"Milli bomba"
Film sanki bu tədbir üçün
çəkilibmiş
Tbilisidə keçirilən MDB ölkələri
ilk kino festivalının
yekunları kinoşünaslarda
xoş təəssürat
doğurub. Gürcüstan paytaxtında Rusiya
və digər MDB ölkələrinin ilk kino
festivalının yekunlarına
həsr olunan mətbuat konfransında xoş notlar üzərində fikirlər
səslənib. Festival
MDB ölkələri Humanitar
əməkdaşlıq Dövlətlərarası
Fondunun dəstəyi,
Tbilisi İncəsənət və Mədəniyyətlərarası
Beynəlxalq Fondunun və Moskvanın Kino Proses Prodüser Mərkəzinin təşkilatçılığı
ilə keçirilirdi.
Festivala həsr olunan mətbuat konfransında festivalın proqram direktoru Vyaçeslav Şmırov ilk kinofestivalın
yekunlarını və
təəssüratlarını açıqlayıb. Kinematoqrafçılar,
rejissor və artistlər, publisistlər,
prodüser və kinoşünaslardan prodüser
Sergey Selyanov, rejissorlardan
Aleksandr Proşkin, Vitali Manski, Aleksey Federçenko, Katya Saqalova, Giya Vazqadze və başqaları festivalın
böyük bir bayram kimi keçdiyini
qeyd ediblər. Rus kinematoqrafçıları bu
festivalı mistik hadisə adlandırıblar.
APA-nın məlumatına
görə, festivalda
28 kinofilm nümayiş
etdirilib. Festivalın prezidenti SSRİ xalq artisti, kinorejissor Eldar Ryazanov olub. Festival ideyasını
Rusiya prezidentinin beynəlxalq mədəniyyət
əməkdaşlığı məsələləri üzrə
xüsusi nümayəndəsi
Mixail Şvıdkoy dəstəkləyib.
Bu sənət
bayramı haqda öz təəssüratlarını
jurnalistlərlə bölüşərkən
kinoaktrisa, "Novaya qazeta"
qəzetinin əməkdaşı
Larisa Malyukova deyib:
"Mən ilk dəfədir
Gürcüstanda oluram.
Təəssüratlarım böyükdür. Mən
deyilənləri təkrar
etmək istəmirəm.
Biz gələcəyə nikbin
baxmalıyıq. Komanda
çox balaca olmağına baxmayaraq, tədbir çox
professional şəkildə, komfortla təşkil edilmişdi. Tamaşaçılar
nümayiş etdirilən
hər kinoya çox diqqətlə və emosiya ilə baxırdılar.
Hiss edilirdi ki, hamının məsuliyyət
hissi var. Mənə elə gəlir ki, buna görə
sağ ol demək lazımdır".
Rus rejissoru
Aleksandr Proşkin deyib: "Sözsüz ki, həyəcan da vardı. Biz tamamilə başqa şey gördük. Sanki başqa bir dünyaya düşmüşdük.
Sovet dönəminin Tbilisisi artıq yox idi. Biz başa
düşə bilmirdik;
bu, Avropadır, ya Gürcüstan? Hər yer təmiz
və gözəl idi. Küçələrdə
əhali sakit və şəstlə hərəkət edirdi. Elə bil ki,
biz əsl həyatı
görürdük. İndi
isə geri qayıtmalıyıq, yaşamaq
uğrunda mübarizə
aparmaq üçün.
Mənə görə,
bu səfər səadətdir". Festival iştirakçıları
qeyd ediblər ki, tədbirin təşkili xalq diplomatiyasına uğur gətirəcək. Gürcüstan
paytaxtındakı "Rustaveli"
kinoteatrında keçirilən
festivalda Azərbaycanın
görkəmli kinorejissoru
Vaqif Mustafayevin çəkdiyi "Milli bomba" lenti də nümayiş etdirilib. Festivalın proqram direktoru Vyaçeslav Şmırov
APA-ya açıqlamasında
bildirib ki, tədbirdə MDB ölkələrindən
də kinofilmlər, o
cümlədən bu gün Azərbaycandan rejissor Vaqif Mustafayevin "Milli bomba" lenti nümayiş etdirilib. Əsərdə baş rolu gürcü artist Avtandil Maxaradze ifa edir:
"Çox təəssüf edirəm ki, bu gün filmin rejissoru Vaqif Mustafayev bizimlə deyil. Ukraynadan da, Özbəkistandan da digər rejissorlar gəlməli idi. Biz onlara tədbir barədə gec məlumat vermişdik. Amma mənə çox fərəhli gəldi ki, Vaqif Mustafayevin filmi sanki bu tədbir üçün çəkilib. Bir də mənə elə gəldi ki, elə bil yenə əvvəlki ümumi mədəni meydança saxlanılır. Bu tədbirlər bizi birləşdirir".
Ayna.- 2010.- 13 noyabr.- S.19.