BADAMDAR QƏSƏBƏSİNİN İNKİŞAFI DİQQƏT MƏRKƏZİNDƏDİR

Tərəqqisinin dinamik mərhələsini yaşayan Azərbaycan bu gün tarix üçün kifayət qədər qısa sayıla biləcək zaman kəsiyində böyük uğurlarla müşayiət olunan inkişaf yolundadır. Sözügedən inkişaf özünü həyatın bütün sahələrində göstərir. Əsası ümummilli lider Heydər Əliyev tərəfindən qoyulan bu sosial kursu Prezident İlham Əliyev yeni çalarlarla davam etdirir. Xüsusən də qazanılan sosial-iqtisadi uğurlar hər bir azərbaycanlı ailəsində hiss olunur. Elə bu da qarşıdakı dövr ərzində Azərbaycanının bütün regionlarını əhatə edir. Yerlərdə sağlam kadr potensialının səmərəli fəaliyyəti nəticəsində paytaxt Bakının da qət etdiyi inkişaf yolu tarixiliyini və müasirliyini günü-gündən zənginləşdirir. Aparılan abadlıq və quruculuq işləri hər bir qəsəbə üzrə paytaxtın simasının dəyişməkdədir. Paytaxt küçələrindən bir-iki aydan sonra yenidən keçəndə "buralar nə yaman dəyişib, heç tanımaq olmur?!" deyə görülən işlərə heyran qalırıq. Bakının gözəlliyinə yeni çalarlar qatan infrastruktur layihələrinin icrası paytaxtın Səbail rayonu Badamdar qəsəbəsinin timsalında da aydın görmək mümkündür.

Dinamik inkişafı ilə Badamdar qəsəbəsi digər əsas sahələr üzrə də özünün sürətli yüksəliş dövrünü yaşayır. Bu mənada burada görülən işlər həm miqyasına, həm də gəlinən nəticələrə görə nümunəvi xarakter daşıyır. Qeyd edilənlər aydın göstərir ki, qəsəbənin inkişafı kompleks xarakter daşıyır, qəsəbə həyatının bütün sferalarını özündə ehtiva edir. Bu, həm də prezident İlham Əliyevin ölkəmizin hər bir regionuna, bölgəsinə olduğu kimi, Badamdar qəsəbəsinə yüksək diqqət və qayğısının bariz nəticəsidir. Bu diqqət və qayğı Səbail Rayon İcra Hakimiyyətinin səmərəli və effektiv fəaliyyəti ilə şərtlənir. Görülən işlər qarşıya qoyulan hədəfə çox qısa zaman ərzində çatılacağına heç bir şübhə yeri qoymur.

Qəsəbənin elə bir ərazisi, küçəsi, məhəlləsi yoxdur ki, orada təmir-tikinti işləri aparılmasın. prezident İlham Əliyevin sədrliyi ötən ilin iyununda "2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı"nın icrasının birinci ilinin yekunlarına həsr olunan konfransdan keçən müddət özünün konkret nəticələri ilə göz önündədir. Prezidentimizin yerlərdə gedən quruculuq proseslərini daim diqqət mərkəzində və nəzarətdə saxlaması, yerli əhali ilə keçirilən görüşlər zamanı aparılan söhbətlər, insanların istək, arzu və təklifləri bu prosesi daha da sürətləndirir. 2011-ci ilin aprelin 20-də Badamdar qəsəbəsində olan prezidentimiz görülən işlərlə tanışlıq üçün qəsəbəmizdə oldu, ictimaiyyətin nümayəndələri ilə görüşdü. Görüş zamanı qəsəbədə həllini gözləyən, vətəndaşları narahat edən məsələlərlə maraqlanaraq, sakinlərimizin təkliflərini dinlədi. Görüş zamanı qəsəbə sakinləri üçüncü yaşayış massivində uşaq bağçası və məktəb binasının tikintisinə ciddi ehtiyac olduğunu bildirmişdilər. Və dərhal dövlət başçısı tapşırıq verdi. Badamdar qəsəbəsində 120 yerlik uşaq bağçası və 880 şagird yerlik orta məktəb binalarının tikintisinə başlamaq üçün sərəncam imzaladı. Ötən ilin avqustunda növbəti gəlişi ilə prezidentimiz öz tapşırıqlarının icra vəziyyəti ilə maraqlanırdı. Məktəb də hazır idi, uşaq bağçası da. Doğurdan da bu, biz sakinlərin dövlət qayğısı ilə necə əhatə olunmamızı təsdiqləyən başlıca amil kimi yadda qaldı.

Qəsəbənin Dövlət Proqramına uyğun olaraq uzun illər həllini gözləyən problemlərin aradan qaldırılması istiqamətində konkret tədbirlər bu gün də davam etdirilir. Qəsəbədə təbii qaz, elektrik enerjisi, içməli su və kanalizasiya sistemi ilə bağlı işlər uğurla icra olunur. Səbail Rayon İcra Hakimiyyəti başçısının Badamdar qəsəbəsi üzrə nümayəndəsi Natiq Bağırovun 17 yanvar 2013-cü il tarixli hesabat məruzəsində səslənən fikirlər deyilənləri bir daha təsdiqləyir. Qəsəbədə həyata keçirilən yenidənqurma işləri çərçivəsində parkların ətraf əraziləri abadlaşdırılmış, küçələrə yeni asfalt örtüyü döşənir. Bütün bunlar rayon icra hakimiyyətinin başçısı cənab Asif Əsgərovun həyata keçirilən işləri nəzarətdə saxlaması, özünün dövlət başçısına olan etimadının təntənəsidir.

Dövr baxımından, sözün əsl mənasında, görülən işlər gələcəyə hesablanıb. Digər regionlarda olduğu kimi, Badamdar qəsəbəsinin də sosial inkişafına həssaslıq ictimaiyyət tərəfindən yüksək qiymətləndirilir. Buna sevinirəm, çünki hər bir iş real konkret əmələ söykənir. Görülən işlər, görüləcək işlərə inam yaradır.

Fəxrəddin Quliyev,

Bakı şəhəri Səbail rayonu,

Badamdar qəsəbə sakini

Ədalət.-2013.-22 yanvar.-S.6.