QIZISANMI
Hardan çıxdın
qarşıma sən,
Qismətsənmi, yazısanmı?
Nə müddətdi
əriməyən,
Həsrətimin buzusanmı?
Sevmədin məni vaxtında,
Gözündən düşdüm
baxtın da...
Oturubsan şah taxtında,
Fərman verən qazısanmı?
Nə sir varsa
dilindədi,
Gözlərim qan selindədi.
Başım cəllad
əlindədi,
Bu qətlimə razısanmı?
Ömürdən anım
almağa,
Damardan qanım almağa.
Gəlibsən canım
almağa,
Azrayılın qızısanmı?
ÖLÜM YUXUMA GİRİB
Baş çatladır
baş hirsə,
Müəmmadır nədirsə.
Təhlükə var
kimdirsə,
Qiyafəsin dəyişib,
Ömür bağıma girib.
Bu fənddi, ya ehtiram,
Gedəm kömək axtaram.
Tən ortamdan qorxuram,
Solumda gizlənənlər,
İndi sağıma girib.
Yollar duman, yollar çən,
Qar
yağıbdı dizəcən.
Hardan belə bu düşmən,
Təpəni düzənləyib,
Gəlib dağıma girib.
Əlimdə qələm,
varaq,
Özümdən yox bir soraq.
Pusquda dayanaraq,
Qəhər qapı
dalında,
Qəm otağıma girib.
Hər dərdə
yan verirəm,
Qansıza qan verirəm.
Gecələr can verirəm,
Səhər durub
baxıram,
Ölüm yuxuma girib.
18 dekabr 2008-ci il.
NƏ VAXT QAYIDACAQ VÜSAL
GÖRƏSƏN
Yuvası boş
qalan quş olub gedib,
Gedəndə ürəyi daş
olub gedib.
Beş ildi bir qıza qoşulub
gedib,
Nə vaxt qayıdacaq
vüsal görəsən.
Kök atıb köksümdə həsrət
göyərib,
Sağ əlim bəsləyib, sol əlim
dərib.
Sevgilim yanında
utancaq, qərib,
Nə vaxt qayıdacaq
vüsal görəsən.
Əli buxovlanıb,
qolları bağlı,
Gədikləri sərhəd, yolları
bağlı.
O, anası ölmüş,
yolları bağlı,
Nə vaxt qayıdacaq
vüsal görəsən.
Uçur ömrümüzün
sökülür damı,
Quru yurdda qoyur hicran adamı.
Sönür gecələrin
əriyən şamı,
Nə vaxt qayıdacaq
vüsal görəsən.
Qılman, bu həyatı sev də, tanı da,
Sən gəzən
o günlər indi hanı ta?!
Yazıq həsrətimin
çıxdı canı
da,
Nə vaxt qayıdacaq
vüsal görəsən.
5 noyabr
2008-ci il
GƏLİRƏM
Borcu var dərdin ürəyə,
Borcumu yığıb gəlirəm.
Taleyimə ayna tutub,
Bəxtimə baxıb gəlirəm.
Gözümdə şimşək
çaxışı,
Min rəng verir hər naxışı.
Başıma yağan
yağışı,
Gözümdən sıxıb gəlirəm.
Sözümə qayıtmaq
üçün,
Dözümə qayıtmaq
üçün,
Özümə qayıtmaq
üçün,
Özümdən çıxıb gəlirəm.
Qılman
İmanlı
Ədalət.- 2009.- 6
iyun.- S. 20.