Finala vəsiqə

Aysun Bədəlova Ağcabədi şəhər 2 nömrəli orta məktəbin IV sinfində oxuyur. Şahmatı çox sevdiyi üçün 2007-ci ildən rayonun Uşaq-Gənclər Şahmat Məktəbində məşğul olur. Burada keçirilən təlim məşqlərində həmişə fəallıq göstərir. Elə bunun nəticəsidir ki, Aysun 2009-cu il 7-17 dekabr tarixlərində Astara şəhərində keçirilmiş Dünya Azərbaycanlılarının Həmrəylik Gününə həsr olunmuş Açıq Respublika Şahmat turnirində III yerə, 2010-cu il 1-10 fevral tarixlərində Bakı şəhərində keçirilmiş 2 Fevral - Gənclər Gününə həsr olunmuş şahmat turnirində II yerə, 2010-cu il 9-18 mart tarixlərində isə Saatlı rayonunda keçirilmiş uşaq-gənclər şahmat məktəbləri komandalarının respublika birinciliyinin zona yarışında II yeri tutaraq finala vəsiqə qazanıb.

Azərbaycan müəllimi.- 2010.- 18 iyun.- S.8.