Azərbaycanlı rəssamlar rəsm simpoziumunda iştirak ediblər

Türkiyənin Ərzurum şəhərindəki Atatürk Universiteti 9 ölkədən 20 rəssamın iştirakı ilə I Beynəlxalq rəsm simpoziumu keçirib.

Tədbirdə azərbaycanlı rəssam Fikrət Həşimov da iştirak edib.

Rəssamlar 15 gün ərzində Ərzurumun füsunkar təbiəti ilə tanış olub, "Mədəniyyətlərin görüşməsi" mövzusunda seminarda iştirak edib, öz təcrübələrini tələbələrlə bölüşüblər.

Onların burada yaratdıqları əsərlər Atatürk Universitetində yaradılan rəssamlıq muzeyinə hədiyyə edilib.

Simpoziumun təşkilatçısı olan Atatürk Universiteti rektorunun müavini, professor Səbahəddin Tuzemen Azərbaycan, Balkan ölkələri və Avropadan gəlmiş fırça ustalarına təşəkkürünü bildirib, onlara xatirə hədiyyələri təqdim edib. O, bu simpoziumun gələcəkdə də davam etdiriləcəyini bildirib.

Ayna.- 2010.- 28 may.- S.19.