Bakıda beynəlxalq konfrans

16-cı Beynəlxalq "Xəzər Neft, Qaz, Neftayırma və Neftkimyası" konfransı bu gün "Hyatt Regency" otelində öz işinə başlayıb.

Konfransda 23 ölkədən 450 nümayəndə iştirak edir. "SOCAR", "BP", "TPAO", "OMV" və digər məşhur neft şirkətlərinin rəhbərləri də konfransda iştirak edir. Konfransda çıxış edənlər arasında Azərbaycan, Gürcüstan və Qazaxıstanın sənaye nazirləri, eləcə də ABŞ, Rusiya, Almaniya, Böyük Britaniyanın nazirik və dövlət strukturlarının nümayəndələri, habelə digər yüksək vəzifəli şəxslər olub. Konfransın birinci günündə Xəzər regionunun potensial neft və qaz yataqlarının kəşfiyyatı layihələri müzakirə olunub və Azərbaycanın neft və qaz sektorlarına sərmayələrin qoyulması məsələsinə toxunulub. Azərbaycan neft və qaz təchizatçısı kimi Avropa üçün mühüm əhəmiyyət kəsb edir. Buna görə də regionun neft və qaz ehtiyatlarının nəqli üzrə alternativ təkliflər, habelə Xəzərin enerji ehtiyatlarının nəqli perspektivləri sərginin ikinci gününün mövzusunu şərtləndirir. Belə ki konfransın ikinci günü bütünlüklə enerji ehtiyatlarının Avropaya çatdırılması məsələsinin diversifikasiyası mövzusuna həsr ediləcəkdir.

Konfrans iyunun 4-nə qədər davam edəcək.

ÖMƏR

Ədalət.- 2009.- 3 iyun.- S. 4.