Ədəbi-bədii kompozisiya

Bu günlərdə Bakıdakı 124 nömrəli orta məktəbin VII "C" sinif şagirdləri C.Cabbarlının anadan olmasının 111 illiyi münasibətilə ədəbi-bədii kompozisiya keçirdilər. Tədbirdə böyük sənətkarın həyat və yaradıcılığına bir daha nəzər salındı.

Şagirdlərdən Aygünün söylədiyi "Ana", Nərgizin ifa etdiyi "Mən bir susmaz duyğuyam" və başqa şeirlər maraqla qarşılandı. "Tellər oynadı", "Ölkəm" mahnılarını Sona, Nərgiz və Nəzrin məharətlə ifa etdilər.

Tədbirdə habelə C.Cabbarlının "Sevil" pyesindən və bir neçə dram əsərindən fraqmentlər təqdim olundu. Şagirdlərdən Xəyal, Arzu, Tural, Elmin, Kamran, Seyran və başqaları da maraqlı çıxışları ilə yadda qaldılar.

Sonda tədbiri hazırlayan VII "C" sinfinin rəhbəri Ofelya Baxşəliyeva, məktəbin tərbiyə işləri üzrə direktor müavini Sevinc Atayeva və başqaları C.Cabbarlı yaradıcılığından söz açdılar.

Zülfiyyə NİFTALIYEVA

Azərbaycan müəllimi.- 2010.- 28 may.- S.23.