Aydın Hüseynov: " Appelyasiya Şuralarının yaradılmasını müsbət addım kimi dəyərləndirirəm"

Millət vəkili Aydın Hüseyovun Adalet.az-a müsahibəsi

-Aydın müəllim, bugün neftin qiyməti durmadan azalmaqda davam edir. Avropalı ekspertlər isə bu qiymətin 10 dollara qədər enəcəyini proqnozlaşdırır. Neftin qiymətində yaranan problem nə zamana kimi davam edəcək?

-Neftin qiymətinin aşağı düşməsinin geosiyasi və iqtisadi səbəbləri var. Geosiyasi səbəblər odur ki, Suriya probleminin bugün də açıq qalıb. Eyni zamanda ölkələr arasında olan soyuq münasibət neftin qiymətinin aşağı düşməsinə gətirib çıxarıb. Burda terror təşkilatlarının rolunu da nəzərdən qaçırmaq lazım deyil. Düzdü heç kim istəməz ki, terror təşkilatı ilə əməkdaşlıq etsin, ondan neft alsın. Ancaq bütün bunlar ümumilikdə bazar münasibətlərinə təsir göstərir. Ciddi rəqabət yaradır. Mən onu deyə bilərəm ki, bu qiymətin 10 dollara qədər düşəcəyi inandırıcı görünmür. Hazırda dünya iqtisadiyyatında böhran yaşansa da Çin, eləcədə Avropa ölkələrinin 2016-cı ilin ilk aylarındakı göstəricilər müsbət saldo ilə yadda qaldı. Bu baxımdan neftin qiymətində hazırda cüzi də olsa artımlar müşahidə olunur. Güman ki, bu artımlar yaxın zamanlarda özünü daha yaxşı şəkildə bürizə verəcək.

-Yeri gəlmişkən dövlət büdcəsində neftin qiymətinin 25 dollardan götürülməsi təklif olunur.

-Düşünürəm ki, dövlət büdcəsində neftin qiymətinin 25 dollar götürülməsi indiki halda ən düşünülmüş addımdır. Belə olan halda nəzərdə tutulan sosial layihələr həyata keçiriləcək, eyni zamanda sosial, hərbi xərclər və büdcədən maliyyələşən təşkilatların işində bir çətinlik yaranmayacaq.

-Azərbaycan yeni bir dövrə qədəm qoyur. Post-neft adlandırılan bu dövrlə bağlı müxtəlif təkliflər var. Bir millət vəkili kimi sizin də təkliflərinizi dinləmək istərdik..

-Post-neft dövrünə keçid əslində yeni bir hadisə deyil. Yəni, cənab prezident İlham Əliyev tərəfindən aparılan uğurlu siyasət bir başa buna hesablanıb. Qeyri neft sektorunun, kənd təsərüfatının inkişafı, eyni zamanda təcrübəli kadrların yetişdirilməsi üçün atılan addımalr post-neft dövrünün əsas prioritetləridir. Bizdə bu istiqamətdə artıb binövrə var. İndiki məqamda bu binövrəni necə inkişaf etdirməyi düşünməliyik. Artıq bu istiqamətdə də ciddi addımlar atılır. Cənab prezidetin sərəncamı ilə iqtisadi sahəni əhatə edən bir sıra hüquqi-normativ aktlar imzalanıb, sahibkarlığın inkişafı üçün ciddi addımlar atılır. Bütün bunlar onu deməyə əsas verir ki, Azərbaycan bu böhrandan daha az zərərlə çıxan ölkələrdən olacaq. Bu sözləri deyərkən bəziləri bizi qınaya bilər. Ancaq inanın səmimiyyətimə bu belədir. Baxın bugün dünyadanın əksər ölkələrində aksiyalar keçirilir. İşsizlik, sosial problemlər o qədər aktual hal alıb ki, artıq vətəndaşlar bu kimi hadisələrə küçələrə çıxmaqla etiraz edirlər. Götürək Ermənistanı. Martın 1-nə erməni ümxalifəti geniş mitinq təşkil edib və bu mitinqə kifayyət qədər isnanın gələcəyi gözlənilir. Azərbaycanda isə bu baxımdan sakitçilikdir. Problemlər var. Bu problemlərin həlli istiqamətində də davamlı addımlar atılır. Böhran baş verdi. Azərbaycanda isə demək olar ki, bütün sahələrdə işləyən işçilərin əmək haqqları artırıldı, sosial müavinətlər, pensiyalar artırıldı. Bütün bunlar onu deməyə əsas verir ki, yürüdülən siyasət bir başa vətəndaşların sosial rifah halının yüksəldilməsinə yönəlilib. Cənab prezidentin Nazirlər Kabinetinin son iclasında, səsləndirdiyi fikirlər, qarşıya qoyduğu tapşırıqlar ölkəmizin davamlı inkişafını təmin edir.

-Aydın müəllim, Appelyasiya Şuraları yaradılır. Bununla bağlı nə deyə bilərsiniz?

-Bu Şuraların yaradılması indiki məqam üçün olduqca vacib amillərdən biridir. Çünki, Appelyasiya Şuraları həm mövcud problemlərin dərhal həll olunması, əsas hədəf olan vətəndaşların hüquqlarının pozulmasının qarşısını alacaq, eyni zamanda belə bir Şuraların yaradılması vətəndaş-məmur münasibətlərinə öz müsbət təsiri verəcək. Bu Şuralarda təmsil olunanlar daim vətəndaşlarla təmasda olacaq, onların problemini öyrənəcək, eynilə problemi olan vətəndaşlar bu Şuralara müraciət edə biləcəklər. Beləliklə ümumi iş daha səmərəli olacaq. Bu baxımdan Appelyasiya Şuraların yaradılmasını müsbət addım kimi dəyərləndirirəm.

-Milli Məclisin yeni tərkibində yer almısınız. Buna qədər dövrdə isə müxtəlif dövlət qurumlarında çalışmısınız. Bilmək istərdik ki,sizin üçün millət vəkili olmaq necə bir hissdir?

-Bildiyiniz kimi mən Yeni Azərbaycan Partiyasının namizədi kimi seçkilərə qatıldım. namizədliyim 11 saylı Qaradağ Seçki Komissiyasından irəli sürülmüşdü. Şükürlər olsun ki, Qaradağ rayonun sakinləri Yeni Azərbaycan Partiyasına səs verdilər və bu partiyanın namizədi kimi mən millət vəkili oldum. Millət vəkilliyinə gəlincə onu demək istərdim ki, bu hisslər çox ülvi hisslərdir. Eyni zamada çox məsuliyyətlidir. Hər bir seçicini qəbul eləmək, onun problemi ilə maraqlanmaq və o problemləri həll eləmək... İnanın Qaradağ rayonunda demək olar ki, hər gün seçicilərimlə görüşürəm. Onların problemləri ilə maraqlanıram. Aydiyyatı qurumlara müraciətlərimiz olur. Yəni, bu bir millət vəkili kimi mənim işim olsa da eyni zamanda vətəndaşlıq borcumdur.

-Yeni Azərbaycan Partiyasının Qaradağ rayonunda təşkilatlanmasında sizində rolunuz az olmayıb. Ümumilkdə Qaradağ sakinləri YAP-ın yürütdüyü siyasəti nə dərəcədə dəstəkləyir?

-Qaradağda partiyamızın yürütdüyü siyasətin təbliği istiqamətində sistemli iş aparılır. İşlək bir komandamız var. Gənclərlə, yaşlı insanlarla o cümlədən cəmiyyətin bütün təbəqələri ilə mütəmadi olaraq görüşlər keçiririk. Demokratik cəmiyyətlərdə hər kəsin yekdilliklə bir partiyanı dəstəkləməsi mümkün deyil. Ancaq mən deyərdim ki, Qaradağda böyük əksəriyət YAP-ın siyasətini dəstəkləyir. Bu özünü partiyaya yeni-yeni simaların gəlişində də göstərir. Son zamanlarda da bu istiqamətdə müraciətlər çoxluq təşkil edir.

-Bakıda Türkiyə-Azərbaycan Yüksək Səviyyəli Strateji Əməkdaşlıq Şurasının toplantısının keçiriləcəyi bir vaxtda Türkiyədə terror hadisələri törədildi. Siz necə düşünürsünüz. Azərbaycanla-Türkiyə birliyindən narahat olan qüvvələr varmı?

-Əlbətdə var. Bu gün həm Azərbaycan həm də Türkiyə regionda söz sahibi olan ölkələrdir. Azərbaycan Avropanın neft və mavi yanacağa olan tələbatının ödənilməsində mühüm rol tutur. Eyni zamanda ölkəmiz bölgədə sülhün qarantıdır. Eynilə Türkiyəni götürək. Trükiyə də istəyir ki, regionda olan münaqişələr tez bir zamanda həll olunsun. Suriya məsələsində atəşkəs əldə olunsun. Bunun müqabilində Azərbaycan və Türkiyənin birliyini istəməyən qüvvələr var. Onlar düşünür ki, bu iki ölkə sıx olan münasibətlərini daha da dərinləşdirsə bu onların sonu olacaq. Fürsətdən istifadə edib Türkiyədə baş verən terro hadisəsi zamanı həlan olanların yaxınlarına, Türkiyə hökumətinin rəhbərliyinə, Türk Böyük Millət Məclisində olan həmkərlarıma başsağlığı verirəm.

Ədil Ədilzadə

ədalət.-2016.-19 fevral.-S.2.