"İstintaq" bərpa olunub
Rasim Ocaqovun bu filmi yaxın günlərdə göstəriləcək
Noyabrın 22-də xalq artisti,
dövlət mükafatları laureatı, kinorejissor Rasim
Ocaqovun 76 yaşı tamam olur. Görkəmli kinorejissorun ad
günü ilə əlaqədar olaraq Dövlət Film Fondu Mədəniyyət
və Turizm Nazirliyinin təşkilatçılığı,
Rusiya Dövlət Film Fondunun köməyi ilə Rasim Ocaqovun
1979-cu ildə çəkdiyi "İstintaq" bədii
filmini bərpa edib.
Dövlət Film Fondunun direktoru, əməkdar
incəsənət xadimi Cəmil Quliyevin bildirdiyinə görə,
sözügedən filmin ssenari müəllifi Rüstəm
İbrahimbəyov, operatoru Rafiq Qəmbərovdur. Baş
rollarda Şəfiqə Məmmədova, Aleksandr Kalyagin, Həsən
Məmmədov çəkiliblər.
Cəmil Quliyevin sözlərinə
görə, filmin bərpa olunmuş variantının yaxın
vaxtlarda nümayişinə başlanılması nəzərdə
tutulur.
Zəminə
Ayna.-2009.-21
noyabr.-S.19.