BDU-da elmi əməkdaşlıq
məsələləri
müzakirə olunub
Moskva Dövlət Universitetinin Biofizika kafedrasının müdiri, Rusiya Elmlər Akademiyasının müxbir üzvü, Dövlət mükafatı laureatı, professor Andrey Borisoviç Rubin BDU-da olub. Rusiyalı qonaqla görüşündə BDU haqqında ətraflı məlumat verən rektor, akademik Abel Məhərrəmov universitetin yaranma və inkişaf tarixindən, əsasən bu təhsil ocağının beynəlxalq əlaqələrindən bəhs edib. Bildirilib ki, BDU dünyanın aparıcı təhsil ocaqları ilə yanaşı, Rusiya Federasiyası universitetləri, o cümlədən Moskva Dövlət Universiteti ilə səmərəli ikitərəfli əlaqələr qurub. Nanotexnologiya və innovasiyadan danışan rektor, MDU alimlərinin bu sahədəki təcrübələrini azərbaycanlı alimlərlə bölüşdüyünü, səmərəli və birgə işbirliyi alındığını qeyd edib.
Qonaq da, öz növbəsində, Bakı
Dövlət Universitetinin elm və təhsildə
böyük nailiyyətlər əldə
etdiyini,
əlaqələrin daha səmərəli və sıx olmasında maraqlı olduğunu nəzərə
çatdırıb.
BDU-nun Mətbuat və informasiya şöbəsi
Azərbaycan
müəllimi.- 2010.- 3 dekabr.- S.1.