxdur”
Yeni rubrika:
Dostunu göstər…
«Dostunu göstər, sənin kim olduğunu
deyim». Bu məşhur
ifadə özünü
nə qədər doğruldur?!
XXI əsrdə, dünyanın Barak Obamanın saçına dönüb qiyami-qiyamətə
getdiyi bir zamanda, dünən əlindən
öpüb, dostum, qardaşım dedikləri Qəddafilərin
sabah başına bomba tökdürdükləri Berluskonilərin at belində cövlan etdikləri bir dövrdə, kreslo ilə bərabər itirilən dostlar çağında kimsə
dostunu göstərə bilərmi ki, onun kimliyini
deyək?!
Amma dünya nə qədər fani olsa da, bu
qırdı-qaçdı zəmanəsində
biz dostluğa
və dostlara inanırıq. Ona görə də üz
tuturuq Füzuli kimi «dostları bipərva» olmayan məşhurlara.
«Dostunu göstər…»
rubrikasının bugünki
qonağı filologiya
elmlər namizədi Vurğun Əyyubdur.
Qonağımız haqqında qısa
məlumat:
Vurğun
Əyyub 1957-ci ildəTovuz
rayonunun Aşağı
Quşçu kəndində
doğulub.
Azərbaycan Pedaqoji İnstitutunun filologiya fakültəsini bitirib. Sabirabad və Tovuz rayonlarında müəllimlik fəaliyyətindən
sonra, N.Tusi adına Azərbaycan
Pedaqoji Universitetdə
işləyib.
1988-ci ildən filologiya
elmləri namizədidir. Bir kitabın,
150-dən çox elmi,
siyasi-publisistik məqalələrin
müəllifidir.
-Vurğun bəy, dostluğa inanırsınızmı? Ümumiyyətlə,
dost sizin üçün
nə deməkdir?
-Dostluğa inanmamaq üçün bir səbəb görmürəm.
Qan və süd qohumluğu olmayan insanlar üçün dostluq ünsiyyətin ən uca mərtəbəsidir.
Amma bu o demək deyil ki, qohumlar arasında
dostluq olmur. Dostluq hətta insanlarla heyvanlar, heyvanlarla heyvanlar arasında da müşahidə olunur. Heyvanlarda bu instinktə,
insanlarda daha çox ağıla əsaslanır. Yəni dostluq
insana doğuluşundan
bəxş olunmur, irsən keçmir. İnsan dostunu ağıl vasitəsilə dərk edir, seçir, onu qazanır. Dostluq, dost haqqında bir çox qiymətli, müdrik sözlər deyilib. Onları təkrarlamaq istəmirəm.
Dost anlayışını
hədsiz mücərrədləşdirməyə
də gərək yoxdur. Xarakter, düşüncə, dəyərlər
yaxınlığı olan
insanları dost saymaq olar. Burada hər
hansı resept və ya şablon
insana dost seçməkdə
kömək edə bilməz.
Amma dostluq da çeşidlidir. Biri var fiziki olaraq tanıdığın,
daima görüşdüyün,
oturub durduğun, birbaşa ünsiyyətdə
olduğun dostlar.
Bir də var ruhən
dost olduqların.
Fikrini, dəyərlərini
qəbul etdiyin insanlar! Ruhən dost saydıqlarımız bu gün yaşamasalar da, yaxud bizdən
çox uzaqlarda yaşasalar da, şəxsi tanışlığımız
olmasa da, onları dost hesab edirik. Bunlara böyük fikir
adamları, ədəbi
və real qəhrəmanlar,
mübariz insanlar daxildir.
-Bir mahnıda deyildiyi kimi, «…dost ya bir olar,
ya iki» bu
fikri qəbul edirsinizmi?
-Molla Cüməyə aid olan "Dost mehriban ya bir olar,
ya iki” sözü
nə qədər gözəl səslənsə
də, onu ehkama çevirmək olmaz. Burada say əsas deyil. İnsanın dostu Molla Cümənin
dediyindən daha çox da ola bilər, heç olmaya da bilər.
-Dost dar gündə bilinər! Belə bir gününüz
olubmu və o dost bilinibmi?
-Dostoyevski deyib ki, dost, yıxılanda yanında olan deyil, qalxmaq üçün əl uzadandır. Dost həm
dar gündə, həm də xoş gündə bəlli olur. Sadəcə
olaraq, görünür
insan dara düşəndə dostlarını
daha çox axtarır və ona görə də bu atalar
sözü yaranıb.
Ancaq həyat onu da göstərir
ki, dost pis gündə də, yaxşı gündə də dostunun yanında olmağı bacarır. Hər bir insanın
həyatında pis də, yaxşı günlər də olur. Hər iki halda dostlarım yanımda olub.
-Sizi yarı yolda qoyan dostunuz
olubmu?
-"Yarı yolda
qoymaq” ifadəsi bir az çox
kəskin səslənir. Yolu sona
qədər mənimlə
gedə bilməyən,
yaxud mənim sona qədər gedə bilmədiyim adamlar olub.
-Bəs siz necə,
dostunuzu yarı yolda qoymusuzmu?
-Heç kəsi yarı yolda qoymamışam, amma dostluq yolunu sona qədər getmək istəmədiyim
adamlar olub.
-Dostluqda ən çox hansı keyfiyyətə üstünlük verirsiz?
-Doğruluq, dəyərlərə
sadiqlik və sabitqədəmliyə.
-Vaqif Bayatlı deyir:
Evimizin divarındakı çatlar
Çat
verən dostları
Sıranıza düzə-düzə,
Nə qədər günahları
vardı,
Bağışladım sizə!
Çat verən dostlarınız
olubmu və Siz də Vaqif
Bayatlı kimi onların günahlarını
bağışlamısınzmı?
-Nəsirəddin Tusi demişkən: Eyibsiz dost axtaran axırda dostsuz qalar. Bizim hər birimizin özümüzə
görə eyiblərimiz
var. Dostluq etmək istəyirsənsə, müəyyən
qüsurları bağışlamağı
da bacarmalısan. Amma mənim üçün elə dəyərlər var ki, onları
tapdalayan adamları bağışlamıram. Düzünü desəm,
başqalarına asanlıqla
bağışladığım səhvləri, günahları
dost hesab etdiklərimə
bağışlaya bilmirəm.
Dostluqda tələbkar və prinsipialam.
-Vahid Əziz deyir:
Dost kimi sonradan tapdıqlarımı,
Sonradan tanıyıb dost kimi atdım.
Sizin də sonradan tanıyıb atdıqlarınız
olubmu?
-Həyatda da bütün kainatda olduğu kimi yaxşı-pis, xeyir-şər, yalan-doğru, sədaqət-etibarsızlıq yanaşıdır, bəzi hallarda isə iç-içədir. Bunlardan yalnız birini əzəli və əbədi hesab etmək, yalnız birinin həyatımızda mövcud olduğunu düşünmək insanı daxilən sarsıdar, sonsuz əzablara sürükləyər. Bunun klassik nümunələrini Vaqifin "Görmədim”, S. Mənsurun "Rəngidir” müxəmməslərində görə bilərik. İnsan həyatı başdan sona qədər təcrübədir. İnsan övladı bütün həyatı boyu nələrisə qazanır, nələrisə itirir. Belə bir söz də var: dost dəniz qırağındakı daşlara bənzəyir, öncə bir-bir toplayırsan, sonra tək-tək dənizə atırsan. Amma bəziləri var atmağa qıymırsan. Bu sözdən çıxış etsək, mənim də atdıqlarım olub, amma qıymadıqlarım daha çoxdur. İtirdiklərimin sayı o qədər də çox olmayıb. İtirdiklərimin bəzilərini ağrı ilə qarşılamışam, bəzilərindən isə vaxtında ayrıldığıma görə sevinmişəm. Ümumən desək, insanın qazandıqları itirdiklərindən çoxdur. Əgər əksinədirsə, deməli, o insan həyatını düz yaşamayıb.
-Biz
deyirik: «Dostunu göstər,
sənin kim olduğunu
deyim». Almanlar isə bunun tam əksini deyir:
«Düşmənini göstər, sənin kim
olduğunu deyim».
Almanların deyimi ilə nə qədər
razılaşırsız?
-Əslində hər iki
fikirdə həqiqətdən pay var. Amma heç
biri həqiqəti tam
əks etdirmir. Ümumən, mən atalar sözlərinin ehkama çevrilməsini qəbul
etmirəm. Bu sözlərin çoxu vəziyyətdən, mühitdən,
fərdi təcrübədən
doğan, deyilən sözlərdir. Həyatı bütün mürəkkəbliyi,
əlvan çalarları
ilə ifadə edə bilmir. Ona görə də dostun yaxşı olmağı sənin də yaxşı, dostun pis olması
sənin də pis olmağın anlamına gələ bilməz. Çünki
burada insanın dost, ya düşmən seçərkən
səhv etmək ehtimalı unudulub.
-Dust bipərva, fələk birəhm, dövran bisükun,
Dərdi
çox, həmdərdi
yox, düşmən qəvi, tale zəbun!
Füzulinin bu məşhur beytini xatırladığınız vaxtlar
olurmu?
-Bu misraları tez-tez xatırlamalı oluram. Füzuliyə tez-tez müraciət
edirəm, Çünki
onu tədris edirəm. Şəxsi ağrılarımı ifadə etmək üçün xatırlamağım
yadıma gəlmir.
-Və nəhayət, dostunuzu göstərə bilərsinizmi?
-Dostlarımın sayı çoxdur. Hamısını bir-bir sadalamağa
ehtiyac yoxdur.
ədalət.-2013.-25 may.-S.6.