Xoreoqrafiya Akademiyası konsert proqramı ilə çıxış edib

Üzeyir Hacıbəyli adınaBakı Musiqi Akademiyasının Opera studiyasında Bakı Xoreoqrafiya Akademiyasının İncəsənət fakültəsi tələbələri akademiyanın 90 illik yubileyi çərçivəsində Beynəlxalq rəqs gününə həsr olunmuş konsert proqramı ilə çıxış ediblər.

Adalet.az xəbər verir ki, tədbirdə mədəniyyət və ictimai xadimlər, ali təhsil müəssisələrinin rektorları, xarici ölkələrin diplomatik nümayəndələri, media nümayəndələri və BXA-nın professor-müəllim heyəti iştirak ediblər.

Konsertdə Xalq artisti Yusif Qasımovun quruluş verdiyi "Azərbaycan süitası”, "Yüz biri” rəqsi, Xalq artisti Afaq Məlikovanın quruluş verdiyi "Qarabağ yallısı”, Əməkdar müəllim Pullumb Aqalıyayın quruluş verdiyi "İgidlər”, "Əməkdar artist Eteri Cəfərovanın quruluş verdiyi "Sind” osetin rəqsi, eləcə də İncəsənət fakültəsinin digər müəllim-tələbə heyətinin quruluş verdiyi rəqslər, o cümlədən "Meksika xatirələri”, "Kartuli” gürcü rəqsi, "Cıdır düzü”, "Qavalla rəqs”, "Özünü tap”, "İgidlər”,"Çin rəqsi”, "Tənha insan”, "Sənətkar taleyi”, "İspan rəqsi”, "Yüz biri rəqsi”, " Ölümlə tanqo” və s.akademiyanın müəllim və tələbələri tərəfindən ifa olunub.

Konsert böyük maraqla qarşılanaraq, anşlaqla keçib.

Sübhan

Ədalət 2019.- 3 may.- S.8.