İnnovasiya yönümlü
iqtisadi inkişafın
problemləri və bunların
həlli yolları
Azərbaycan müstəqillik yollarında
müxtəlif istiqamətlərdə
uğurlar qazanır, dünya təcrübəsindən
bəhrələnməklə sosial, mədəni və iqtisadi yönlü problemlərin
həllinə nail olur.
Sumqayıt Dövlət Universiteti və Azərbaycan MEA-nın İqtisadiyyat İnstitutunun birgə keçirdikləri "Azərbaycan
Respublikasında innovasiya
yönümlü iqtisadi
inkişafın problemləri
və onların həlli yolları" mövzusunda konfrans bu baxımdan çox aktual bir mövzuya həsr olunmuşdu.
Noyabrın 30-da SDU-nun kiçik
akt zalında keçirilmiş konfransı
giriş sözü ilə ali
məktəbin rektoru,
professor N.Qəhrəmanov açmışdır.
Respublika elmi konfransına SDU, AMEA-nın
İqtisadiyyat İnstitutu,
Azərbaycan Elmi-Tədqiqat
Kənd Təsərrüfatının
İqtisadiyyatı və
Təşkili İnstitutu,
Azərbaycan Dövlət
Aqrar Universiteti, Azərbaycan Dövlət Neft Akademiyası, Azərbaycan Dövlət İqtisad Universiteti, Bakı Dövlət Universiteti, Naxçıvan
Dövlət Universiteti,
Qafqaz Universiteti və başqa ali məktəblərdən
105 tezis daxil olmuşdur.
Ayrı-ayrı bölmələrdə
A.Muradov, R.Abdullayeva və M.Rizayevanın (AMEA-nın İqtisadiyyat İnstitutu), M.Pənahəliyeva,
Q.Hüseynov, B.Orucəliyeva
(SDU), U.Mansurov və B.Əhmədov (ADİU), H.Aslanov
(BDU), F.Cəfərov (AMİU), C.Kərimov (ADNA) və başqalarının məruzələri
maraqla qarşılanmışdır.
Konfransın təşkilindən razı qalan müxtəlif ali məktəb və elmi-tədqiqat institutlarının nümayəndələri 2012-ci ildə SDU-da müvafiq iqtisadi yönlü konfransın beynəlxalq səviyyədə keçirilməsi üçün geniş imkanlar olduğunu qeyd etmişlər. İştirakçılar belə bir təkliflə təşkilat komitəsinə yazılı müraciət qəbul etmişlər.
Konfransın yekun iclasında elmi işlər üzrə prorektor,
professor Y.Hüseynov iştirak
edib, ümumiləşdirmə
aparmışdır.
Ş.MƏMMƏDOV
Azərbaycan
müəllimi.- 2010.- 10 dekabr.- S.5.