"Durnam, gedər
olsan bizim ellərə"
I Pyotrun xəbis, türk dünyasına qarşı məkrli
və dəhşətli
nəticələri gözlənilən
planı reallaşdırılırdı:
I Nikolayın 20 mart 1828-ci il
tarixli fərmanı ilə İrəvan və Naxçıvan xanlıqları əsasında
"Ermənistan" vilayəti
yaradıldı. Beləcə, Qafqazda əzəli və əbədi türk torpaqlarının
parçalanması, aborigen
xalqın - Azərbaycan
türklərinin ağrılı,
acılı və dastanlara sığmayan qaçqın, köçkün
və əzablı tarixinin səhifələrinin
yazılması başlandı.
Və
son səhifə 1988-ci ildə
yazıldı. İndiyə
qədər qoca tarixin susqunluqla dözdüyü faktlara axır ki, tarixi-siyasi
qiymət 26 mart 1998-ci ildə
verildi: ulu öndər Heydər Əliyevin imzaladığı
"Azərbaycanlıların soyqırımı haqqında"
bu tarixi fərman çox həqiqətlərə işıq
saldı. Etnik təmizləmə və soyqırımı siyasəti nəticəsində
xalqın məruz qaldığı milli faciə, məşəqqətlər,
məhrumiyyətlər dövlət
və Milli Məclis səviyyəsində
dünyaya çatdırıldı.
Bu ağrı-acıların obrazlı,
bədii inikasının
tarixi isə ötən əsrlərlə
bağlıdır. Sənətin sinkretik növü olan aşıq yaradıcılığı xalqın
qəlbinin səsi olaraq şovinizmin, erməni-daşnak rəzillik
və faşizminin nişanəsi-soyqırımı faktlarına biganə qalmamış, gəraylı,
qoşma kimi şeir formalarında düzülüb-qoşulmuş əsərlərdə tarixi
həqiqətlər təsvir
edilmiş, realizm baxımından ayrı-ayrı
şəxslər, hadisələr,
faktlar ifadə olunmuşdur. Bu baxımdan Ağbaba-Çıldır aşıqlarının
ədəbi irsi də böyük tarixi-ictimai əhəmiyyətə
malikdir. Belə ki, Ağbaba-Çıldır
aşıqlarının əsərlərində
Azərbaycan, türk xalqlarının soyqırımı
və deportasiyası mövzusu müxtəlif poetikada əksini tapmışdır. Bir
bəndi təqdim etməklə deyilənə
söykək yaradaq:
Qan gölündə
boğulubdur türk elləri burada,
Ay-ulduzlu türk ordusu görən qalıb harada?
Qətl olanlar tikə-tikə, doğram-doğram
orada,
Şörəyelin, Ağbabanın mal-dövləti
talanmış.
Bu və
ya digər məsələlər Sumqayıt
Dövlət Universiteti
Azərbaycan və xarici ölkələr ədəbiyyatı tarixi kafedrasının müdiri,
filologiya elmləri namizədi, dosent Avtandil Ağbabanın (Məmmədov) "Durnam, gedər olsan bizim ellərə"
(Bakı: Qanun, 2009, 64
s.) kitabında (elmi redaktor filologiya elmləri doktoru, professor İ.Abbasov, rəyçi
filologiya elmləri namizədi, dosent A.Bayramovdur) ədəbi-tarixi,
mədəni-fəlsəfi baxımdan tədqiq və təhlil olunmuşdur.
Ermənilərin, onların din qardaşları
- havadarlarının Şərqi
Anadolu və Azərbaycan türklərinin
başlarına gətirdikləri
ağrı-acılar, faciələr,
repressiyalar aşıq
poeziyasında ifadəsini
tapmışdır. Kitabda Aşıq
Qəhrəman, Corlu Məhəmməd, Aşıq
Üzeyir, Aşıq
Nəsib kimi sənətkarların şeirləri
mövzu baxımından
araşdırılmışdır.
ATƏT-in xəttilə
nəşr olunmuş əsərin sonunda Ağbaba eli ilə
bağlı müxtəlif məkanları - qala, göl mənzərələrini,
ayrı-ayrı hadisələri əks etdirən fotolar verilməsi
tarixilik baxımından uğurludur.
Azərbaycan müəllimi.-
2010.- 17 sentyabr.- S.8.