Dövlət İdarəçilik Akademiyasında yeni təlim kurslarının açılışı olub

Oktyabrın 26-da Azərbaycan Respublikasının Prezidenti yanında Dövlət İdarəçilik Akademiyasında baş ofisi Böyük Britaniyada yerləşən beynəlxalq "Global Certification Limited" şirkətinin Azərbaycan üzrə nümayəndəliyinin iştirakı ilə yeni təlim kurslarının açılışı oldu.

Tədbiri giriş sözü ilə DİA-nın I prorektoru, professor Əlikram Abdullayev açaraq bildirdi ki, Azərbaycanda artıq 6 ildir fəaliyyət göstərən şirkət əsas etibarı ilə kadr xidmətinin idarə edilməsinə dair təlimlər keçirilməsi, keyfiyyətin idarəedilməsi və informasiya təhlükəsizliyi sistemi, peşə təhlükəsizliyi və əməyin mühafizəsi idarəetmə sistemi, ətraf mühitin qorunması və mühafizəsi sistemlərinin qurulması və s. sahələr üzrə beynəlxalq statuslu sertifikatların verilməsi ilə məşğul olur.

Bu sertifikatlar dünyanın 159 ölkəsində tanınır və beynəlxalq əmək bazarının imkanlarından faydalanmaq üçün geniş imkanlar açır. Həmçinin şirkət dövlət təşkilatları və özəl müəssisələrdə təlim və beynəlxalq statuslu treninqlərin verilməsi işini də həyata keçirir.

Məqsəd akademiyada çalışan və təhsil alan, xüsusilə menecment sahəsində ixtisaslaşanların idarəçilik bacarıqlarının artırılması, onlara keyfiyyətin idarəolunması kimi çox aktual bir məsələyə dair ən yeni biliklərin verilməsidir.

Sonda kursun asılışı ilə bağlı iştirakçıları maraqlandıran suallar cavablandırıldı.

Şakir CƏFƏROV

Azərbaycan müəllimi.- 2010.- 29 oktyabr.- S.1.