TARİXİN ŞAHİDİ GƏDƏBƏY

REGİON

Layihənin istiqaməti: Regionların sosial-iqtisadi inkişafının təşviq edilməsi

Dağlara söykənib, dağ vüqarlıdı

Azərbaycanın regionları içərisində Gədəbəyin özünəməxsus yeri var. Bu özünəməxsusluğun müxtəlif parametrlərini cızmaq mümkündü. Xüsusilə mənə, yəni dağlıq Qarabağdan olan bir vətəndaşa bu ərazi daha doğma təsir bağışlayır. O da Gədəbəyin təbiəti ilə, onun zəngin flora və faunası itlə bağlıdı. Yəni Gədəbəydə olduğum hər bir səfərdə doğulduğum kəndlə, rayonla bu yerlərin daxili bir müqayisəsini aparmışam. O qədər oxşar cəhətlər tapmışam, hərdən elə bilmişəm Gədəbəy həm də elə Dağlıq Qarabağın bir hisəsi deməkdir. Təbii ki, bu bir jurnalistin, yurd həsrəti yaşayan qaçqının düşüncəsinin, xəyalının məhsuludu. Əsl həqiqətdə isəg

Bəli, dağlara yaraşıq olan bu qədim diyarın hər bir tərəfində göz oxşayan, könül açan obrazlı desəm, ruhu qidalandıran füsnkar mənzərələr elə bil ki, rəsam işidi. Sanki Tahir Salhov, yaxud Mikayıl Abdullayev, lap elə Səttar Bəhlulzadənin özü uca bir yerdə dayanıb fırçası ilə burda qəribə bir təbiət yaradır. Həmin təbiət lövhələri insan amili ilə cilalanır, rənglərin arasından süzülüb gələn əhyat eşqi həm də gədəbəylilərin ümumi istəyinin, qurub-yaratmaq əzminin bir işartısı kimi göz, könül oxşayır.

Bir az Şuşa dolamalarını xatırladan və Şəmkirdən üzü yuxarı qalxan yolla Gədəbəyə doğru gedirəm. Yol boyu ötən səfərlərimin təəssüratını yaddaşımda təzələyib düşünürəm ki, yenə həmin gördüyüm ünvanlar gözümün qarşısında canlanacaq. Amma deyəsən yanılıram. Çünki Gədəbəyin sərhəddiqni keçib rayon ərazisinə daxil olandan sonra burda rahatca hiss oluna biləcək işartılar adama təsir etməyə başlayır. Təbii ki, bu ən öncə təbiətlə, bu yerin havası ilə, suyu ilə bağlıdı. Düzdü, indii son bahardı. Dağların başını qar tutub. Hiss olunur ki, o qardan axıb gələn işıq həm də bir şaxta, bir sazaq gətirir. O şaxta, o sazaq da ağacların yaşıl yarpaqlarını xəzəl rənginə salıb, sonra da çubuqlayıbdı. Ağaclarda tək-tək yarpaqlar nisgil bir qüsə təsiri bağışlayır. Mən yurd nisgilli Allah bəndələrindən biri kimi o yarpaqlardan gözümü çəkə bilmirəm. Elə yadıma Cek Londonun "Son yarpaq" hekayəsini saldıqdan sonra Gədəbəyin içərilərinə doğru hərəkət edən maşının sürətini artırıram. Bu da rayonun ilk kəndləri, yəni yolun sağında və solunda olan həmin kəndləri keçərkən yol kənarında dayanıb maşın gözləyən orta yaşlı bir kişinin yanında əyləci basıram. O, maşina yaxınlaşıb həm maraq, həm də tərəddüdlə mənə baxır:

- Rayon mərkəzinə gedirəm, əyləş, səni də aparım.

Bu sözlərimdən sonra tanımadığım həmin şəxs köhnə tanışlardan biri kimi ərkləç qapını açıb əyləşir. Yol boyu müxtəlif mövzularda söhbət edirik. Nəhayət, mətləb üsğünə gəlirəm. Ondan Gədəbəy barəsində, bu ərazidəki yeniliklər barəsində soruşuram. Bir az fikrə gedir. His edirəm ki, tanımadığı adama nə isə demək, danışmaq ona çətindi. Onu bu ağır durumdan çıxarmaq üçün özümü təqdim edirəm və bildirirəm ki, xoş niyyətlə gəlmişəm, gördüklərimi yazacam. Yalnız bundan sonra yol-yoldaşımın elə bil ki, "ağzının qıfılı açılır".

Müəllim, son bir ildə rayonumuzda çox dəyişikliklər baş verib. Təsəvvür edin ki, bir həftə rayon mərkəzinə gtməyəndə, növbəti səfər zamanı çaşıb qalırsan. Az qala adamlar gecəni gündüzə qatıb işləyirlər. Rayonda su, kanalizasiya, istilik, rabitə məsələləri hər cür çözülür. İdarə, müəssisələr bununla bağlı icra hakimiyyətinin yaratdığı komissiyaya vaxtaşırı məlumtalar verirlər. Dediklərimi bir gədəbəylinin öz rayonu barəsində reklam çıxışı kimi qəbul etməyin. Özünüz gedəndə hər şeyi gözünüzlə görəcəksiniz.

Belə də oldu. Biz rayon mərkəzinə çatdıq. Yol-yoldaşım məni qonaq dəvət etsə də, sağollaşıb ayrılıram. Məqsədim onun söylədiklərini yerində görüb tanış olmaqdı.

Bəribaşdan deyim ki, rayon mərkəzinin özündə aparılan quruculuq-abadlıq işləri yad adamı da özünə çəkir. Hara baxırsansa, tikinti işçilərini görürsən. Kimsə yolu, səkini düzəldir, kimsə ağlay döşəyir, kimsə əlində rəng dolu qutular hər tərəfi ağartmağa, təzələməyə cəhd edir. Bütün bunlar bir kompleks təsiri bağışlayır. Hiss olunur ki, Gədəbəydə Regionların İnkişafına Dair Dövlət Proqramına uyğun olaraq icra hakimiyyəti başçısı və onun komandası böyük işlər görür. Həmin görülən işlərin sırasında isə təbii ki, abadlaşan Heydər Əliyev parkı, tikilən məktəb, körpələr evi və səhiyyə ocaqlarıdı. Xatırlatmaq yerinə düşər ki, bütün bu işlərin görülməsində əsas məqsəd Regionların İnkişafına Dair Dövlət Proqramının tələblərini yerinə yetirmək və sakinlərin maddi rifah halını yüksəltməkdi. O da məlumdu ki, bu gün digər regionlarımız kimi, Gədəbəydə də iş yerinə tələbat çox böyükdü. Bu da həm sahibkarlığın, həm dövlət xətti ilə açılan iş yerlərinin mahiyyətini daha da qabardır.

Rayon mərkəzində həmsöhbət olduğum gənc bir oğlan vurğuladı ki, indi Gədəbəydə işlə təmin olunmaq, ehtiyaclarını aradan qaldırmaq əvvəlki illərə baxmış xeyli asanlaşır. Ola bilsin ki, bunun mayasında da bacarıqlı rəhbər faktoru dayanır. Axı rayonun yeni rəhbərliyi günün tələblərindən qaynaqlanan məsələlələrin həllini həm ön plana keçirir, həm də bunu daha tez və keyfiyyətli görməyi qarşıya məqsəd qoyubdu. Bax elə rayonda tikilən məktəb binalarının sayı və aparılan təmir işlərinin keyfiyyəti də bundan xəbər verir. Bəlli olur ki, rayon icra hakimiyyətinin başçısı Ramiz Yediyarov artıq rayonda quruculuq, abadlıq işləri aparan insanlarla birbaşa ünsiyyət quran icra başçısı kimi tanınıbdı. Hər kəs çəkinmədən ona yaxınlaşıb aruz və istəyini bildirə bilir. bu da rayonun ümumi abu-havasına, yəni adamların dövlətçiliyə inamına çox yüksək və böyük təsir bağışlayır. Elə bizim gəzib-gördüklərimiz də bu eşitdiklərimizi bir daha təsdiq etdi.

(Ardı var)

Əbülfət MƏDƏTOĞLU

ədalət.-2014.-11 dekabr.-S.7.