Müasir texnologiyaların
təqdimatı
Naxçıvan
Dövlət Universitetində yeni elektron mühafizə
sisteminin və virtual tədris üçün müasir avadanlıqların təqdimatı
keçirilmişdir.
Universitetin
rektoru, akademik İsa Həbibbəyli son illər bu ali məktəbdə
müasir informasiya-kommunikasiya texnologiyalarının tətbiqinin
uğurlu bəhrələrindən
danışmışdır. Qeyd olunmuşdur ki, 110
hektarlıq universitet ərazisini əhatə edən Wi fi kampus İnternet şəbəkə
sistemi virtual əməkdaşlıq üçün geniş
imkanlar açmışdır. Ənənəvi "Elektron
Naxçıvan" proqramı, çoxsaylı
videokonfranslar, universitetin dünyanın elm, təhsil sisteminə
inteqrasiyası, inkişafı istiqamətində atılan
mühüm addımlardır.
İnformasiya-kommunikasiya
texnologiyaları şöbəsinin müdiri Xaliq Babayev yeni
elektron mühafizə sistemi və "polyjom HDX 8000"
markalı İnternet konfrans kamerası haqqında ətraflı
məlumat vermişdir. Bildirilmişdir ki, server otağından
mərkəzləşdirilmiş şəkildə idarə
olunan, bütün tədris korpuslarında
quraşdırılmış kameralardan ibarət mühafizə
sistemi təhlükəsizliyin təminatı və
nizam-intizamın daha da möhkəmləndirilməsi
üçün nəzərdə tutulmuşdur.
İnternet
konfrans kamerası isə virtual dərslərin təşkilində
istifadə olunacaq ən müasir texnologiyadır. 4 mbt. sürəti
olan kamera vasitəsilə eyni zamanda 4 məkanla bağlantı
qurmaq mümkündür. Yüksək audiovizual keyfiyyəti və
yaddaş tutumu olan kameranın 9 m. məsafədən səs
qeydə almaq, telefona qoşulmaq, qarşı tərəfdən
də idarə olunmaq imkanları var.
Mehriban SULTAN
Azərbaycan müəllimi.-
2010.- 31 dekabr.- S.10.