"Azərbaycanın
kitab abidələri"
Bu elektron nəşr
iki hissədən ibarətdir
Azərbaycan kitabxanalarında
aşkar edilmiş nadir və qiymətli
nəşrlər (kitab
abidələri) Azərbaycan
Respublikasının milli-mədəni
sərvətlər reyestrinə
daxil edilib. Toplanmış materiallar əsasında
respublikada mövcud unikal və nadir nüsxəli kitablar, xüsusi əhəmiyyətli çap
sənədləri, nadir
kitablar, əlyazmalar, qəzetlər, jurnallar, diyarşünaslığa aid
nəşrlər, xəritələr,
poçt markaları,
notlar, müəlliflərin
sağlığında nəşr
edilmiş əsərləri,
görkəmli şəxslərin avtoqraf
yazdıqları kitablar
haqqında məlumatları
əks etdirən
"Azərbaycanın kitab
abidələri" adlı
elektron nəşr hazırlanıb.
Mədəniyyət və
Turizm Nazirliyindən verilən bilgiyə görə, SD-nin I
buraxılışına Prezident Kitabxanasında, M.F.Axundov
adına Azərbaycan Milli Kitabxanasında, AMEA Mərkəzi
Elmi Kitabxanasında, Bakı Dövlət Universitetinin Elmi
Kitabxanasında, Texniki Universitetin, Pedaqoji Universitetin, Dövlət
Mədəniyyət və İncəsənət
Universitetinin, Dillər Universitetinin kitabxanalarında, Respublika
Elmi Tibb Kitabxanasında, Respublika Elmi-Texniki Kitabxanasında,
Respublika Elmi Kənd Təsərrüfatı Kitabxanasında,
C.Cabbarlı adına Dövlət Teatr Muzeyində, L.Kərimov
adına Azərbaycan Xalçası və Xalq Tətbiqi Sənəti
Dövlət Muzeyində, Musiqi Mədəniyyəti Dövlət
Muzeyində, şəhər kitabxanalarında və
tarix-diyarşünaslıq muzeylərində mühafizə
edilən nadir və unikal kitablar və s. nəşrlər
daxil edilib.
SD-də müxtəlif
müəssisələrdə saxlanılan kitab abidələrinin
foto kolleksiyası da istifadəçilərə təqdim
olunur.
Qeyd edək ki, "Azərbaycanın
kitab abidələri" adlı elektron nəşrdə
respublikada saxlanılan ən qədim kitablar da müəyyən
edilib.
SD-nin I
buraxılışında Azərbaycan Respublikasında ən
qədim kitab abidələri hesab edilən Prezident
Kitabxanasında saxlanılan və 1591-ci ildə italyan dilində
çap olunmuş Appresso Erasmo, Viotto Parma "Historia di
Anrma", M.F.Axundov adına Azərbaycan Milli Kitabxanasında
1595-ci ildə Almaniyanın Yena şəhərində alman
dilində çap olunan "Türklər haqqında on nəsihət"
kitabları haqqında məlumat istifadəçilərə
təqdim olunur. Bundan başqa, milli lider Heydər Əliyevin 3
iyun 1995-ci il tarixində M.F.Axundov adına Milli Kitabxanaya hədiyyə
etdiyi müxtəlif dillərdəki kitab kolleksiyası kitab
abidələri hesab olunaraq elektron nəşrə daxil edilib.
Xatun
Ayna.-2010.-1 may.-S.20.