Şərəf dolu tarix yazan
Qəhrəman
44
günlük Vətən müharibəsində Zəfər
tarixmizi yazanlardan olan 21 yaşlı şəhidimizi
tanıyaq: 4 may 1999-cu ildə Sumqayıt şəhərində
zəhmətkeş bir ailədə ailənin ilk övladı
dünyaya gəlir. Hələ uşaqlıqdan yaşıdlarından
seçilən Fərid
hər kəsin sevimlisi və hər bir işdə
fəal, dürüst,
qoçaq oğlan idi. O, uşaqlıqdan vətəninə, torpağına
bağlı idi.
2005-2016-cı illərdə Sumqayıt şəhər
16 saylı tam orta məktəbdə təhsil alır. Müəllimlərin və
sinif yoldaşlarının
sevimlisi idi. 2013-ci ildən bu günə
qədər atası Mirzə və nənəsi Tamara xanım Fəridi və Fuadı böyüdüb, təlim-tərbiyələri
ilə məşğul
olublar. Fərid Tamara nənəyə hər zaman deyirmiş: “Nənə gedib Şuşanı alacam, sənidə ora aparacam…” Fərid Şamilov 2017-ci ilin iyul ayında
həqiqi hərbi xidmətə gedir. Füzulidə - Haramı düzündə N saylı
hərbi hissədə,
ön xətdə xidmətə başlayır.
2019-cu ilin yanvarın
9-da hərbi xidmətdən
qayıdır…
2020-ci ildə
Tovuz döyüşlərindən
sonra könüllü
Səfərbərlik və
Hərbi Xidmətə
Çağırış idarəsinə ərizə
ilə müraciət
edir. 21 sentyabrda çağrılır və
bir müddət Qusar rayonunda təlimlər keçəndən
sonra sentyabrın 27-də
cəbhə bölgəsinə
yollanır. O, Füzuli istiqamətində
gedən döyüşlərdə
şücaətlə vuruşur.
Cəbrayıl, Zəngilan, Xocavənd,
Şuşa, Laçın
rayonları uğrunda
gedən döyüşlərdə
igidlik göstərərək
vətənə layıqincə
xidmət edir. 2020-ci il 8 noyabrdan 9-na keçən gecə Fərid Şamilov Xocavənd rayonunun Qırmızı Bazar qəsəbəsində olur.
Ağır döyüşdə
minamyot atılır. Fərid yaralanır və şəhid Qubad Əliyevlə birgə şəhidlik zirvəsinə ucalır. Fərid Şamilov 10 noyabrda son mənzilə
yola salındı. O da başqa şəhidlərimiz
kimi tarix yazaraq əbədiyyətə
qovuşdu.
Azərbaycan Prezidenti İlham
Əliyev döyüş
əməliyyatlarında iştirak
edərək şəxsi
igidlik və şücaət nümayış
etdirmiş Silahlı Qüvvələrin əsgəri
Şamilov Fərid Mirzə oğlunu ölümündən sonra
“Vətən uğrunda”,
“Xocavəndin azad olunmasına görə” medalları ilə təltif etmişdir.
Şəhidimizin atası Mirzə Şamilov 1993-1997-ci illərdə
I Qarabağ müharibəsinin
döyüşçüsü olmuşdu. Fərid haqqında danışmaq çətin olsa da O bizimlə həmsöhbət oldu: “Son döyüşündən
bir gün öncə mənlə danışıb dedi ki, “Ata sən
ala bilmədin, amma mən aldım
bu torpaqları, Şuşa bizimdır sən narahat olma”. Mərd, saf ürəkli, vətəninə, xalqına
bağlı bir oğlan idi. Fərid uşaq vaxtından böyük düşüncələri ilə
hamının hörmətini
qazanmışdı. Maraqlı
söhbətli, insanlara
canı yanmağı
ilə fərqlənirdi.
Hər kəsə bacardığı köməyi
əsirgəməzdi. Dostlarının,
qohumların sevimlisi idi. Çox inamlı oğlan idi və inanırdı
ki, torpaqlarımızın
azad olunmasında onun da əməyi
olacaq. Fərid bizim xoş xatirələrimizdə qaldı!”
Ailəni ziyarət edərkən 7 yaşlı
Ruslan adlı bir oğlan mənə yaxınlaşaraq
dedi: Mən əmim Fərid Şamilovla fəxr edirəm, ona bir seir də
yazmışam.
Canından can verərək,
Qanından qan verərək.
Zirvələrə ucalan
Mənim əmim Fəriddir.
Vətənimin torpağın,
Hər qarışın, hər dağın,
Qədrini o bilirdi,
Mənim əmim Şəhiddir.
Şəhid əsl igiddir,
O hər kəsə aiddir.
Qəlbimizdə yer edən
Mənim əmim Fəriddir.
Vətən müharibəsinin qəhrəmanları
qürur yerimizdir! Azərbaycan xalqı Şəhidlərimizin
adını daim uca tutacaq. Nur icində yatasan şəhid qardaşım!
Yeganə TELMANQIZI
Azad Azərbaycan.- 2021.- 11 mart.- S.5.