Bəylər Eyyubov - 70

Bu gün Azərbaycan Respublikası Prezidentinin Təhlükəsizlik Xidmətinin rəisi Bəylər Həsən oğlu Eyyubovun 70 yaşı tamam olur. O, 11 mart 1951-ci ildə Ermənistan SSR-in Vedibasar bölgəsində anadan olub. 2 iyun 2003-cü ildən 16 mart 2020-ci ilə qədər Azərbaycan Respublikası Xüsusi Dövlət Mühafizə Xidməti Rəisinin I müavini - Azərbaycan Respublikası Prezidentinin Təhlükəsizlik Xidmətinin rəisi təyin edilmişdir. 16 mart 2020-ci ildən indiyə kimi isə Azərbaycan Respublikası Prezidentinin Təhlükəsizlik Xidmətinin rəisi vəzifəsində çalışır. Hərbi rütbəsi general-polkovnikdir.

26.12.1998-ci ildə "Azərbaycan Bayrağı" ordeni, 21.08.2010-cu ildə 2-ci dərəcəli "Vətənə xidmətə görə" ordeni, 10.03.2021-ci ildə isə "Şərəf" ordeni ilə təltif olunmuşdur.

Dəyərli dövlət qulluqçusu olan general-polkovnik Bəylər Eyyubov gənclik illərindən başlayaraq bütün həyatı boyunca yorulmadan yüksək rütbəli zabit kimi daim ümummilli lider Heydər Əliyev ideyalarına sadiq olmuş və onun siyasi kursunun ən layiqli davamçısı olan Azərbaycan Prezidenti cənab İlham Əliyevin şəxsi mühafizə xidmətinin rəisi kimi Azərbaycan dövlətinə sədaqətlə xidmət göstərmişdir.

Bəylər Eyyubov öz işinin mahir bilicisidir. O, bu işi peşəkarcasına icra edən bir general olmaqla bərabər, ürəyiyumşaq, səmimi və ədalətli insan, xeyirxah bir şəxsiyyət imici qazanmışdır. Ölkəmizdə müxtəlif peşə sahibləri olan minlərlə insana daim arxa və dayaq durmuş, imkansız və kimsəsiz şəxslərə isə həmişə əl uzatmışdır. Bütün bunlara və təvazökar, səmimi hərəkətlərinə görə ümumrespublika səviyyəsində Bəylər Eyyubov böyük hörmət qazanmış, onun uzunmüddətli səmərəli fəaliyyəti dövlətimiz və xalqımız tərəfindən daim yüksək qiymətləndirilmişdir.

Biz də “Azad Azərbaycan” qəzetinin kollektivi olaraq hörmətli Bəylər Əyyubovu 70 yaşının tamam olması münasibəti ilə ürəkdən və səmimi qəlbdən təbrik edir, ona Ulu Tanrıdan can sağlığı, uzun ömür və xöşbəxtlik arzulayırıq.

Bu münasibətlə Bəylər Eyyubovun eloğlusu, şair, Azərbaycan Yazıçılar və Jurnalistlər Birliyinin üzvü Eldar Həsənlinin yazdığı bir şeri dərc edirik.

SADİQ GENERAL

(General Bəylər Eyyubovun 70 illiyinə ithaf olunur)

Ulu Heydər səni sınadı, bildi,

İgid, qeyrətinə qurbandı canım.

Həyatın boyu qorudun iki dahini

Onlarla fəxr edir Azərbaycanım.

Biri ulu öndər Heydər Əliyev!

Digəri prezident İlham Əliyev!

Şərəflə çalışdın, canını verdin

Xalqın ürəyinə, qəlbinə girdin.

Ədalət uğrunda mübarizədə

Məğrur dayanmısan öz səngərində.

Bir quş uça bilməz səmadan belə,

Qədrini bilirsən hər əsgərin də!

Hesaba gəlməyən, saya gəlməyən

General, Vətəndə xidmətiniz var.

Çəkindirməz sizi doğru yolundan

Çünki qeyrətiniz, cürətiniz var.

General, bu sənin böyüklüyündü,

Xırda təpələrlə sən güləşmədin.

Astarın bir oldu, üzün bir oldu

Heç yerdə, heç zaman ikiləşmədin.

Özün də bilmədən məqamında sən

Baş vurdun dalğaya dənizə gəldin.

Tanrının kölgəsi üzərindədi

Fırtınalı anlarda köməyə gəldin.

Qara qüvvələrin, xəyanətlərin

Vaxtında üstünü açdın, Eyyubov.

Məramın, niyyətin dəyişməz oldu

Sən bircə səmtə əsdin, Eyyubov.

General, üzüağ çıxdın sınaqdan

Alqış, sizdəki o kamala, alqış!

Qiyməti olmayan, sonu olmayan

Mərdliyə alqış, amala alqış!

Necə ki, bu Vətən, bu xalq yaşayır

Sənin xidmətlərin də danılan deyil.

Sizə fikirimiz birmənalıdır

Sizə ümidimiz yanılan deyil.

Ömrünü bu dövlətə həsr eylədin sən

Rahatlıq bilmədi düşüncən, zəkan.

Sənə oğul deyir, ovladım deyir

Azərbaycan adlı böyük bir məkan.

Eldar HƏSƏNLİ,

Azərbaycan Yazıçılar və Jurnalistlər Birliyinin üzvü

Eldar Həsənli.

Azad Azərbaycan.- 2021.- 11 mart.- S.3.