Dövlət Müstəqilliyi Günü qeyd edilib

Lənkəran Dövlət Universitetində Dövlət Müstəqilliyi Gününə həsr edilmiş təntənəli yığıncaq keçirilmişdir. Yığıncağı universitetin rektoru, əməkdar elm xadimi, fizika-riyaziyyat elmləri doktoru, professor Asəf İsgəndərov açmış, tədbir iştirakçılarını bayram münasibətilə təbrik etmişdir.

Azərbaycan Respublikasının Dövlət himni səslənmişdir. LDU-nun humanitar elmlər fakültəsinin dekanı, tarix elmləri namizədi, dosent Rakif İbadov "Heydər Əliyev müstəqil Azərbaycan dövlətinin qurucusu və banisidir" mövzusunda məruzə edərək bildirmişdir ki, müstəqil Azərbaycanın xilası, müstəqilliyimizin qorunması və inkişafı, dövlətimizin beynəlxalq nüfuzunun artması ümummilli liderimiz Heydər Əliyevin adı ilə bağlıdır.

Dil və ədəbiyyat kafedrasının dosenti, filologiya elmləri namizədi Mirhüseyn Abbas, coğrafiya-ekologiya kafedrasının müdiri, dosent Balayar Şahbazov, baş müəllim Kamal Mahmudov, tələbələrdən Seymur Murtuzayev, Rufanə Diyarova, Gülşən Kişizadə və başqaları çıxış edərək bildirmişlər ki, dahi rəhbərin müdrik siyasəti və geniş fəaliyyəti nəticəsində müstəqil Azərbaycan inkişaf edib möhkəmlənmişdir və bu siyasət ölkə rəhbəri cənab İlham Əliyev tərəfindən uğurla davam etdirilir.

Təhsildə və universitetin ictimai həyatında fərqlənən müəllim və tələbələrin bir qrupuna rektorluq tərəfindən Fəxri fərman təqdim edilmişdir.

Azərbaycan Respublikasının Prezidenti İlham Əliyev cənablarına müraciət qəbul edilmişdir.

Hacı Etibar ƏHƏDOV

Azərbaycan müəllimi.- 2010.- 22 oktyabr.- S.4.