ADPU-da aspirant, doktorant və dissertantların müşavirəsi keçirilib

Azərbaycan Dövlət Pedaqoji Universitetində aspirant, doktorant və dissertantların iştirakı ilə müşavirə keçirildi. Müşavirədə tədqiqatçıların elmi rəhbərləri, fakültə dekanları, kafedra müdirləri və professor-müəllim heyəti iştirak edirdilər.

Tədbiri giriş sözü ilə ADPU-nun aspirantura və doktorantura şöbəsinin müdiri, professor İbrahim Bayramov açaraq aspirant və gənc tədqiqatçıların illik hesabatları və onların il ərzində gördükləri işlər haqqında məlumat verdi. Universitetin professorlarından Həsən Mirzəyev, Əbdül Əlizadə, Himalay Qasımov və başqaları rəhbərlik etdikləri tədqiqatçıların fəaliyyətindən və onların elmə gətirdikləri yeniliklərdən söz açdılar.

Sonda ADPU-nun elmi işlər üzrə prorektoru, professor Vilayət Əliyev müşavirədə gənc tədqiqatçıları və müəllimləri maraqlandıran suallara cavablar verdi. Aspirant, doktorant və dissertantların, onlara təyin olunmuş elmi rəhbərlərin qarşılarında duran vəzifələrdən danışdı.

Ş.CƏFƏROV

Azərbaycan müəllimi.-2010.-5 fevral.-S.2.