Strasburqda keçirilən təlimlərdə
Azərbaycan təhsili haqqında qısa təqdimat etdim
Müasir dövrdə hərtərəfli
inkişaf etmiş şəxsiyyətin formalaşmasını
təmin etmək və təhsilin keyfiyyətinin yüksəldilməsinə
nail olmaq üçün
hər bir müəllim öz
professional səviyyəsini, peşə ustalığını
artırmalıdır. 28 illik pedaqoji stajımın olmasına baxmayaraq, mən daim öz bilik
və bacarıqlarımı
artırmaq və zamanla ayaqlaşmaq ücün müxtəlif
ixtisasartırma kurslarında
iştirak edirəm.
Bunlara misal olaraq British Council tərəfindən həyata
keçirilən layihələrin
böyük rolunu qeyd etmək istərdim.
Böyük Britaniyadan dəvət
olumuş təlimçilərin iştirakı ilə
keçirilən layihələr
hər bir müəllim kimi mənim də həyatımda
böyük rol oynamışdır. Topladığım təcrübələri
xaricdə keçdiyim kurs, təlim və proqramlarda istifadə
etmişəm. ABŞ-ın Cənubi Konnektikut Dövlət
Universiteti və Nyu-Yorkdakı Kolumbiya Universitetində "Məktəb
liderliyi" mövzusunda 21-28 fevral 2010-cu il tarixində kecirilən
təlimdə iştirak etdim və ABŞ təcrübəsinin
öyrənilməsi, idarəetmənin təkmilləşdirilməsi
istiqamətində müvafiq biliklər əldə etdim. Bu
proqramın davamı olaraq Avropa Təhsil Siyasəti Şəbəkəsi
Mərkəzinin (NEPC) iyunun 27-dən iyulun 2-dək
Gürcüstanda "Müasir dövrdə liderlik, keçid
dövrünü yaşayan cəmiyyətlərdə təhsil
liderliyi" mövzusunda yay məktəbində iştirak
etdim. Bu səfər mənim
öyrəndiyim biliklərin bölüşməsi
üçün daha bir addim idi. Bu həm
də yeni bilikilərin əldə edilməsi
demək idi.
Təhsil işçisi
kimi mən də ölkəmizdə keçirilən "Kurikulum
islahatı" tədbirləri
çərçivəsində təlimçi-müəllim kimi
"Fəal/interaktiv təlim üsulları"
mövzusunda müəllimlər
üçün məşqlər
keçirirəm. Təlimçi-müəllim kimi məşqlər
keçirmək məşqçidən
daim öz bilik və bacarıqlarını
təkmilləşdirməsini tələb edir. Uzun müddət apardığım axtarışlar
məni Avropa Şurasının Pestalotzi
Proqramı çərçivəsində
keçirilən Modul
proqramına gətirib
çıxardı. Modul proqramının
mövzusu "Müəllimlərin
bilik, bacarıq və münasibətləri"
idi. Təhsil Nazirliyi tərəfindən
nominasiya olunduqdan və Avropa Şurası tərəfindən
dəvət aldıqdan
sonra həm sevindim, həm də özümdə böyük məsuliyyət
hissi keçirdim.
50 Avropa ölkəsinin
iştirak etdiyi nümayəndə
heyətində mən
Azərbaycandan olan yeganə iştirakçı
idim. Proqramın məqsədi Avropa
Şurasının təhsildə
standart və dəyərlərinin tətbıq
olunması ücün
beynəlxalq təlimçilərin
hazırlanmasıdır. Proqramın əsas tələblərindən biri
iştirakçıların 18 ay müddətində bu proqramda müntəzəm
işləməsi idi.
İştirakçılar oxu və yazı
materiallarını yerinə
yetirməli, online platformasında
informasiya mübadiləsi
etməli və 2010-cu
ilin oktyabr ayında keçirilən
Modul A-da aktiv iştirak etməli idilər.
İştirakçılar eyni zamanda 2011-ci ilin may ayında keciriləcək
Modul B-də fəal iştirak etməli, Modul A və Modul B müddəti arasında təlim materialları hazırlamalı, onları
nəşr etdirməli
və təlimlər vasitəsilə onları realizə etməlidirlər.
Əlbəttə, hamıya aydındır
ki, bu, uzunmüddətli
və gərgin bir işdir. Çətinlikdən qorxmadığım və bu işlərə
hazır olduğum üçün proqram məni cəlb etdi. Nəticədə
12-15 oktyabr tarixlərində Fransanın
Strasburq şəhərində
keçirilən Modul
A-da iştirak etdim. Təlimlərin məqsədi
sonda İnternet vasitəsi ilə istirakçılardan ibarət
beynəlxalq, milli, reqional, yerli səviyyədə işləməyə
hazır olan təlimçi qrupu hazırlamaq və onları demokratik cəmiyyətin inkişafı üçün
lazım olan bilik və bacarıqlarla
silahlandırmaq idi.
Təlimlər Avropa Şurasının
işçi dili olan ingilis və
fransız dillərində
keçirilirdi. Fasilədə iştirakçılar Azərbaycan
təhsili haqqında mənə çoxlu suallar verirdilər. Təhsilimizə olan bu böyük marağı nəzərə
alıb proqramın
direktorundan Azərbaycan
təhsili haqqında qısa bir təqdimatla
çıxış etmək
üçün icazə
istədim. Təqdimatdan sonra iştirakçılarda
Azərbaycan təhsili
haqqında müsbət
fikir yarandığının
şahidi oldum.
İştirakçılara demokratik cəmiyyətin inkişafı, rifahı üçün əhəmiyyəti olan komponentlərin izahı verildi və onların müəllimlərin təlimlərində, dərslərində tətbiqindən söz açıldı. Biz qrup halında seçdiyimiz komponentlərdən Power Point proqramında təqdimat hazırladıq. Sonda hər bir iştirakçı işləyəcəyi 3 komponenti seçdi və onun əsasında fəaliyyət planı hazırlayıb imzaladı. İştirakçılara eyni zamanda 18 ay müddətində işləyəcəyi fasilitatorları seçmək hüququ da verildi. Mənim seçimim Böyük Britaniyada "Demokratik Məktəb İdarəolunması" proqramı üzrə yüksəkixtisaslı mütəxəssis Arthur Robert Ivatts oldu. İnanıram ki, fasilitatorlarımın verəcəyi tövsiyələr və uzunmüddətli təcrübəm mənə bu proqramı uğurla başa vurmaqda kömək olacaq. Nəticədə bundan nəinki mən, eyni zamanda müəllimlərimiz də faydalanacaq və müstəqil Azərbaycan vətəndaşının formalaşmasında fəal iştirak edəcəklər.
Təranə BÖYÜKZADƏ
Azərbaycan müəllimi.- 2010.- 5 noyabr.- S.7.