Bizim haqlı müharibəmiz: Bu gün hər bir yazar, qələmi ilə bir əsgərdir

(Yazıçı sözü)

Yadıma ataların bir hikmətli sözü düşür: “Köpək elə köpəkdi, xaltası qızıl olsa da”. Bu gün ölkəmizlə işğalçılıq müharibəsi aparan və hər cür şərəfsizliyə, hər cür alçaqlığa yol verən erməni faşistləri dinc əhalini top və uzaqvuran raket atəşinə tutaraq vandalizmə yol verməklə beynəlxalq ictimaiyyət arasında nüfuzdan düşmüşdür. Lakin xaltası başqa havadarlarının əlində olan Paşinyan elə bil ki, zəncirini qıran quduz it kimi dinc insanları qapır, şəhərləri raket atəşinə tutmaqdan həzz alır və beynəlxalq qanunları kobudcasına, cinayətkarcasına pozur.

Ermənistanın təxribatı o həddə çatıb ki, hər gün Gəncə kimi qədim şəhərimizi, Tərtər, Mingəçevir, Ağdam, Bərdə, Goranboy və başqa yaşayış məntəqələrimizi top və raket atəşinə məruz qoyur. Körpələrimizin mışıl-mışıl yatdığı gecələrdə onların şirin yuxularını vəhşicəsinə pozan erməni işğalçıları tarix qarşısında cavab verməli olacaqlar. Axı bu murdar ermənilər dahilər yetirmiş Azərbaycan xalqından nə istəyirlər?! Elə hey ac çaqqal kimi çöllərimizdə eşələnirlər. Görün azad olunmuş kəndlərimiz nə hala salınıb. Kənd evlərinin ancaq daşları qalıb. Hər səbrin axırı var. Ancaq Azərbaycan xalqı 32 il dözdü, səbr etdi. 32 il işğal olunmuş torpaqlarımız murdar erməninin ayaqları altında inildədi. Ulularımızın ruhları inildədi, fəryad etdi. Axı hər qaranlığın bir aydınlığı var. Ölkəmiz erməni işğalçılarının qəsbkarlığına qarşı öz iradəsini göstərdi və xalqımız sentyabr ayının 27-dən Vətən Müharibəsinə qalxdı. Az zaman ərzində şanlı döyüşçülərimiz işğal olunmuş çoxlu strateji yüksəklikləri və döyüş mövqelərini ələ keçirib düşməni geri oturtdu, onların geriyə də baxmadan döyüş texnikalarını və sursat anbarlarını da qoyub qaçmalarına nail oldu. Erməni hərbçiləri imkan tapıb zəncirlədikləri əsgərlərini özləri ilə apara bilməmişdilər. Zəncirlənmiş əsgərlər isə döyüşdən imtina edənlər olmuşdur. Əldə etdiyimiz yüksəkliklər, kəndlər, Cəbrayıl rayonu, Füzuli rayonu və başqa məntəqələr şanlı ordumuzun qələbələridir. Sanki 32 il sakit dayanan vulkan birdən püskürdü. Onun yanar lavaları erməni işğalçılarını pərən-pərən etdi, onların “Böyük Ermənistan” xülyalarını ürəklərində qoydu. Müzəffər ordumuz Ali Baş Komandanın əmrlərini fədakarcasına yerinə yetirir, döyüşlərdə canlarından keçib şəhidlik zirvəsinə ucalırlar.

Ermənistanın ideologiyası faşist ideologiyasıdir. Bir ölkədə ki, faşistlərə qulluq etmiş, satqınlığı ilə tarixdə yadda qalan Nijde kimi erməniyə heykəl ucaldıla, o ölkənin səmimiliyinə inanmaq olarmı? Rusiyanın müharibə dövründə darmadağın olunmasında bu qəsbkarın da rolu olmuşdur. Rus rəhbərliyi isə özünü görməməzliyə qoyur. Sual olunur: bəs o zaman 15 muxtar respublika nə üçün faşizmlə müharibə aparırdı? Bəlkə tökülən qanlar əbəs imiş? Dünya ermənilərin faşizmə rəğbətini görmürmü? Onda bəs ədalət harada qaldı?

Bəli, ermənidən hər cür alçaqlıq gözləmək olar. Ancaq biz onlara öz dərsimizi veririk və dərsimiz davamlı olaraq gedir. Bütün dünya görür ki, bizim ordumuz nəyə qadirdir. Döyüş yüksəkliyimiz göz qabağındadır və biz öz torpaqlarımızı işğaldan azad edəcəyik, bir qarış da onlarda saxlamayacağıq.

Biz - azərbaycanlılar bir xalq olaraq ədalətin zəfər çalmasını istəyirik. Düşmənə zəhər verən kərtənkələlər heç bir zaman dünya ictimaiyyətinin qınağından kənarda qala bilməyəcəklər.

Mən də bir yazıçı-publisist kimi erməni vandalizminin iç üzünü açan, təbiətin insanlar üçün miras qoyduğu erməni faşizminin yaxın keçmişimizdə alman faşizmi ilə yanaşı getməsini, havadarlarının onları təlxək kimi oynatmalarını, rəzil olmalarını əməlləri ilə sübut edən iblis timsallı varlıqlar kimi öz əsərlərimdə onları kabus kimi, qana susayan vampirlər kimi təsvir etməklə oxucularımda düşmənə nifrət hisslərini gücləndirməyə çalışıram. “Unuda bilmirəm”, “Əhməd” hekayələrimdə, “Tale yolu” romanımda məhz ermənilərin riyakarlığından, etibarsızlığından, düşmənçiliyindən bəhs edirəm. Onu da deyim ki, düşmən düşməndi, nə yaxşısı, nə yamanı?! Əsrlər keçəcək, tarix kitabı vərəqlənəcək, ancaq desələr ki, erməni bizimlə dostdur, inanmayın! Erməni ilə dost olanın dəyənəyi hökmən əlində olmalıdır. Moskvadakı xarici işlər nazirlərinin 11 saatlıq danışıqlarının acı nəticəsi göz qabağındadır. Ermənilər humanitar atəşkəsi pozaraq Gəncə şəhərini iki dəfə raket atəşinə tutdu və dinc sakinlər həlak oldu. Hətta iki körpə ata-anasını itirdi. Bir neçə fidan körpələrimiz də bu dünyaya “əlvida” dedi.

Mən bütün yazarlara müraciət edirəm. Qarabağ və Vətən müharibəsi mövzusunda əsərlər yazın. Qələminizi süngüyə çevirin, çünki bu da təfəkkür fondumuzun bir sahəsidir. Sizin hər bir yazınız döyüşçülərimizə ruh verəcək, onların mübarizliyini və əzmkarlığını daha da artıracaq.

Bu gün tarixi ədalət bərpa olunmalı, Paşinyan və onun əlaltıları cəzasını almalıdır.

Ali Baş Komandan cənab İlham Əliyev müsahibə apardığı müxtəlif xarici jurnalist və qurumların nümayəndələrini öz məntiqi cavabları ilə heyran qoyur. O, ermənilərin təxribatlarını pisləyir, Paşinyanı yaltaq, yalançı, vandal adlandırır. Ali Baş Komandanın strategiyası xalqın ürəyindən xəbər verir və biz yazıçılar da ona öz əsərlərimizlə dəstək veririk. Qoy okeanın o tayında ermənilərin yalağından su içənlər qorxub təşvişə düşsünlər. Çünki bundan sonra onların pul kisələri boş qalacaq, axı müzəffər ordumuz çox yaxınlarda Paşinyana qəbir qazacaq. Qələbəmizə az qalıb. Vətənimizin ağır günlərində Ali Baş Komandanı dəstəkləməyən və xalqdan uzaq düşən, onun qələbələrinə sevinməyən AXCP və onların qaraguruhçuları bizim qələbəmizdən sonra xalqın üzünə görəsən necə baxacaqlar?

Paşinyan dul arvad səviyyəsinə enib. Dul arvadın divarı isə alçaq olar. Ordusu da ona oxşayır. Dovşan kimi döyüşdən qaçırlar. Axı dovşanın gümanı ayaqlarına gələr. Qoy qaçsınlar. Onlar döyüş meydanında uduzurlar.

Ali Baş Komandan deyir: “Qarabağ bizim doğma, əzəli, tarixi torpağımızdır. Erməni xalqı əgər sülh şəraitində yaşamaq istəyirsə, öz hakimiyyətini məsuliyyətə cəlb etsin. Çünki erməni xalqının bədbəxtliyi ondan ibarətdir ki, uzun illər ərzində ona quldur kriminal rejim rəhbərlik edib”.

Bəli, bu gün belə bir rejimə rəhbərlik edən Paşinyanlar qulağı kəsik Andraniklərin davamçılarıdır. Tülkü xislətləri onlara əcdadlarından miras qalıb. Ancaq əcdadları kimlər olub hələ də elmə məlum deyil. Belə yerdə deyirlər ki, atalarından xəbərsizlər...

Dahi A.S. Puşkin ermənilərə çox yaxşı ad qoymuşdu. Bunu bütün bəşəriyyət bilir. Mən sözümü dedim, açması sizdən...

Səyavuş SÜLEYMANLI

Yazıçı-publisist, AYB və AJB-nin üzvü,

“Qızıl Qələm”media mükafatı laureatı, Lənkəran

Azad Azərbaycan.-2020.-20 oktyabr.- S.8.