Dəmir Çeşməli

 

Ölüm haqqında

(Rekviyem)

 

Xatirələri gün-gün öpərəm,

Qara olsun, ya , nə fərqi.

Səpkilərəm, səpərəm

Olsun dağ üstə dağ, nə fərqi.

Bu günümnən dünənimə

Boylanıb baxasıyam.

Rəngli günlərimin qəmini

Muncuq tək düzəsiyəm.

Bir boyuna taxasıyam.

Səhərdən bir az keçmiş

Axşama xeylax qalmış

Ölüm günü günorta üstü

Ölüb, ölüm üstə gedəsiyəm.

Gedəcək yerim həmişəlik

Qara xallı bənövəlik.

Zaman-zaman yaşamaq üçün,

Üstümə düşən düşük yükü

Üst başımda daşımaq üçün,

Gözümdə neçə damla yaş,

Hər addımda bir damla düşər.

Köksümdə bir yekə qara daş

Üstümdə ilk sevgim gəzişər.

 

 

Bayatı buketi

 

Haray dağlar... haray dağlar,

Harda qaldı yar, ay dağlar?

Ayrılığı ayrı duydum

İraq düşdüm, gör ay, dağlar.

 

Haray dağlar... haray dağlar,

Ömrü başa vur ay dağlar.

Dayanmışam keşiyində

Göyə çıxsa yer, ay dağlar.

 

Haray dağlar... haray dağlar,

Yaşa! Ömür sür, ay dağlar.

Aşıb-daşsın sel-suların

Qəlbə axsın gur, ay dağlar.

Haray dağlar... haray dağlar,

Gülün təzə-tər, ay dağlar.

Görsənib gözümdə qaldı

Halallığın ver, ay dağlar.

 

Haray dağlar... haray dağlar,

Dənələndi nar, ay dağlar.

Təzə-təzə göyərmişdi,

tez düşdü sar, ay dağlar.

 

Haray dağlar... haray dağlar,

Hardandı bu şər ay dağlar.

Ağlar iki can bir gözlə

Bir Araz, bir Kür ay dağlar.

 

Haray dağlar... haray dağlar,

Təzən təzə-tər ay dağlar,

Umacağım bənövşədi,

Alacağım var, ay dağlar.

 

Haray dağlar... haray dağlar,

Mürkətinə yox tay dağlar.

Səndən o gün ayrılmışdım

tez keçdi bir yay dağlar.

 

Haray dağlar... haray dağlar,

Məskənimdən saray dağlar.

Anam tək bəslədin məni,

İldən-ilə hər ay dağlar.

 

Haray dağlar... haray dağlar,

Qar səpələr qar ay dağlar,

Odda bişdim Kərəm kimi

Yarımadı yar, ay dağlar.

 

Haray dağlar... haray dağlar,

Sal süfrəni sər, ay dağlar,

Dəmir gedir öz ruhuyla

Sən durduqca dur, ay dağlar.

 

Çölüm içimdən yer alıb

 

Həsrətin yaz həsrətimdi,

Bum-buz ayaz həsrətimdi,

Sevdamdı, öz həsrətimdi,

Eşqimin güman yeridi.

 

Bulud-buludun yaxını,

Qatar düzümü axını.

Zirvənin papaq taxımı,

Yamacın duman yeridi.

Çölüm içimdən yer alıb,

İçim çölümdən daralıb.

Ayrılan məndən ayrılıb,

Halımın yaman yeridi.

 

 

Dərdi dizimə çıxıb

 

Daşınıb daşım üstə,

Sürünür yaşım üstə,

Bilirdim, başım üstə,

Dərdi dizimə çıxıb.

 

Gözü yaşı qurutdu,

Yolu daşı qurutdu,

Məni naşı qurutdu,

Dərdi dizimə çıxıb.

 

Yuvamı oyun bilim,

Yerimə qoyun bilim,

Dərdimi sayın bilim,

Dərdi dizimə çıxıb.

 

Dərdimin dərəsi var,

Keçilməz bərəsi var,

Özü tək birisi var,

Dərdi dizimə çıxıb.

 

Səhərdən axşama qədər

 

Cəmlənib başımın çəni,

Daralır enişin eni.

Səhərdən güdürəm səni,

Meylimi salmışam çölə

Səhərdən axşama qədər.

 

Yetişə bilmirəm yetim,

Çəhlimimdə ölüm-itim.

De, bu yerdən necə ötüm,

Doqqazda durmuşam belə

Səhərdən axşama qədər.

 

Yadına düşürəm yadın,

Unutdum sevginin dadın.

Ay mənə sevilən qadın,

Gedirəm hələ ki hələ

Səhərdən axşama qədər.

 

Yol gedirəm yoldan ötə,

tükənə bitə.

Mənzil deyib sənə yetə,

Məhəbbətin səsi gələ

Səhərdən axşama qədər.

 

Ayrılıb

 

Ünlənən ündəyəm mən,

Gün döyən gündəyəm mən,

Görsən gündəyəm mən,

İçim çölümnən ayrılıb.

 

Göy dəniz, bata bilmədim,

Göyünə çata bilmədim,

Bürünüb yata bilmədim,

Odum külümnən ayrılıb.

 

Canıma doluşub sancı,

Ölçüdə yox ağrı-acı.

Ağlamışam damcı-damcı,

Suyum selimnən ayrılıb.

 

Gəlmişəm

 

Daşım daş üstə qayadı,

Dərdi üstümdə tayadı.

Yazım da üzü yayadı,

Olanıma de, gəlmişəm.

 

Ocağım oduna közdü,

İstisi canımda dözdü,

Gedənim anıbsa sözdü,

Qalanıma de, gəlmişəm.

 

Doğuşda doğulur doğum,

Buluddan sıyrılır yağım.

Xəzana məruzmuş bağım,

Talanıma de, gəlmişəm.

 

 

İllah öldürəcək məni

 

Dərdlə düşdüm bəhsə-bəsə,

Pıç-pıç salıb deyər nəsə.

Bu gün gündüz öldürməsə,

Sabah öldürəcək məni.

 

Sərgilədim məramımı,

Halal bilər haramım.

Başdan asdım qərarımı,

Allah öldürəcək məni.

 

Can alan alacaq illah,

Xatirə qalacaq İllah,

Dəmir, ad olacaq İllah,

İllah öldürəcək məni.

 

 

Ədalət  2018.- 17 may.- S.8.