DAHA BÖYÜK UĞURLARA

İDDİALI ZAQATALA...

Bakı Ekspo Mərkəzində keçirilən 15-ci Azərbaycan beynəlxalq "Turizm və səyahətlər" sərgisinidə rayonun turizm məhsulları ilə yanaşı milli mətbəx, folklor, xalçaçılıq nümunələri nümayiş etdirilmiş, 9 ayda mədəniyyət işçiləri Bakı şəhərində keçirilmiş "Azərbaycan-doğma diyar" və "Atəşgah məbədi" Dövlət Tarix-Memarlıq Qoruğunda keçirilmiş milli azlıqlara həsr olunmuş festivallarda, Şəkidə keçirilmiş "Türk dünyasının mədəniyyət paytaxtı-Şəki-2016" və.s tədbirlərdə iştirak etmiş, Şəki şəhərində keçirilən III Beynəlxalq ənənəvi şirniyyat festivalında və Qəbələ şəhərində keçirilən IV Beynəlxalq Mürəbbə Festivalında Zaqatala kubok və medallar qazanmışdır.

"Multikulturalizm ili"nin tədbirləri

"Multikulturalizm ili" ilə əlaqədar Azərbaycan Respublikası Prezidenti yanında Bilik Fondu, Mədəni İrsin Təbliği İctimai Birliyi, Azərbaycan Milli Elmlər Akademiyasının Folklor İnstitutunun, Bakı Beynəlxalq Multikulturalizm Mərkəzinin, Mədəniyyət və Turizm Nazirliyinin, DQİD komitəsinin və Bakı İslam Universitetinin iştirakı ilə Heydər Əliyev Mərkəzində, Azərbaycan Dövlət Pedoqoji Universitetinin Zaqatala rayon filialı və rayonun orta məktəblərində müxtəlif mövzularda tədbirlər, konfranslar keçirilmiş, Xaçmaz rayonunda keçirilən "Multukultural dəyərləri yaşadaq" adlı, Bakı şəhərində təşkil olunan "Azərbaycan multukulturalizmi: din və dil siyasətinin inkişaf perspektivləri" adlı Beynəlxalq konfranslarda və Bakı şəhərində keçirilən "Azərbaycan-doğma diyar" adlı milli azlıqların festivalında Zaqatala layiqincə təmsil olunmuşdur.

Rayonda "Dini etiqad azadlığı haqqında" Azərbaycan Respublikası Qanunun yerinə yetirilməsi daim diqqətdə saxlanılmış, hesabat dövründə dini maarifləndirmə, din-dövlət münasibətlərinin tənzimləndirilməsi məqsədi ilə Rayon İcra Hakimiyyəti, DQİDK və Bölgə qazılığının təşəbbüsü ilə Bakı İslam Universitetinin Zaqatala şöbəsində, Dövlət İqtisad Universitetinin Zaqatala filialında, Əliabad İslam mədrəsəsində, məscidlərdə, Peşə məktəbində, təhsil və mədəniyyət müəssisələrində dini radikalizmlə mübarizə ilə bağlı 50-dan çox tədbir keçirilmişdir.

Ramazan ayı münasibəti ilə rayon ərazisində yerləşən qəbirstanlıqlarda iməciliklər keçirilərək abadlıq işləri aparılmış, Azərbaycan Meliorasiya və Su Təsərrüfatı ASC-nin sədri cənab Əhməd Əhmədzadə və Zaqatala RİH başçısı cənab Mübariz Əhmədzadənin təşəbbüsü ilə 600 nəfərdən çox rayon dindarları və ictimaiyyət nümayəndələrinə iftar süfrəsi təşkil olunmuş, Qurban bayramı münasibəti ilə 760 nəfərə qurban əti paylanılmışdır.

Hesabat dövründə DQİDK-nın sədri M.Qurbanlının, Qafqaz Müsəlmanları İdarəsinin sədri Ş.A.Paşazadənin, Qafqaz Müsəlmanları İdarəsi sədrinin I müavini, müfti Salman Musayevin rayona səfəri olmuş və mərkəzi məscidlər ziyarət olunmuşdur.

Vətəndaş müraciətlərinə həssas yanaşma

"Vətəndaşların müraciətləri haqqında" Azərbaycan Respublikasının 30.09.2015-ci il tarixli Qanununa uyğun olaraq Azərbaycan Respublikasının Prezidenti cənab İlham Əliyev vətəndaşların müraciətlərinə baxılması sahəsində kargüzarlığın aparılması və nəzarətin həyata keçirilməsini təmin etmək məqsədi ilə yeni "Qaydalar" təsdiq etmişdir. Bununla əlaqədar 30.08.2016-cı il tarixdə RİHB-nın kənd inzibati ərazi dairələri üzrə nümayəndələrinin müavinləri, rayonun idarə, təşkilat və müəssisələrində, eləcə də bələdiyyələrdə kargüzarlığın aparılmasına məsul şəxslərin iştirakı ilə seminar-müşavirə keçirilmişdir.

2016-cı ilin 9 ayında RİHB yanında Şuranın 21 yığıncağında 32 məsələ müzakirə edilərək müvafiq qərarlar qəbul edilmiş, RİHB-nın 170 sərəncamı, 230 əmri verilmişdir. RİHB yanında Şuranın perspektiv iş planında nəzərdə tutulan məsələlərin müzakirəsi, qəbul edilmiş qərar, sərəncam və əmrlərin icrasına nəzarət mövcud "Təlimat"ın tələblərinə uyğun təşkil olunmuşdur.

9 ayda Rayon İcra Hakimiyyətinin vahid elektron informasiya sistemi üzrə 1003 ərizə qeydiyyata alınmış, RİH-nə 945 xidməti sənəd, 898 şifahi müraciət daxil olmuş, 1380 xidməti sənəd göndərilmişdir. Rayon İcra Hakimiyyətinə daxil olan bütün müraciətlər mövcud qanunvericiliyə uyğun vaxtında baxılaraq vətəndaşlara, eləcə də aidiyyatı orqanlara müvafiq cavabların verilməsi təmin edilmişdir.

2016-cı ilin doqquz ayında RİHB-nın yerlərdə 39 səyyar qəbul-görüşləri keçirilmişdir ki, bu görüşlərdə 5697 adam iştirak etmiş, 223 tənqidi-qeyd və təklif irəli sürülmüşdür. Səyyar qəbullarda qaldırılan məsələlərin 16,1 faizi elektrik enerjisi təchizatı məsələləri, 11,7 faizi içməli su və kanalizasiya, 9,8 faizi məktəb tikintisi və təmiri, 17,5 faizi yolların tikintisi və təmiri, 8,5 faizi təbii qaz çəkilişi məsələləri, 6,7 faizi torpaqların suvarılması və digər məsələlərlə bağlı olmuşdur.

Vətəndaşlar tərəfindən irəli sürülən tənqidi qeyd təkliflərin 21,5 faizi artıq icra olunmuş, 32,3 faizinin icrası nəzarətə götürülmüş, 17,0 faizinin aidiyyatı təşkilatlar tərəfindən və 29,1 faizinin qanunamüvafiq qaydada baxılacağı barədə vətəndaşlara məlumatlar verilmişdir.

2016-cı ilin doqquz ayında Azərbaycan Respublikasının Dövlət Təhlükəsizliyi Xidmətinin rəisi Mədət Quliyev, Ailə, Qadın və Uşaq Problemləri üzrə Dövlət Komitəsinin sədri Hicran Hüseynova, İnsan Hüquqları üzrə müvəkkil (Ombudsman) Elmira Süleymanova, Dövlət Sərhəd Xidmətinin rəisi Elçin Quliyev Zaqatala rayonunda bölgə vətəndaşlarını qəbul edərək, onların müraciət və təkliflərinin icrası ilə bağlı aidiyyatı qurumlara müvafiq tapşırıqlarını vermişlər.

Məzahir ƏHMƏDZADƏ

ədalət.-2016.-8 noyabr.-S.4.