USTAD ŞAİRİMİZİN POEZİYA DÜNYASI

 

Çağdaş ədəbiyyatımızda özünəməxsus dəstixətti olan, şəxsiyyətinə yaradıcılığına sevgi bəslədiyim, dəyərli ustad şairlərimizdən biri Fəxrəddin Teyyubdur. Şeirlərini dərgilərdən, qəzetlərdən sevə -sevə oxuyuram. Orjinal fikirləri ilə seçilən şair Fəxrəddin Təyyub tədbirlərdə öz gözəl çıxışları ilə qələm dostlarının poeziyasevərlərin diqqətini cəlb edir.

 

Bu yaxınlarda şair yenicə işıq üzü görmüş "Ruhların sevinən günüşeirlər kitabını böyük səmimiyyətlə mənə hədiyyə etdi. Onun bu kitabında şeirlər yer alıb. Oxuncunu düşündürən poetik fikirləri ilə zəngin olan şeirlər məni heyrətləndirdi.

 

Şairin "Ruhların sevinən günüşeirlər kitabı Müzəffər Ali Baş Komandana həsr etdiyi şeirlə başlanır. O, Şanlı Zəfərimizin memarı, xalqımıza böyük Qələbə sevincini ərmağan edən, Prezidentimizə ehtiramını səmimi dolğun poetik deyimlərlə ifadə edir:

 

Sən göyün oğlusan, sən yerin oğlu,

 

Xoş xəbər gətirdin səhərin oğlu.

 

Sınmaz Ulu Öndər Heydərin oğlu,

 

Ali Baş Komandan, var ol, min yasa!

 

 

 

Haqqın üstündədir bünövrə, təməl,

 

Tarixdir gördüyün hər , hərə əməl.

 

İndi bir zindana vurur milyon əl,

 

Ali Baş Komandan, var ol, min yasa!

 

 

 

Nərsən, kim deyər ki, nər axtarıram,

 

Pirsən, heç kəs deməz pir axtarıram.

 

Sənin heykəlinə yer axtarıram,

 

Ali Baş Komandan, var ol, min yasa!

 

Bu şeirdə şairin sevgisi, ürək hissləri hüdudsuzdur. Hər bir misrası 44 günlük savaşda ürəyimizdən keçən hisslərdir. Qəsibkarların 30 ilə yaxın işğalda saxladığı doğma Qarabağımızın, Vətən Müharibəsində qısa bir müddətdə kəndkənd azad olmasını sevincini göstərir. Əlbəttə, bu bizim hər birimizin şahid olduğumuz şanlı tariximizdir. Hər birimiz bu sevinci sevə - sevə yaşamışıq.

 

Fəxrəddin müəllimin hər bir şeiri diqqət cəlb edir. Bu da onun poetik təfəkkürünün, istedadının zənginliyini göstərir. Şairin söylədiyi hər bir sözü onun içində ki, böyük düşüncədən xəbər verir. Yaddaşlardan silinməyən vətən ətirli şeirləri insanı xəyalan vətənimizi qarışqarış gəzdirir.

 

Onun " Səhvşeiri ürəyimizin nisgilini, hicranını özündə ehtiva edir.

 

Ürəyim sızlayır, gözüm yaş tökür,

 

vaxtdı göyün, yerinəm.

 

Bir gözüm Arazdır, o biri Kür,

 

Həsrət körpüsüyəm, Xudəfərinəm.

 

 

 

Yazı hara qoyum, neynim yayımı?

 

Hələ ki, həsrətin qarı burdadır.

 

Mən bütöv görmədim ömür payımı,

 

Ürək yarı orda, yarı burdadır.

 

 

 

Silinməz heç kəsin həsrət yaddaşı,

 

Göynəyən yaramı sarımır Araz.

 

Suyuna qarışıb gözümün yaşı,

 

Bəlkə ona görə qurumur Araz?!

 

 

 

Çayın da dərdi var, yarası dərin,

 

Hönkürür dalğalar zillət çəkir.

 

Bir vaxt "mənəmdeyən müştəbehlərin,

 

Səhvinin yükünü bir millət çəkir.

 

Şairin bu şeiri anlamağa həm tariximizi dərindən bilmək, həm bütöv vətən sevdalısı olmaq əsasdır. Təbii ki, bizim böyük şairlərimiz Araz həsrətli mövzuda biribirindən gözəl şeir nümünələri yaradıblar. Amma Fəxrəddin Teyyubun poetik ifadəsi mövzuya yanaşma tərzi özünəməxsusdur...

 

Fəxrəddin Teyyubun "Ruhların sevinən günükitabında birbirindən gözəl vətənpərvər şeirləri kifayət qədərdir. Onun ürəyi vətən sevgisiylə zəngin tariximizlə döyünür. Onun hər bəndi, hər misrası vətənpərvər hissini oxucuya arşılayır. Ustad şairimiz qələmi ilə poeziyamıza xidmət göstərdiyi kimi,( İxtisasca hüquqşünasdır.) uzun müddət hüquqmühafizə orqanlarında rəhbər vəzifələrdə vətənimizə, xalqımıza yüksək xidmət göstərib. Bu onun necə vətəndaş vətəndaş şair olduğunu, vətən qarşısında böyük məsuliyyətini göstərir. Mən onu tanıdığım gündən dostlara insanlara məsuliyyətli diqqətli olduğunu görmüşəm. Səmimi şair, gözəl insan qələm dostlarının sevimlisi Fəxrəddin müəllimin bu kitabı haqqında kifayət qədər danışmaq olar. Amma poeziya sevərlər, şeir həvəskarları özü əldə eləmiş olsa kitabla yaxından tanış olub yeni poetik deyimlerə tanış olacaqlar. Ustad şairimizin poeziya dünyasına bələd olalar.

 

Ustad şairimiz Fəxrəddin Teyyubun bu poetik toplusunu bütövlükdə poeziyamızınuğuru kimi səciyələndirmək olar.Böyük sənətkara can sağlığı yaradıcılıq uğurları arzulayıram!

 

İLTİMAS SƏMİMİ

 

 Ədalət.- 2022.- 19 fevral.- S.8.