Türkiyəli professor ADU-da olub

Azərbaycan Dillər Universitetində türkiyəli professor Hikmet Özdemirin "1915-ci ildən erməni fəaliyyətləri" mövzusunda mühazirəsi dinlənilib. Tələbə və müəllim heyətinin iştirak etdiyi tədbiri giriş sözü ilə açan ADU-nun Tərbiyə işləri üzrə prorektoru Ələddin Əliyev qonağı təqdim edib. Sonra çıxış edən professor Hikmet Özdemir türk - erməni münasibətlərindən, ermənilərin azərbaycanlı və türk nazirlərə qarşı etdikləri sui-qəsdlərdən danışıb. O, ermənilərin əsrlər boyu türklərə qarşı düşmənçilik siyasəti apardığını qeyd edib. Türkiyəli professor ermənilərin belə qanlı hadisələri törədərkən insanlığa zidd bütün çirkin vasitələrdən istifadə etdiklərini bildirib. Buna əyani sübut olaraq professor Hikmet Özdemir erməni vəhşiliyini əks etdirən tarixi fotoşəkillərdən ibarət slayd nümayiş etdirib.

Tədbirin sonunda professor tələbələrin suallarını cavablandırıb.

Şakir CƏFƏROV

Azərbaycan müəllimi.- 2011.- 11 mart.- S.3.