Tam
orta təhsilin təmayüllər üzrə
təşkil olunduğu pilot
müəssisələrinin müəyyənləşdirilməsi
və həmin müəssisələr üçün
tədris planlarının təsdiqi haqqında
Azərbaycan
Respublikası təhsil nazirinin əmri
"Təhsil haqqında" Azərbaycan
Respublikası Qanununun 19-cu maddəsinin 19.19-cu bəndinə və
"Ümumtəhsil məktəbinin Nümunəvi Nizamnaməsi"nin
4-cü bölməsinin 4.7-ci bəndinə əsasən,
ümumi təhsil pilləsinin tam orta təhsil səviyyəsində
təhsilin təmayüllər üzrə təşkili nəzərdə
tutulduğundan gələcəkdə bu işin səmərəli
həyata keçirilməsinə zəmin yaratmaq və həmin
prosesə münasibətdə ictimai rəyi
formalaşdırmaq məqsədilə
ƏMR
EDİRƏM:
1. Tam orta təhsil səviyyəsində
təhsilin təmayüllər üzrə təşkili
üçün Təhsil Nazirliyi nəzdindəki
aşağıda göstərilən ümumi təhsil müəssisələri
pilot müəssisələri kimi müəyyən olunsun:
1.1. Bakı Avropa Liseyi
1.2. Fizika-riyaziyyat və informatika təmayüllü
lisey
1.3. "Elitar" gimnaziya
1.4. Akademik Zərifə Əliyeva
adına məktəb
1.5. 6 nömrəli məktəb-lisey
2. Həmin müəssisələrin X sinifləri
üçün müxtəlif təmayüllər üzrə
tədris planları və tədris planlarına dair "Qeydlər"
təsdiq edilsin (I-IX əlavələr).
3. Göstərilən pilot təhsil
müəssisələrinin direktorları (Z.Veysova,
T.Talıbov, S.Quliyeva, M.Vəliyeva, G.Orucova) ümumi orta təhsil
səviyyəsi üzrə buraxılış
imtahanlarının nəticələrini və şagirdlərin
meyil və maraqlarını əsas tutmaqla təmayüllü
X siniflərin komplektləşdirilməsini, habelə bu siniflərdə
dərs deyəcək müəllimlərin seçimini iyul
ayı ərzində başa çatdırsınlar, həmin
siniflərə başqa məktəblərdən müəyyən
edilmiş təmayüllər üzrə istedadlı
şagirdlərin müsabiqə əsasında qəbulu ilə
bağlı KİV-lərdə elanlar versinlər və digər
müvafiq təşkilati tədbirləri həyata
keçirsinlər.
Nəzərə alsınlar ki, tədris planlarında təmayül
fənlərinin saatları
artırıldığından zəruri hallarda müəssisəyə əvəzçilik
qaydasında səriştəli
pedaqoq və mütəxəssislər qəbul
oluna bilər.
4. Kənd rayonları üzrə ümumi təhsil şöbəsi (A.Əhmədov)
təmayül fənləri
üzrə tədris proqramlarının tədris
planlarında nəzərdə
tutulmuş saatlara uyğun işçi qrupları tərəfindən
iyulun 15-dək hazırlanmasını
təmin etsin.
5. Dərslik və nəşriyyat şöbəsi (F.Şahbazlı)
həmin tədris proqramlarına qrif verilməsini təşkil
etsin.
6. Strateji təhlil, planlaşdırma
və kadrların idarəolunması şöbəsi
(F.Qədirov) pilot müəssisələrinin
rəhbərliyinə pedaqoji
kadrlarla təminat sahəsində müvafiq köməklik göstərsin.
7. İctimaiyyətlə əlaqə
şöbəsi (B.Hüseynzadə) əmrin "Azərbaycan
müəllimi" qəzetində və "Təhsil xəbərləri"
məcmuəsində dərc olunmasını təmin etsin.
8. Əmrin icrasına nəzarəti
öz üzərimdə saxlayıram.
Misir MƏRDANOV,
Azərbaycan
Respublikasının təhsil naziri
4 iyul 2011-ci il
Azərbaycan
müəllimi.- 2011.- 8 iyul.- S.7.