Öyrədənlər öyrədilir
Masallı şəhər 4 nömrəli
(Digah) tam orta məktəbində məktəb
direktorları, qabaqcıl
müəllimlər və
təhsil işçilərinin
iştirakı ilə
treninq-seminar keçirilib. Dekabrın 15-dən
25-dək davam edəcək
seminar-treninqdə 31 nəfər
təhsil işçisi
aldıqları bilikləri
rayonda təşkil edilmiş dayaq məntəqələrində müəllimlərə
çatdırıb.
Seminar-treninqin
birinci günü iştirakçılar DVD-də
yazılmış bir
nümunəvi dərsə
baxıblar. Sonra dərsin müxtəlif parametrlər üzrə təhlili keçirilib.
Seminar iştirakçıları
öz təcrübələrindən
də danışıb,
fikir mübadiləsi aparıblar. RTŞ-ın metodisti Hüseyn Hüseynov bildirib ki, belə iş
metodu müəllimlərin
fəallığını, qabaqcıl təcrübənin
tətbiqini təmin edir.
Şəhər 3 nömrəli orta məktəbin sinif müəllimi Sevinc Quliyeva seminar-treninqin gedişindən razı qaldığını bildirib.
On gün
davam edən seminar-treninqi Təhsil Nazirliyinin aparıcı məsləhətçisi Afət
Süleymanova və
AMİ-nin əlavə
təhsilə xidmət
edən kabinetinin müdiri Xuraman Nağızadə aparıblar.
Tədbirdə çıxış edən A.Süleymanova bildirmişdir ki, on gün ərzində rayon təhsil işçiləri "Müasir təhsillə bağlı yanaşmalar", "Fənn kurikulumlarının strukturu və məzmunu", "Fənn kurikulumları və yeni təlim strategiyaları", "Təlimin planlaşması", "Yeni qiymətləndirmə sisteminin tətbiqi", "Yeni dərsliklərlə işin xüsusiyyətləri", "Dərslərin klinik müşahidəsi və təhlili", "Müdavimlərin hazırladığı dərslərin nümayişi", "İslahatın həyata keçirilməsində təhsil işçilərinin məsuliyyət və vəzifələri" mövzuları ilə yaxından tanış olub, praktik olaraq tapşırıqlar icra edərək öyrəndikləri nəzəri məsələlərin tətbiqinə nail olublar. Təlim kursunun sonunda müdavimlər hazırlanmış test və praktik tapşırığı yerinə yetirməklə on gün ərzində əldə etdikləri bilik və bacarıqlarını nümayiş etdiriblər.
Bütün bunlar hazırlanmış təlimçilərin zonalar üzrə müəyyən olunmuş istinad məktəblərinə təhkim edilərək ərazidə yerləşən digər məktəblərin təhsil işçilərinə fənn kurikulumlarının tətbiqi istiqamətində metodiki xidmətin həyata keçirilməsini təmin etmək məqsədi daşıyır.
RTŞ-ın böyük
məsləhətçisi Soltanağa Cəfərov,
S.Rəhimov adına Köçərli kənd
orta məktəbinin dil-ədəbiyyat müəllimi,
qabaqcıl təhsil işçisi Qəni Qəniyev, şəhər
4 nömrəli məktəbin
direktoru Nailə Əsədullayeva, Xıl kənd tam orta məktəbin dərs hissə müdiri Vəfadar Hüseynov
seminar-treninqi yüksək
səviyyədə keçirdiklərinə
görə A.Süleymanovaya,
X.Nağızadəyə minnətdarlıqlarını
bildirdilər.
Bəhram YAQUBOV
Azərbaycan müəllimi.- 2010.- 24 dekabr.- S.24.