Azərbaycanın Milli Qəhrəmanları
Məhərrəmov Səxavət
Ələmdar oğlu
1973-cü il dekabrın 5-də Qərbi Azərbaycanın Amasiya rayonunun Qaraçanta kəndində anadan olub. Məlum səbəblərdən ailə üzvləri ilə birlikdə Gürcüstana köçüb. Bir müddət orada yaşadıqdan sonra onlar Bakının Lökbatan qəsəbəsinə pənah gətirib. Səxavət 1990-cı ildə qəsəbədəki 106 nömrəli orta məktəbi bitirdikdən sonra 1 nömrəli Təmir- Tikinti İdarəsində əmək fəaliyyətinə başlayıb. 1991-ci ilin noyabrında isə könüllü olaraq əvvəlcə daxili qoşunlarda, sonra yenicə yaranmış Milli Ordu sıralarında hərbi xidmətə başlayıb. O,bir çox döyüşlərdə rəşadət nümayiş etdirib. 1992-ci il iyunun 27-də Ağdərənin Möhrədağ kəndi uğrunda gedən döyüşdə erməni işğalçılarına dağıdıcı zərbələr endirib.
S.Məhərrəmov elə həmin döyüşdə düşmən gülləsinə tuş gələrək, qəhrəmancasına həlak olub.
Subay idi.
Azərbaycan Respublikası Prezidentinin 6 noyabr 1992-ci il tarixli 290 nömrəli Fərmanı ilə Məhərrəmov Səxavət Ələmdar oğlu ölümündən sonra Azərbaycanın Milli Qəhrəmanı adına layiq görülüb.
Bakı şəhərində Şəhidlər xiyabanında dəfn olunub. Lökbatan qəsəbəsindəki 106 nömrəli orta məktəb onun adını daşıyır. Məktəbin dəhlizində büstü qoyulub.
Məcidov Eldar Tofiq oğlu
1965-ci il avqustun 26-da Bakı şəhərində anadan olub. 1982-ci ildə paytaxtdakı 52 nömrəli orta məktəbi bitirib. Elə həmin il Azərbaycan Rəssamlar İttifaqının Bədii Fondunda işə düzəlib. 1983-cü ildə hərbi xidmətə çağırılıb. Eldar 1985-ci ildə hərbi xidmətini Almaniyada başa çatdıraraq, Vətənə qayıdıb. Bir müddət sonra-1992-ci ildə Qarabağ bölgəsinə cəbhəyə getməyi qərara alıb. O, 776 nömrəli hərbi hissədə PDM-ə komandir təyin edilib. Beləliklə də onun şərəfli döyüş yolu başlanıb.
E.Məcidov 1992-ci il mayın 15-də Şuşanın Zarıslı kəndində erməni işğalçılarına qarşı gedən ağır döyüşlərdə qəhrəmanlıq nümayiş etdirir, sağ ayağından güllə yarası alır, çoxlu qan itirdiyindən onun həyatını xilas etmək mümkün olmur.
Ailəli idi. Bir övladı var.
Azərbaycan Respublikası
Prezidentinin 16 sentyabr
1994-cü il tarixli 202 nömrəli Fərmanı ilə Məcidov Eldar Tofiq oğlu ölümündən sonra
Azərbaycanın Milli
Qəhrəmanı adına
layiq görülüb.
Bakı şəhərində Şəhidlər
xiyabanında dəfn olunub. Yaşadığı binanın önünə
xatirə lövhəsi
vurulub.
Məcidov Zakir Nüsrət oğlu
1956-cı il iyunun 26-da Neftçala rayonunun Həsənabad qəsəbəsində anadan
olub. Orta təhsilini 70 nömrəli
məktəbdə alıb.
1974-cü ildə
Z.Məcidov həmin
zonada düşmən
atəşinə tuş
gələrək, ekipajla
birlikdə qəhrəmancasına
həlak olub.
Ailəli idi. Bir övladı var.
Azərbaycan Respublikası
Prezidentinin 14 sentyabr
1992-ci il tarixli 204 nömrəli Fərmanı ilə Məcidov Zakir Nüsrət oğlu ölümündən sonra
Azərbaycanın Milli
Qəhrəmanı adına
layiq görülüb.
Bakı şəhərində Şəhidlər
xiyabanında dəfn olunub.
Mirabov Rəşad
Akif oğlu
1975-ci il mayın 3-də Mingəçevir
şəhərində anadan
olub. Mingəçevir
şəhər 7 nömrəli
orta məktəbdə
doqquzillik təhsilini başa çatdırdıqdan
sonra atasının çalışdığı M. Davudova adına
Mingəçevir Dövlət
Dram Teatrında dərzi
köməkçisi işləməyə
başlayıb. 1993-cü il
mayın 12-də Milli
Ordu sıralarına çağırılaraq, əvvəlcə
Nasosnıda, sonra Səngəçalda və
Şubanıda hərbi
təlim keçib. Hərbi xidmətdə isə xüsusi təyinatlı hissədə kəşfiyyatçı
- minaaxtaran peşəsinin
sirlərinə yiyələnib.
1994-cü ildə Tərtər bölgəsinə,
oradan da Füzuliyə göndərilib.
Atəşkəs elan olunduqdan
sonra o, Murova, oradan da Bakıya
-vaxtilə xidmət etdiyi sahəyə qayıdıb.
R.Mirabov 1995-ci ildə mart hadisələri
zamanı qiyamçılara
qarşı aparılan
əməliyyatda iştirak
edərkən qəhrəmancasına
həlak olub.
Subay idi.
Azərbaycan Respublikası
Prezidentinin 4 aprel
1995-ci il tarixli 307 nömrəli Fərmanı ilə Mirabov Rəşad Akif oğlu ölümündən sonra
Azərbaycanın Milli
Qəhrəmanı adına
layiq görülüb.
Mingəçevir şəhərində Şəhidlər
xiyabanında dəfn olunub. Təhsil aldığı 7 nömrəli orta məktəb onun adını daşıyır.
Məktəbin qarşısında büstü qoyulub.
Mirzəyev Yusif Vəli oğlu
1958-ci il mayın 23-də Babək rayonunun Böyükdüz
kəndində anadan olub. 1975-ci ildə İ.Səfərli adına Naxçıvan
şəhər orta məktəbini bitirib. 1976-cı ildə Naxçıvan rabitə qovşağında əmək
fəaliyyətinə başlayıb.
İşləyə-işləyə Azərbaycan Dövlət Xalq Təsərrüfatı
İnstitutunda ali təhsil alaraq, Bakıdakı banklardan birində müfəttiş vəzifəsinə
təyin olunub.1988-ci ildə
xalq hərəkatına
qoşulub. 1991-ci ilin sonlarında könüllü olaraq Qarabağa - cəbhə bölgəsinə yollanıb.
Yusifin
ilk döyüş yolu
Ağdərə-Goranboy istiqamətində
başlayıb. Ağdərədə 17 kəndin alınmasında
onun müstəsna xidmətləri olub.
Y.Mirzəyev 1993-cü il fevralın 19-da Ağdərədə gedən
qeyri-bərabər döyüşdə
yoldaşlarını mühasirədən
çıxararkən qəhrəmancasına
həlak olub.
Ailəli idi. Bir övladı var.
Azərbaycan Respublikası
Prezidentinin 27 mart 1993-cü il tarixli
495 nömrəli Fərmanı
ilə Mirzəyev Yusif Vəli oğlu ölümündən
sonra Azərbaycanın
Milli Qəhrəmanı
adına layiq görülüb.
Naxçıvan şəhərində Şəhidlər
xiyabanında dəfn olunub. Naxçıvan şəhərindəki məktəblərdən birinə
və Bakının Nəsimi rayonundakı 44 nömrəli orta məktəbə onun adı verilib, məktəbin qarşısında
büstü qoyulub.
Milli Qəhrəmanlar
Beynəlxalq İnformasiya
Mərkəzinin materialları
əsasında
hazırladı: Ədalət
DAŞDƏMİRLİ
Azərbaycan
müəllimi.- 2010.- 17 dekabr.- S.11.