Doktorantların və gənc tədqiqatçıların XV
Respublika elmi konfransının yekunları
barədə
Azərbaycan Respublikası
təhsil nazirinin əmri
Təhsil Nazirliyinin
10 mart 2010-cu il tarixli,
288 nömrəli əmrinə
əsasən 2010-cu il
9-10 dekabr tarixlərində
Təhsil Nazirliyinin təşkilatçılığı ilə Bakı Dövlət Universitetində
Doktorantların və
gənc tədqiqatçıların
XV Respublika elmi konfransı keçirilmişdir.
Konfransın keçirilməsi
məqsədilə təhsil
nazirinin sədrliyi ilə Təşkilat Komitəsi, "Ən yaxşı məruzəyə
görə" akademik
Şəfaət Mehdiyev
adına mükafat uğrunda müsabiqənin keçirilməsi
üçün münsiflər
heyəti yaradılmışdır.
Konfransın bölmələrinə
rəhbərlik görkəmli
alimlərə həvalə
edilmişdir.
Elmi konfranslar doktorantların və gənc tədqiqatçıların elmi tədqiqat işinə marağının artırılması, onların elmi səviyyəsinin yüksəldilməsi, aldıqları elmi nəticələrin müzakirə edilməsi və elmi fikir mübadiləsinin aparılması üçün imkan yaradır. Buna dörə də Təhsil Nazirliyinin tədbirləri arasında doktorantların və gənc tədqiqatçıların respublika elmi konfransının xüsusi yeri vardır. Bu konfrans Təhsil Nazirliyi tərəfindən müntəzəm olaraq hər il keçirilir.
Son vaxtlar elmi konfranslara maraq xeyli çoxalmışdır ki, bu da dövlətin elm sahəsinə olan qayğısının artması ilə bağlıdır.
Doktorantların və gənc tədqiqatçıların XV Respublika elmi konfransının Təşkilat Komitəsinə 20 ali məktəbdən 401 məruzə tezisi təqdim olunmuş və həmin məruzələrin adları proqrama daxil edilmişdir. XIV konfransa nisbətən XV konfransda iştirak etmək istəyənlərin sayı 100 nəfər artmışdır. Bu, gənclərin elmə həvəsinin artması və bu konfransa olan rəğbətin çoxalması kimi qiymətləndirilə bilər.
2010-cu ilin
aprel ayında Azərbaycan Respublikası
Prezidentinin yanında
Ali Attestasiya Komissiyası
tərəfindən dissertasiyaların
əsas elmi nəticələrinin dərc
olunması tövsiyə
edilən elmi nəşrlərin siyahısı
təsdiq edilmişdir. Həmin siyahıya
Təhsil Nazirliyinin təşkilatçılığı ilə keçirilən doktorantların və gənc tədqiqatçıların
respublika elmi konfranslarının materialları
da daxil edilmişdir.
Bunu nəzərə alaraq konfransın səviyyəsinin
yüksəldilməsi məqsədilə
tədbirlər görülmüş,
tezislərə qoyulan
tələblər ciddiləşdirilmişdir. Tezislərin həcmi
1 vərəqdən 3 vərəqə
qədər artırılmış,
mətnin sonunda istifadə edilən ədəbiyyat siyahısının
və iki dildə xülasənin verilməsi zəruri sayılmışdır.
Konfransın daha səmərəli keçməsi üçün
son illər müəyyən
addımlar atılmışdır. Belə ki,
gənc tədqiqatçılarda
elmə həvəsi stimullaşdırmaq məqsədilə
2008-ci ildən başlayaraq
konfransda fəal iştirak edənlərə
Təhsil Nazirliyinin sertifikatları verilir,
2009-cu ildə sertifikatlarla
yanaşı, konfrans bölmələrinin qərarlarına
əsasən 5 tədqiqatçı
"Ən yaxşı
məruzəyə görə"
noutbukla mükafatlandırılmışdır.
Konfransın materialları
çap olunaraq konfrans iştirakçılarına
təmənnasız paylanılmışdır.
Təşkilat Komitəsinin qərarına
əsasən növbəti
XV konfransda da fəal iştirak edən tədqiqatçılara
Təhsil Nazirliyinin sertifikatlarının təqdim
olunması nəzərdə
tutulmuşdur. Bundan əlavə, "Akademik Ş.F.Mehdiyevin 100 illik yubileyinin keçirilməsi haqqında"
Azərbaycan Respublikası
Prezidentinin 8 noyabr
2010-cu il tarixli Sərəncamının icrasını
təmin etmək məqsədilə Təhsil
Nazirliyi, Ekologiya və Təbii Sərvətlər Nazirliyi
və Azərbaycan Milli Elmlər Akademiyası konfransda
"Ən yaxşı
məruzəyə
görə" akademik
Şəfaət Mehdiyev
adına 3 mükafatın
verilməsi barədə
birgə qərar qəbul etmişdir. Konfransda fəal iştirak edən tədqiqatçılar bölmə
rəhbərləri tərəfindən,
mükafata layiq görülən məruzələr
isə Təhsil Nazirliyinin yaratdığı
Münsiflər heyəti
tərəfindən seçilmişdir.
Cari ilin 9-10 dekabr tarixlərində keçirilmiş Doktorantların və gənc tədqiqatçıların XV Respublika elmi konfransının 21 bölməsində 309 məruzə dinlənilmiş və müzakirə edilmişdir. Bölmələrdə öz elmi işinin aktuallığı, yeniliyi və mövzunu auditoriyaya çatdırmaq bacarığı ilə fərqlənən 57 məruzəçiyə Təhsil Nazirliyinin sertifikatları təqdim edilmişdir. Münsiflər heyətinin qərarına əsasən 3 iştirakçi "Ən yaxşı məruzəyə görə" akademik Şəfaət Mehdiyev adına mükafata layiq görülmüşlər (Rüstəmova Gülay Mirzəbəy qızı - BDU, Hacıyeva Afaq Zakir qızı - BDU, Yusifova Könül Əbülfəz qızı - BDU).
Təşkilat Komitəsinin qərarına əsasən konfransda dinlənilmiş və bölmə sədrləri tərəfindən nəşrə layiq görulmuş məruzə tezisləri Doktorantların və gənc tədqiqatçıların XV Respublika elmi konfransının materiallarına daxil edilərək nəşr olunacaqdır.
Bakı Dövlət Universitetinin rəhbərliyi tərəfindən
konfransın keçirilməsi
üçün yüksək
səviyyədə şərait
yaradılmış və
lazımi tədbirlər
operativ şəkildə
həyata keçirilmişdir.
Konfransın təşkilində
və keçirilməsində
aşağıdakı problemlər
qeyd edilməlidir: bəzi ali
məktəblərin konfransda
iştirak fəallığı
aşağıdır, tezislərini
təqdim etmiş tədqiqatçıların bir
qismi konfransda iştirak etmədi, doktorantların elmi rəhbərləri bölmələrin
işində əsasən
iştirak etmədi, tədqim olunan bəzi tezislərin ciddi redaktəyə ehtiyacı var və s.
Qeyd olunanları nəzərə alaraq
ƏMR EDİRƏM:
1. Azərbaycan Respublikasının Təhsil Nazirliyi tərəfindən təşkil edilən və ənənəvi olaraq doktorant və gənc tədqiqatçılar üçün keçirilən respublika elmi konfranslarının yüksək ixtisaslı elmi və elmi-pedaqoji kadrların hazırlanmasına və istedadlı gənclərin aşkar edilməsinə müsbət təsiri qeyd edilsin.
2. Konfransın işində fəal iştirak etmiş tədqiqatçılara Təhsil Nazirliyinin sertifikatlarının verilməsi müsbət hal sayılsın.
3. Doktorantların və gənc tədqiqatçıların XV Respublika elmi konfransının bölmələrinin işinin təşkilində və keçirilməsində səmərəli fəaliyyət göstərdiklərinə görə bölmə rəhbərlərinə (siyahı əlavə olunur) Təhsil Nazirliyinin təşəkkürü elan edilsin.
4. Doktorantların və gənc tədqiqatçıların XV Respublika elmi konfransının Bakı Dövlət Universitetində keçirilməsi üçün təşkilati işləri yüksək səviyyədə həyata keçirdiklərinə görə həmin universitetin rektoru, akademik Abel Məhərrəmova və elmi işlər üzrə prorektoru, professor İsmayıl Əliyevə Təhsil Nazirliyinin təşəkkürü elan edilsin.
5. Ali təhsil
müəssisələrinin rektorlarına tövsiyə
edilsin:
5.1. Elmi tədqiqat
və dissertasiya işlərinin aktuallığının
yüksəldilməsi istiqamətində
müntəzəm iş
aparılsın;
5.2. Növbəti konfrans
keçiriləndə konfransın
bölmələrində doktorant
və tədqiqatçıların
elmi rəhbərlərinin,
elmi işlər üzrə prorektorların,
müvafiq ixtisaslar üzrə professor-müəllim
heyətinin geniş iştirakı təmin edilsin;
5.3. Konfransa təqdim
ediləcək məruzə
tezisləri kafedralarda
müvafiq ekspertizadan keçirilsin və redaktə olunduqdan sonra Təşkilat Komitəsinə təqdim edilsin.
6. Təhsil
Nazirliyinin İqtisadiyyat
şöbəsinə (Ş.Əliyev)
tapşırılsın:
6.1. "Ən yaxşı
məruzəyə görə"
akademik Şəfaət
Mehdiyev adına
mükafatların qaliblərə
təqdim olunması üçün iki mükafatın məbləğinin
(hər biri 500 manat) ayrılmasını
təmin etsin.
7. Təhsil
Nazirliyinin Elm şöbəsinə
(G.Hüseynova) tapşırılsın:
7.1. Doktorantların və
gənc tədqiqatçıların
XVI Respublika elmi konfransının keçirilməsi
haqda təkliflər hazırlanıb 15 yanvar 2011-ci il tarixə qədər nazirliyin rəhbərliyinə
təqdim etsin.
8. İctimaiyyətlə
əlaqə şöbəsinin
müdiri (B.Hüseynzadə)
əmrin "Azərbaycan
müəllimi" qəzetində,
"Təhsil xəbərləri"
məcmuəsində dərc
edilməsini və nazirliyin İnternet səhifəsində yerləşdirilməsini
təmin etsin.
9. Ümumi
şöbə (H.Məhərrəmova)
əmrin çoxaldılıb
ali təhsil
müəssisələrinə çatdırılmasını təmin etsin.
10. Əmrin
icrasına nəzarət
təhsil nazirinin müavini İ.Hüseynovaya
həvalə edilsin.
Misir MƏRDANOV,
Azərbaycan Respublikasının
təhsil naziri
20 dekabr
2010-cu il
Azərbaycan
müəllimi.- 2010.- 24 dekabr.- S.2.