UĞURLU ƏMƏLİYYATLARIN SONU QƏLƏBƏDİR!

Son günlər ordumuzun fəallığı göz önünndədir. Otuz ilə yaxındır xalqımız ümüd, həsrət içində çırpınır- bəlkə sbah açılan səhər üzümüzə güləcək-torpaqlarımız yağı düşmən tapdağından azad olacaq. Otuz ilə yaxındır ki, Ulu Tanrının bizə bəxş etdiyi yeraltı, yerüstü sərvətləri, memarlıq və tarixi abidələri ermənilər söküb talamaqla məşğuldurlar. Beynəlxalq səviyyədə tanınan ərazilərimizin 23 faizi düşmən tapdağındadır. Nəticədə milyonlarla soydaşlarımız qaçqın, köçkün həyatı yaşamaqdadırlar.

Məlumdur ki, uzun illərdi Ermənistan tarixi saxtalaşdırmaqla öz yalanlarını dünyaya nümayiş etdirməkdədir. Dünya ölkələrinin əksəriyyəti bu millətin saxta hayküyünə və göz yaşlarına inanaraq, əsl həqiqətdən uzaq düşmüşlər.

BMT-nin 1993-cü ildə vermiş olduğu 822, 853, 874, və 884 saylı dörd qətnaməsi 30-ilə yaxındır yerinə yetirilmir, Ermənistan bu qətnamələri heç vecinə almır. Bu gün Azərbaycan Ordusu bu qətnamələrin icrasını yerinə yetirirsə bütün dünya o cümlədən Minski qrupunun həmsədri kimi Fransanın prezidenti Emamuel Makron Azərbaycan Respublukasının prezidenti İlham Əliyevə və Azərbaycan Ordusuna minnətdar olmalıdı. Ona görə Azərbaycan BMT-kimi böyük bir qurumun batmış qərarlarını dirildir. Oktyabrın 1-də ATƏT-in Minski qrupuna daxil olan ölkələrin (ABŞ, Fransa və Rusiya) prezidentləri bəyanat yayaraq hərbi əməliyyatları dayandırmağa çağrış etdilər. BMT- də bu oxşar çağrışla bağlı çıxış etmişdir. Sual meydana çıxır- Əcaba biz nəyi dayandrmalıyıq- analarımızın göz yaşlarını, yoxsa axıdılan qanları, istəyirsiz 30 il yaşatdıqlarınızı sonu ğrünməyənə qədər yenə də yaşayaq?! Fikrimcə işğalçı dövləti 3-gün içərisində məcbur etməlidirlər işğal etdiyi Azərbaycan torpaqlarından qeyri şərtsiz çıxsınlar.

Fransanın prezidenti Makron:-“Qarabağı bu dəfə ələ keçirsələr mən bunu qəbul etməyəcəyəm”-ifadəsini işlədir. Ümumiyyətlə bu nə deməkdir? Axı Fransa BMT-nin bizim ərazi bütövlüyümüz haqqında çıxardığı 4 qətnaməyə səs verib. İndi isə onun qarşıdan seçkisi gəlir deyə, Fransada yaşayan erməni lobbisindən səs gözləyir onun üçün də belə düşünülməmiş addımlar atır. Onun verdiyi müsahibə və bəyanatlar şəxsi maraqlara söykənir. Fransa ATƏT-in Minski qrupunda həmsədirlikdə qalmamalıdır. O neytrallığını, bitərəfliyini saxlaya bilmədi, açıq şəkildə Ermənistana dəstək verir, belə vasitəçi olurmu? E. Makronun bütün deyimləri, bəyanatları öz çevrəsinə, daxili auditoriyasına hesablanıb. Fikrimcə Makron Minsk qrupundan getməli lazım olarsa onun yerinə Türkiyə dövləti həmsədrlərdən biri olmalıdır. Məncə nə qədər haqqını, mənəviyyatını itirəsən ki, belə bəyanət verəsən bunu Allah da bağışlamaz. Belə götürəndə biz əyər özümüz qan töküb, şəhid verib torpaqlarımızı erməni işğalından azad ediriksə ATƏT-in Minski qrupu heç bizə lazım deyil. Beynəlxalq hüququn bütün müddəlarına görə Qarabağ Azərbaycanın tarixi torpaqlarıdır, ya biz millət olaraq məhv olmalıyıq yada Qarabağı heç kəsə verməyəcəyik.

Bu məqamda bəzi faktları sadalamaq yerinə düşər.

-Ermənistanın baş nazii Nikol Paşinyanın son günlər sərsəm çıxışları, bəyanatları xalqımızın böyük hiddətinə səbəb olmuşdur. “Lələtəpə” , “Tovuz döyüşləri”, avqustun -23 də Goranboy istiqamətinə göndərdiyi diversiya-kəşfiyyat qrupunu törətdiyi məlum hadisələrdən sonda işğalçı ölkənin arası kəsilməyən hücumları ordumuzu əks hucuma keçməyə vadar etmişdir.Əlbət ki, işğalçılıq hüdudlarını genişləndirməyi qarşısına məqsəd kimi qoyan Ermənistanın siyasi rəhbərləri xarici ölkələrdən könüllülük əsasənda muzdlular gətirməyə başladı. İşğal olunmuş ərazilərimizə Livandan, Suriyadan, Fransadan, Amerikadan gətirilmiş etnik erməni quldurlar, axtarışda olan PKK, PYD, PYG ünsürləri Azərbaycanın tarixi, əzəli torpaqlarında narkotika becərməklə terrorlar törətməyə başlayıblar. Burada az vaxt içərisində erməni hərbi birləşmələrinin yaradılması onu göstərdi ki, erməni hakimiyyəti sülh danışıqlarını bilərəkdən pozur, danışıqlar masasına oturmaq istəmir. Xankəndinə Ermənistanın rəhbərlərinin mütəmadi olaraq gəlmələri təcavüskar ölkənin məkrli üzünü bir daha açıb göstərdi.

Azərbaycan Respublikasının prezidenri cənab İlham Əliyev işğalçı ölkənin hədəflərini, planlarını yxşı görürdü. Onun üçün Ali Baş komandanımız İlham Əliyev- düşmənin hücumuna qarşı əks-hücum əmrini verdi. Göründüyü kimi ordumuzun döyüşdüyü torpaqlarda nəticələr göz qabağındadır, saatbasat, dəyqəbədəyqə əsgərlərimiz irəliləyir.

Suqovuşanın (Madagiz kəndi) azad olunması, Fizuli, Cəbrayıl şəhərinin və onun xeyli sayda kəndlərinin işğalçılardan təmizlənməsi xalqımızda ruh yüksəkliyi yaratmışdır.

Oktyabrın 4-də 100mindən çox əhalisi olna Mingəçevir şəhəri raket atəşinə tutublar. Ölən və yaralalanlar var-dinc əhaliyə qarşı bu qəbuledilməzdir.

-Bəli ölkə prezidenti cənab İlham Əliyevin təhlükəsizlik və xarici siyasət sahəsində atdığı çevik strateji addımlar hər vaxt diqqət mərkəzindədir. Son günlər möhtərəm prezidentin çıxışları, telekanallara müsahibələri, böyük qələbədən xəbər verir. Demək istəyirəm şəhid versək də xalq sevinc içərisindədir. 30 ildən artıqdır xalqın gözlədiyi bu an yetişib, xalq silaha sarılıb sözünü demək istəyir, düşmənə kimin-kim olduğunu sübut etmək istəyir, həvəsdi- bəsdi ordu-xalq Ali Baş Komandan başda olmaqla birdir.

Sentyabrın 27 günü tarixə qızıl hərflərlə yazılacaq. Biz ordumuzla qürur duyuruq. Bu gün cəmiyyətimizdə çox güclü milli həmrəylik nümayiş olunur. 51-partiyanın bir yerə yığılıb prezidentimizə dəstək nümayiş etdirmələri bütün umuküsülərin üstündən qırmızı xətt çəkdi. Bu amal süpürgəçidən tutmuş pezidentəcən hamını sevindirir. Xalq müharibənin bitməsini yox qələbəni gözləyir. Biz yaxşı başa düşürük şəhidlərimiz var, yaralılarımız var, kəndlərimizdə dağıntılar çoxdur, onu da bilirik bizim Xəzərdən oyana yerimiz yoxdur.

Rusiyanın bütün rəhbərliyi, Amerikanın, Fransanın, Almaniyanın, bütün rəhbərləri, prezidentləri Cənab Prezidet İlham Əliyevə zəng vuraraq müharıbənin dayanmasını xahiş edirlər, lakin onlar başa düşmürlər ki, işğalçı dövlət Azərbaycan torpağlarından çıxsın sonra Azərbaycan əks hücumu dayandırsın. 30 ilə yaxın bunlar xalqımızın əsəbləriylə oynamış indi bizə ağıl verirlər. Üç ölkənin üçü də ABŞ, Fransa, Rusiya bu günədək çalışmışlar Qarabağı bizə unutdursunlar.

Qardaş Türkiyənin Cumhur Başqanı Rəcəb Tayyib Ərdoğan başda olmaqla Türkiyə Parlamentinin sədri Mustafa Şentor-“Türkiyə var qüvvəsiylə Azərbaycanın yanındadır” ifadəsi Pakistan, Əfqanıstan, Ukrayna, Gürcüstan kimi dost ölkələrin “-Biz sizin yanınızdayıq”-deməsi bizi qürurlandırır. İslam dünyasında Azərbaycan dünyəvi dövlət kimi tanınır. Bu ölkədə bütün millətlərin dinləri, inancları azaddı. Bizi məyus edən faktorlar da az deyil əyər İslam həmrəyliyi Misirdə Ermənistan prezidentinin ayağının altına qırmızı xalça salmaqla, qonşumuz, din qardaşımız İran gecə-gündüz Ermənistana silah, xammal, ərzaq daşıyırsa axı İslam Həmrəyliyi belə olmur. Haqq işimizdə bəzi dövlətlər susqunluq nümayiş etdirirlər. Onlar bilməlidirlər ermənilər tarix boyu özlərində fağır, əzabkeş obrazı formalaşdıraraq özlırini dünyaya təqdim ediblər. Nikol Paşinyan xalq ehtirazlarıyla hakimiyyətə gəlmiş jurnalistdir. Bu gün Dağlıq Qarabağda tökülən qanın, hərbi əməliyyatların, alovlanmasında 3 aylıq jurnalist kursunun müdavimi birbaşa özü günahkardır. Biz bilirik daşnaklar onu sıxır “Böyük Ermənistan”iddiasını irəli sürürlər, Paşinyanın başqa seçimi qalmır.

Azərbaycan prezidenti İlham Əliyevi milli maraqlardan heç kim döndərə bilməz. O, prezident olaraq öz siyasətini davam etdirir, beynəlxalq hüquq çərçivəsində torpaqlarımızı geri qaytarmağa çalışır. Təkrar vurğulamağa dəyər ki, bu günlərdə 51 partiyanın prezidentlə həmrəylik nümayiş etdirməsi bir daha onu göstərdi ki, xalq prezidentin prezident xalqın arxasındadır. Xalq yaxşı bilir müharibə soruşmaqan hər bir ailənin evinə gələ bilər. Azərbaycan ordusu bu gün tarix yazır. Bizim işimiz haqq işidir. Cəsusluq sindromu erməniləri bu səviyəyə gətirib. Cənab Prezident demiş-Erməninin bizim torpaqlarımızda nə işi var. Döyüşdə qələbələrimiz çoxdur. Uğurlu əməliyyatların sonu qələbədir!

Maşallah Məftun,

Hərbi ekspert,Qarabağ qazisi

Ədalət.- 2020.- 6 oktyabr. S. 4.