Pedaqoji kollektivin sevinci
Bakıdakı 5
nömrəli orta məktəb
ölkəmizdə gedən təhsil
islahatının yeniləşmə prosesindən kənarda
qalmayıb. 700 şagird
üçün
nəzərdə tutulan
məktəbin əsası 1970 -ci ildə qoyulub. Məktəbimiz ixtisaslı müəllimlərlə
tam təmin olunub. Onlardan 1 nəfər
əməkdar müəllim, 2 nəfər 2008-2009-cu dərs
ilində "Ən yaxşı müəllim" adına layiq görülüb.
2009-2010-cu dərs ilində rəhbərlik
etdiyim təhsil ocağı "Ən yaxşı ümumtəhsil
məktəbi" müsabiqəsinin qalibi
olub.
Bu gün məktəbin fəaliyyət planı və idarə
olunması demokratik prinsiplər əsasında qurulur. Məktəbin metodiki şurası
ayrı-ayrılıqda təqvim planlarının
qurulmasında, Milli Kurikulumun, İKT-nin dərslərdə tətbiqində,
müəllimlərin innovasiya fəaliyyətinin
artırılmasında və fənlər üzrə
monitorinqlərin aparılmasında mühüm rol oynayır. Məktəbimizdə
bütün pedaqoji şura və valideyn iclasları müasir
texnologiyalar vasitəsi ilə həyata
keçirilir. Pedaqoji şuralarda təhsillə bağlı
bir sıra məsələlərin müzakirəsi ilə
yanaşı, qabaqcıl müəllimlərin iş təcrübəsinin
yayılması da ənənə halını alıb.
Hazırda 5 nömrəli orta məktəbdə
şagirdlərin vətənpərvərlik ruhunda tərbiyə
olunması və Azərbaycan dövləti üçün hərtərəfli
inkişaf etmiş şəxsiyyət kimi
formalaşdırılması istiqamətində ciddi
addımlar atılır. Bu məqsədlə təhsil
ocağında özündə milli və vətənpərvərliyimizi əks etdirən müxtəlif sərgilərin keçirilməsinə
geniş yer verilir. Məktəbin "Cəsurlar" və
"Şahin" hərbi idman komandası Bakı zona turnirində
müxtəlif nominasiyalar üzrə qalib yerləri tutub.
Qəbul imtahanlarında 500-700
arasında bal toplayan şagirdlərin göstəriciləri
ürəkaçandır.Məktəb rəhbərliyi
şagirdlərin buraxılış imtahanlarına
hazırlıq mərhələsini də diqqət mərkəzində
saxlayır, fənlər üzrə monitorinq və qiymətləndirmə
aparır, nəticələr təhlil edilərək
nöqsanların aradan qaldırılması sahəsində
geniş işlər görülür.
Təhsil islahatının vacib tərkib hissələrindən biri də valideynlərin məktəb həyatında rolunu artırmaqdır. Bununla əlaqədar
valideynlərin rəy və təkliflərini qəbul edib
operativ həll etmək üçün elektron poçtumuz və
İnternetdə veb-sayt səhifəmiz fəaliyyət göstərir.
2010-cu ilin "Ekologiya ili" elan edilməsi
ilə əlaqədar cari dərs ilində pedaqoji kollektivimiz
valideynlər və ictimaiyyətin birgə nümayəndələri
ilə yaşıllaşdıma kampaniyası həyata
keçirmiş və məktəbyanı sahədə 300-ə
yaxın şam ağacı əkilmişdir.
Qarşıdan Yeni il gəlir, arzularımız tükənməzdir.
Mən rəhbərlik etdiyim
pedaqoji kollektiv adından bütün təhsil işçilərini
Dünya Azərbaycanlılarının Həmrəylik
Günü və Yeni il münasibətilə təbrik edirəm. Arzu edirəm ki,
2011-ci il xalqımız üçün daha uğurlu il olsun!
Nərminə
GÜNDÜZLÜ
Azərbaycan
müəllimi.- 2010.- 31 dekabr.- S.13.