Şüşə qəsr - Şahnaz Şahin yazır

 

 

Çox sevirəm film seyr etməyi, amma gərək zövqümü oxşamaqla yanaşı həm bir az real hadisələrdən qaynaqlana. Həm bu qədər internetə açıq olduğumuz dövrdə filmi televiziyadan seyr etməyi xoşlayıram... Bu dəfə ekran qabağında yerimi rahatlayıb lazımı kanalın düymənsini basıram səyahətim başlayır...

 

....Şüşə qəsr..! Filmin adı belədi, , bir şakərim var, uzağı bir neçə dəqiqə bəs edir mənə, ya seyrə davam ya da tamam deyəm... Elə ilk dəqiqələrdən bu film məni özünə çəkir ...başladıq..

 

Həyatda hamı arzularla yaşayır, adi məişət çatışmazlığından tutmuş ta mümkünsüz olana-göydən ulduz qoparmağa qədər.. deyəcəksiz var ki, burda, arzudu , pulla, para ilə deyil ki...Olar yaxşı, olmaz da olmasın. Filmin qəhrəmanı bir çoxuşaqlı ailədir. Kasıb yaşayan bu ailədə ağıllı, tərbiyəli uşaqlar böyüyür. Onlar ailə büdcəsini bilir buna görə addım atırlar. Uşaqdırlar, heç olmasa ad günlərindəsə sevinmək, hədiyyə almaq istəyirlər, amma buna imkanmı var..! Ailənin başçısının içki aludəçisi olması uşaqların ən xırda istəklərini ürəklərində qoyur. Həmin gecə o, göydə ulduzlar yanmağa başlayanda qızını da götürüb həyətə çıxır , göy çəmən üstə uzanıb birlikdə səmanı seyr edir, ulduzlar haqqında bilgilər verir : "Bax qızım, hansını istəyirsənsə seç götür..Uşaq ağlına sığışmır axı, necə götürsün..,ata isə əlavə izahat verib tələsdirir ki, tez götür,yoxsa kimsə səni qabaqlaya bilər !..” Hələ seçimə kömək edir, ”bax məncə bu daha gözəl parlaqdır, bunu götür”...

 

Amma atanın gələcək üçün bəzi planları da var, o, şüşə qəsr tikmək arzusundadır, amma...Qızlar beləcə göydən ulduz dərə-dərə böyüyürlər.. Amma içdən bir nisgil var hər birində, çünki nəinki şüşə qəsr tikə biliblər, heç ev-məişət şəraitlərini yaxşılaşdıra bilməyiblər! Qızlar artıq valideynlərdən kömək gözləmir, özləri həddi-büluğa çatıb həyatlarını dəyişdirməyi düşünürlər... Uzan müddət köçəri həyat keçirdiklərindən uşaqlar məktəbə belə getməyiblər. Ona görə əvvəlcə təhsil almağa, sonra müəyyən pul vəsaiti toplayıb evdən getməyə qərar verirlər. Böyük qızda bu uğurla alınır, imkanlı bir gənc oğlanla tanış olub evdən gedir, işə başlayır ailə qurur. Ortancıl qız da özü üçün pul yığır xəlvət bir yerdə gizlədir. Onun da istəyi lazım olan məbləği toplayanda evdən getməkdir. Amma bir gün.. , pul ilə bərabər həm arzuları oğurlanan qızı ağlamaq tutur . Atasının sərxoş halda otağa daxil olaraq , son ümidlərinin puç olduğuna ağlayan qızını ələ salması pulun yerini bəlli edir...Göz yaşlarını silən qız bu anda daha güclü görünür :”Sən, məni saxlaya bilməyəcəksən, ata, mən onsuz da gedəcəm!” deyir. ..

 

Fikrim filmi başdan ayağa sizə danışmaq deyil,amma bəzi detalları deməsəm olmaz. ..Böyük qızın toyuna gələn valideynləri kürəkənlərinin imkanlı olduğunu bilib qızlarından böyük bir məbləğ istəyirlər. Ömrünün ən xoş günündə valideynlərinin istəyi onu pərt edir, arada yaşanan gərginliyi yenib onlara pul verir, amma toya buraxmır bütün gələcək əlaqələrini kəsir !

 

Amma zaman keçir,ata xəstələnir,ana yenidən qızına üz tutur...Bu zaman qızı artıq cəmiyyətdə yeri olan, tanınan bir şəxsdir, anası ilə söbəti qısa olur :” qədər?!” deyə soruşur.. , xəstə atasını yoluxmaqdan isə imtina edir...Amma sonradan fikrini dəyişir, bütün uşaqlıq xatirələrini ələk-vələk edib ordan atasına aid bəzi kövrək anlar tapır, xüsusən ad günü hədiyyəsi olaraq atasının göydən dərdiyi ulduzları dönə-dönə xatırlayır göz yaşlarını tuta bilmir...

 

... Şüşə qəsr tikə bilməsələr ailə güc tapıb sonda bir yerə yığıla bilir, ata ilə qızın son görüşü isə olduqca həyəcanlı təsirlidir...

 

...Filmin bir mesajı da var , o da ailənin şüşədən olması anlamına gəlir onu sınmaqdan qorumağın yolları göstərilir. Filmdə əsasən qərb adət-ənənəsi üzərində qurulsa da ümumi bölüşəcək məsələlər çoxdur. Ailə dəyərləri milli-mənəvi dəyərlərin tərkib hissəsidir, insan mənəviyyatının formalaşmasında sosial-mənəvi mühit necə vacibdirsə, ailə dəyərləri o qədər əhəmiyyətlidir. Qadın kişi ailənin sütunlarıdır, ortada qarşılıqlı sevgi, hörmət, əfv, diqqət qayğı olanda ailə dayaqları möhkəmlənir. Uşaqların doğulması normal ailənin bağlarını bir az da möhkəmləndirir. Ailə daxilində ər arvadın hər birinin üzərinə müəyyən vəzifə düşür. Uşaqların böyüməsi, təhsili, sağlamlığı üçün hər iki valideyn məsuliyyət daşıyır. Bu gün ailə məsuliyyətini anlamadan,sadəcə hisslərə aldanıb evlənənlər çoxdur. Nəticələr isə acınacaqlıdır. Bizim ailə cəmiyyətində böyük sözü, nəsihəti əsas tutulur. Yaş artdıqca təcrübə artır, çox təəssüf ki, bir çox ailələrdə yersiz konfliktlərin baş verməsi qaçılmazdır.. Ailədə övladlara fikir azadlığı, sərbəstlik verilməsi, özünü ifadə üçün şərait yaradılması şəxsiyyətin formalaşmasında aparıcı xətlərdəndir. Valideyn özü övladına yaxşı mənada canlı örnək olmalı, üzərində nəzarəti özünə bildirmədən, yumşaq şəkildə , sanki hiss olunmayan kölgə kimi həyata keçirməlidir. Əslində Azərbaycan ailəsində "hər şey övlad üçünprinsipi götürülür ki, bu da hədsiz sevgidən doğur. Amma sevgi kor olmaya gərək, əks halda fəsadı ağır olur... Bir sözlə ailə elə şüşədəndir ki,var!..Qalır onu xarici mənfi təsirlərlə yanaşı, daxildən qorumaq.! Məncə elə ən vacibi bu ikincisidir...

 

Bir tikə sevgidi

 

sahibsiz pişiyə

 

verdiyim çörək...

 

Xəstə köpəyin

 

boğazına qoyduğum kompresdi

 

ən böyük savabım..

 

Sevindirə bildiyim

 

bir yetim uşaqdı xoşbəxtlik..

 

 

Vəssalam..bax belə!..

 

Şahnaz Şahin yazır

 

Ədalət.- 2020.- 28 aprel.- S.6.