HORADİZDƏ MÖHTƏŞƏM ABADLIQ
İŞLƏRİ
Son vaxtlar ermənilər bütün təmas xətti boyu işğal etdikləri ərazilərimizdən bizim yaşayış məntəqələrini fasiləsiz olaraq atəşə tuturlar. Elə təsəvvür edirlər ki, bu əvvəlki vaxtlardır və nəyəsə nail olacaqlar. Amma onlar unudurlar ki, Ulu Öndər Heydər Əliyev tərəfindən möhkəmlənmiş və nizamlı Azərbaycan ordusu prezident İlham Əliyevin hakimiyyəti dövründə daha da güclənmiş və döyüş texnikalarına malik olmuşdur. Bu ordu hər an düşmənə cavab verməyə hazırdır. Təbii ki, atəşkəsin tez-tez pozulması təmas xəttində yaşayan insanların narahatlığına, həyəcanına və bir çox problemlər yaşamasına gətirib çıxarır. Ancaq onların əl-qolunu heç bir güllə səsi və erməni hücumu qorxuda bilməz.
Atəşkəs tez-tez
pozulsa da...
...1994-cü ilin yanvarın
da Azərbaycan
Ordusunun keçirdiyi uğurlu əməliyyat nəticəsində Füzuli
rayonunun Horadiz şəhəri və
22 yaşayış məntəqəsi erməni
işğalçılarından azad olunub. Bu barədə bizimlə
söhbət
zamanı rayon icra
hakimiyyətinin
başçısı Alı Alıyev bildirir
ki, rayonun təmas xəttində ATƏT
nümayəndələri monitorinq
keçirərkən ermənilər bir
daha atəşkəsi pozdular.
Mən həmin vaxtı ATƏT
nümayəndələrinə
bildirdim ki, biz həmişə sülh
tərəfdarı olmuşuq və
atəşkəs rejiminə əməl
etmişik. Artıq bizim
ordumuz hər
bir gücə
və qüvvəyə malikdir.
1994-cü ildə bir neçə
günlük əməliyyat zamanı sizin gördüyünüz
Horadiz şəhəri və 22
yaşayış məntəqəsi geri
qaytarılıb. Rayon ərazisinə
ikinci dəfə qayıdan sakinlərimiz nə ermənilərin güllə
yağışından qorxur, nə də onların zəhmindən.
Bizim insanlarımız və sakinlərimiz
çox mübarizdir
və bu çətin
vəziyyətdə böyük quruculuq, abadlıq və
tikinti işlərini
həvəslə yerinə
yetirirlər. Təbii ki,
ATƏT nümayəndələri icra
başçısının arqumentləri
ilə
razılaşmalı olub və atəşkəsin pozulmasını
öz gözləri
ilə görüblər. Və bu
barədə lazımi qurumlara məlumatlar
veriblər.
Onlar böyük
ümidlə
yaşayırlar
Rayonda olarkən mən təmas xəttində yerləşən bir neçə yaşayış məntəqəsinə baş çəkdim. Rayonun Mirzə Nağılar, Qazaxlar, Alxanlı kəndləri təmas xəttinin lap yaxınlığında yerləşir. İnsanlar atəşkəsin tez-tez pozulmasının şahidi olurlar. Ancaq bu sakinlər heç vaxt erməni güllələrindən qorxmayıblar və bu gün də qorxmurlar. Mirzə Nağılar kəndində bir neçə sakinlə söhbət eləyirik. Kənddə 60-a yaxın evdə yaşayış var. Cəbrayılın Cocuq Mərcanlı kəndi ilə bu yaşayış məntəqəsinin arasında məsafə çox yaxındır. Yəni demək olar ki, ermənilər hər gün gecə saatlarında bu yaşayış məntəqələrini atəşə tutmaqdan çəkinmirlər.
Mirzə
Nağılar kəndinə asfalt
yol çəkilib.
Sakinlərin
rahatlığı üçün rayon icra hakimiyyəti tərəfindən
hər cür şərait
yaradılıb. Elə
ona görə
də bu kəndin
adamları öz yurdlarına, öz torpaqlarına daha
ürəkdən bağlanıblar.
Yaşlı nəslin
bir neçəsi
ilə söhbət edirik.
Onlar bildirirlər
ki, biz öz
kəndimizdən bir
metr də
geri çəkilən deyilik.
Şükür Allaha,
qarşıda Azərbaycan
ordusu var. Azərbaycan Ordusunun əsgərləri cəbhə xəttində
səngərdə dayanaraq ermənilərə qarşı öz
qüvvəsini və gücünü
hər an göstərməyə qadirdir. Bax, biz də o qeyrətli oğlanların gücü və
qüvvəsi
hesabına kəndimizdə rahat
yaşayırıq. Bir də bizim
İlham Əliyev kimi xalqını və millətini sevən prezidentimiz
var. O, heç vaxt Azərbaycan
xalqını, o cümlədən
cəbhə xəttində
yaşayan insanları darda
qoymayıb. Cənab
Prezident həmişə bizə arxa
və güvənc yeri
olub.
Abadlıq işləri
geniş vüsət
alır
Ötən yazılarımızda qeyd etmişdik ki, Füzulidə abadlıq, tikinti və quruculuq işləri artıq kəndlərə ayaq açıb. Çünki kəndlərdə də böyük işlər görülüb. Füzulinin elə bir kəndi yoxdur ki, ora asfalt yol çəkilməsin. Əksər yaşayış məntəqələrinə təbii qaz verilir. Təbii qazın kəndlərə verilməsindən sonra insanlar əvvəlki kimi soyuq qış günlərində sobaları yandırmaq üçün odun, daş-kömür və digər yanacaqlar axtarmırlar. Ən soyuq günlərdə belə kimin evinə getsən orda təbii qazın hərarətini hiss edərsən. Sobalarda yanan təbii qaz evlərə bir hərarət verir ki, çöldəki şaxtanın soyuqluğunu adam hiss eləmir. Mən bu anları Böyük Bəhmənli kəndində - ata-baba yurdumda olarkən bir daha yaşamışam. Görmüşəm ki, çöldə nə qədər şaxta olsa da, evlərdə bir hərarət və istilik var.
Rayon icra
hakimiyyətinin hüquq şöbəsinin
müdiri Qənimət müəllimlə Böyük
Bəhmənli kəndində bizim
evin yaxınlığında görüşdük. O bildirdi
ki, icra
başçısı Alı Alıyev bizə tapşırıq verib
ki, bu kənddə də təmizlik
və abadlıq
işləri
qısa zaman ərzində həyata keçirilməli və
hər tərəfdə
səliqə-səhman yaradılmalıdır. Tək bu
kənddə deyil,
digər
yaşayış məntəqələrində də təmizlik
və səliqə-səhman işləri
mütəmadi olaraq davam etdirilir.
Bu işdə
kənd camaatı
bizə yaxından
köməklik göstərir.
Horadiz şəhərində
11 yeni obyekt inşa edilir
Erməni işğalçılarının hər gün atəşkəsi pozmasına baxmayaraq, onların "ağzının içində" olan Horadiz şəhərində abadlıq-quruculuq və yenidənqurma işləri səngimir. Əksinə, bu işlər daha geniş vüsət alır. Rayon icra hakimiyyətinin başçısı hörmətli Alı Alıyev bizimlə söhbət zamanı abadlıq, tikinti işlərinin geniş vüsət almasından fərəhlə danışdı. Dedi ki, ölkə prezidenti cənab İlham Əliyev tərəfindən həmişə Füzuli rayonuna böyük diqqət var. Üstəlik də rayonun hesabına əlavə vəsaitlərin verilməsi bu quruculuq işlərinin daha geniş vüsət almasına imkan yaradır.
Bəli,
bu həqiqətən də
belədir. Bu gün Füzulidə 11 obyektin
inşası həyata
keçirilir. Belə
ki, 7 hektarlıq sahədə
möhtəşəm Bayraq
Meydanı inşa edilir.
Burda 6 min ağac əkilib
və yenə çoxlu
sayda ağaclar əkiləcək. Eyni zamanda Horadizdə
icra hakimiyyəti
üçün inzibati
bina, Horadiz şəhidləri və Milli
Qəhrəmanlar xatirə kompleksi,
tikiş sexi, uşaq bağçası, boulinq
zalı, Veteranlar evi,
Tarix-diyarşünaslıq muzeyi və digər yeni
möhtəşəm obyektlər inşa
edilir. Bütün bunlar isə
onu göstərir
ki, füzulililər
cəbhə xəttində
yaşasalar da erməni
işğalçılarının fasiləsiz olaraq atəşkəsi pozmasından qorxmur və
böyük quruculuq
işlərini davam etdirirlər.
Çünki onları qoruyan,
müdafiə edən qüdrətli və yenilməz Azərbaycan Ordusu var!
FAİQ QİSMƏTOĞLU
Ədalət.-2014.-30
yanvar.-S.8.