"Qarabağ"ın köhlən atları

 

 

Qarabağ atlarını dünyadakı digər at cinslərindən fərqləndirən xüsusi bir cəhəti var ki, bunu yalnız mütəxəssislər tədqiqatçılar bilir. Bu atların nəsli türkmən at cinslərinin nəslindəndir. Boy-buxununa görə ərəb atları, daha  yaraşıqlı  görünür qısa məsafədə Qarabağ atlarını  keçir. Amma uzaq məsafədə Qarabağ atları ərəb atlarının yanından «Mersedes» «Jiquli»nin yanından keçən kimi  keçir. Amma  əsas fərq bu deyil.  Qarabağ atları orta boylu  atlardır, döyüşdə böyük manevr  imkanlarına  malikdir, düşmənin qılıncının qarşısından sıyrılıb çıxa bilirlər.  Yenə əsas  fərq bu deyil. Qarabağ atları yeganə at  cinsidir ki,  döyüşdə  üstündəki  əsgərlə bərabər düşmənlə  vuruşa  bilir.  Ayaqları ilə, ağzı ilə düşməni məhv edir.

 

onu da qeyd edim ki, təmiz cinsli Qarabağ atlarını qaşovlayıb gün üzünə çıxaranda qızıl balıq kimi  üstlərində qızıl pullar göz oxşayır.

 

 

 

«Nəsimi» filmində Usta belə bir ifadə işlədir ey: «Teymur mənim at ağızlı  oğlanlarımı…» «At ağızlı» ifadəsi məhz Qarabağ  atlarının   döyüşkənliyindən yaranıb. Yəni  dişiylə, dırnağıyla da  düşmənlə  çarpışır  bizim atlar.

 

Qurban Qurbanovun köhlən atları da «Legiya» ilə dişiylə, dırnağıyla «döyüşdü». Qurbanın at ağızlı  köhlənləri çox həssas bir dönəmdə xalqımıza  böyük  sevinc yaşatdı.

 

At ağızlı  əsgərlərimiz erməniləri  necə ki «dişiylə-dırnağıyla» məhv edib   torpaqlarımızı azad edirlər!  Qurban  Qurbanovun köhlən atlarının qələbəsi onlara  yeni bir ruh verdi.

 

 

 

Qurban Qurbanovu komandanın bütün kollektivini, futbolçuları ürəkdən  təbrik edirik.

 

Tanrı ön cəbhədəki at ağızlı əsgərlərimizi qorusun! Tanrı Qurban Qurbanovun at ağızlı köhlənlərini !

 

Aqil ABBAS

Ədalət.- 2020.- 3 oktyabr.- S.3.