Şəmkir rayonunda daha üç məktəb binası tikilir

Rayon təhsil şöbəsindən aldığımız məlumatda bildirilir ki, son illərdə respublikamızın bütün bölgələrində olduğu kimi, Şəmkir rayonunda da 3 yeni məktəb binasının tikintisi sürətlə davam edir. Hazırda rayonun Səməd Vurğun adına Təzəkənd orta məktəbi üçün 960 yerlik məktəb binasında son işlər başa çatmaqdadır. Heydər Əliyev Fondu hesabına tikilən 880 yerlik Dəllər qəsəbə orta məktəb binasının dam örtüyündə görülən işlər isə tamamlanmaq üzrədir.

Həmçinin Təhsil Nazirliyinin sifarişi əsasında tikilən 960 yerlik Zəyəm Cırdaxan 1 nömrəli orta məktəbinin tikintisində də işlər davam edir. Bir sözlə, Şəmkir rayonunda inşa edilən üç məktəb binasının yeni tədris ilinədək şagirdlərin ixtiyarına verilməsi nəzərdə tutulub.

Azərbaycan müəllimi.-2010.-12 fevral.-S.5.