Gənc Tamaşaçılar Teatrı qastrol səfərindən qayıdıb

Azərbaycan Dövlət Gənc Tamaşaçılar Teatrı Qazax, Şəmkir və Gədəbəydə qastrol səfərində olublar. Teatrdan verilən məlumata görə, səfərə teatrın 20 nəfərlik yaradıcı heyəti qatılıb.

Regionların İnkişafı İctimai Birliyi və Gənc Tamaşaçılar Teatrının birgə layihəsi əsasında gerçəkləşən səfərdə kollektiv Nicat Kazımovun quruluşunda Nizami Gəncəvinin "Xeyir və Şər" tamaşası ilə çıxış edib. Qeyd edək ki, rollarda teatrın aktyorları Asya Atakişiyeva, Vüsal Mehrəliyev, Günel Məmmədova, Elnur Kərimov, Elşən Şıxəliyev, Mehriban Hüseynova, Manaf Dadaşov, Ceyhun Məmmədov, Nigar Məmmədova, Zümrüd Hüseynova və Anar Səfiyev oynayıblar. Səfər çərçivəsində teatr kollektivinin ifasında Şekspirin "Otello" tamaşası da təqdim olunub.

Ayna.-2010.-13 fevral.-S.20.